Sɔr-nɛ́ɛ 16:5 - A SƐB-SÕW

⁵ Al pùorí ʋ yel a Koore nɩ a ʋ nɩbɛ: «Bio biɓaara a, a Sore na ɩ na bɛ bãw sob nɛ ʋ na so a, sob nɛ na ɩ sõw ɛ́ na tʋ̃ɔ́ taw pɩɛl ʋ a. A sob nɛ ʋ na kaa ír a n'ʋ, ʋ na bɛr ʋ taw pɩɛl ʋ.

Sɔr-nɛ́ɛ 16:5 Iomraidhean Croise

Sɛb-sõw yielu 105:26

Lɛ n'a ʋ tɩ tõ a ʋ tõ-tone Moyiir, nɩ Aarɔ̃ ʋ na tɩ kaa ír a.

Sɛb-sõw yielu 115:10

— Aarɔ̃ yir dem i, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

Sɛb-sõw yielu 65:4

tuo a bɛ sãwna. A tɩ sãwna tɩbrɛ na zuo tɩ, ɛcɛ fʋ na tʋ̃ɔ́ na ɩ a baarɩ.

Eziptɩ tẽw yib 28:1

«Moyiir i, ƴãw a fʋ yɛb Aarɔ̃ wa a fʋ zie, ʋlɛ n'ɩ a ʋ bidɛbr Nadavʋ, Avihu, Eleazaar nɩ Itamaar. Fʋ na bʋ́r bɛ na, bɛlɛ nɩ a Ɩsɩrayɛl nɩbɛ ŋmãa na cɛ a, bɛ ɩ bàwr-maalbɛ tone a ɩ̃ tome.

Eziptɩ tẽw yib 28:41

«A fʋ̃ʋ Moyiir, fʋ na su n a kparɩ á ŋá a fʋ yɛb Aarɔ̃ nɩ a ʋ bidɛbr. Fʋ na cir'ɩ a kãá ƴãw bɛ a zuru ƴãw, ɛ́ ka a nũu ƴãw bɛ. À à ŋá n'a fʋ na maalɩ bɛ bɛ ɩ son, ɩ bàwr-maalbɛ tone a ɩ̃ tome.

Eziptɩ tẽw yib 28:43

A Aarɔ̃ nɩ a ʋ bidɛbr na mɩ́ sɛ a na kpɛ n a tuor-taa pɛn-sɛw pʋɔ, bɩɩ taw pɩɛl'ɩ a bàwr-maal-kuur, a lɛn daar bɛ nãà mɩ́ wa tone a bàwr-maal-tome a zi-sõw pʋɔ a. Lɛ n'a bɛ kʋ̃ mɩ́ wul a bɛ faalʋ, kpi a al ƴãw ɛ. Nʋɔr'ʋ ƴãw gã kʋralɛ a Aarɔ̃ nɩ a ʋ bʋʋrɛ ƴãw.»

Zeremi 30:21

A Sore yere na: «A bɛ kãw n'ʋ na ɩ a bɛ nɩ-kpɛ̃ɛ, a bɛ kaarɛ na dɔw nɩ a bɛ sɔgɔ. Ɩ̃ na sàw na ʋ taw ta, ʋ na wa n a ɩ̃ zie. Bʋ̃ʋ n'ʋ vɛ̃, ãa n'ʋ na sàw cɛ kũu-pire taw pɩɛlɩ mɛ̃?

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Ezekɩɛl 40:46

A bàwr-maalbɛ bɛl na tone a bàwr-maal-kuur tome a so a dĩo ʋl na tori a saa-pɛrɩ́-gʋba-lowr a. A Levi dɔwlʋ nɩbɛ pʋɔ a, a bɛl na ɩ a Sadɔkɩ bʋ̃-dɔwrɩ a tɛwr nɛbɛ na tʋ̃ɔ́ kpɛ a zi-sõw pʋɔ tone a Sore tome.»

Ezekɩɛl 43:19

Fʋ na kʋ̀ n nadɛr a levitɩ mɩnɛ na ɩ bàwr-maalbɛ yi a Sadɔkɩ yir a. Bɛl tɛwr nɛbɛ tɛr sɔ́r na taw pɩɛlɩ mɛ̃ tone a ɩ̃ tome, a mãa Sore Naaŋmɩn n'ʋ yere. Bɛ na maal'ɩ nɩ a nadɛr ŋa bàwr a yel-bebe suur-dɩ-kʋ̀b ƴãw.

Ezekɩɛl 45:4

A tẽw zi-sõw ŋa na ɩ n a bàwr-maalbɛ na tone a Sore tome a zi-sõw pʋɔ a sób. A bɛ yie na ŋma n a tẽsɔw ŋa zu, ʋʋ na be n a zi-sõw tɛwr ƴãw.

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Levitɩ mɩnɛ 8:2

«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.

Malasɩ 3:18

Lɛ n'a nyɩ na lɛb nyɛ̃ a nɩ-mɩn nɩ a nɩ-faar na bɛ ɩ been a, a bɛlɩ dem na tone a Naaŋmɩn tome nɩ a bɛlɩ dem na bɛ tone a ʋ tome a.

Sɔr-nɛ́ɛ 16:3

Bɛ tɩ jil'a pàw a Moyiir nɩ a Aarɔ̃ ɛ́ yel bɛ à ŋá: «A pãa sɛw nɩ lɛ! Nyɩ ƴãw nɩ manʋ! A Ɩsɩrayɛl lãw nɩbɛ za ɩ n son, ɛ́ a Sore be a tɩ za sɔgɔ. Bʋ̃ʋ n'ʋ so nyɩ tɩ́ɛrɛ kɛ́ nyɩ zuo nɩ a Sore nɩbɛ ŋmãa?»

Sɔr-nɛ́ɛ 16:6

A na ɩ lɛ a, a nyɩɩm, a fʋ̃ʋ Koore nɩ a fʋ nɩbɛ, nyɩ ɩ à ŋá: nyɩ de parfɛ̃ nyɩwfʋ-koli.

Sɔr-nɛ́ɛ 17:5

A kur-ŋmɛ-mawlɩ á ŋá tɩ sɩ̃wnɛ nɩ a Ɩsɩrayɛl nɩbɛ tɩɛrʋ, kɛ́ nɩ-zawla za na bɛ ɩ a Aarɔ̃ bʋʋrɛ a bɛ tɛr sɔ́r na nyɩw a tɩ-suur-zɔ̃-na-nyùur-vla-vla-a, a Sore niŋé ɩ. Nɩr za wa ɩ a lɛ a, a na ŋmɛ̃ ʋ na mɛ̃ a lɛ a na tɩ ŋmɛ̃ a Koore nɩ a ʋ nɩbɛ zie a, mɛ̃ a lɛ a Sore na tɩ ƴãw a Moyiir yel kʋ̀ a Aarɔ̃ a.

Sɔr-nɛ́ɛ 17:8

A Moyiir nɩ a Aarɔ̃ tɩ cen nɩ a tuor-taa pɛn-sɛw niŋé,

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Nɩ-toni 1:2

tɩ ta n a ʋlɩ bibir nɛ bɛ na ír ʋ do n a tẽ-vla a. A Vʋʋrʋ Sõw n'ʋ tɩ ƴãw ʋ ƴɛ̀r a ʋ ƴɛ̀r-pɛ-baara kʋ̀ a ʋ nɩ-toni ʋ na tɩ kaa ír a, ɛ́ pãa bãw do a tẽ-vla pʋɔ.

Nɩ-toni 1:24

A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ,

Nɩ-toni 13:2

Bibir kãw bɛ na tɩ ɓã taa puore a Sore, tɛr'ɩ mʋta-tuo a, a Vʋʋrʋ Sõw tɩ yel bɛ na: «Nyɩ ír a Banabasɩ nɩ a Sol bɛr mɛ̃: ɩ̃ bʋɔlɩ bɛ nɩ tõ-nʋɔr kãw ƴãw.»

Nɩ-toni 15:7

Bɛ na tɩ ŋmɛ a nɔkpɛn a tɩ cɛlɩ a, Pɩɛr tɩ ìr'a yel: «Yɛbr i, nyɩ bãwnɩ a na a Naaŋmɩn na kaa ír mɛ̃ koro za a nyɩ pʋɔ, k'aa nɩ-bʋʋr-yoru tʋ̃ɔ́ wõ a Yel-nʋ̃ɔ̀ a ɩ̃ nʋɔrɩ́ ɛ́ sàw de a.

Nɩ-toni 22:14

A lɛ n'a ʋ tɩ yel mɛ̃: “A tɩ sãàkʋm-kore Naaŋmɩn tɩ dãw na bãwnɩ fʋ kaa ír, kɛ́ fʋ wa bãw a ʋ pʋ-tɩɛrʋ, kɛ́ fʋ wa bãw a nɩ-mɩŋa ɛ́ wõ a ʋ tɔr za kɔkɔr.

Efɛɛzɩ 2:13

Ɛcɛ ƴɛrɛŋa nyɩ na lãw nɩ a Yeezu Kɩrɩta a, nyɩɩm na tɩ be zi-zãána a, a ʋ zɩ̃ɩ ɩ na nyɩ taw pɩɛlɩ.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

1 Samɩɛl 2:28

Ɩ̃ kaa na ír a fʋ sãàkʋm, a Ɩsɩrayɛl dɔwlʋ za pʋɔ, k'ɩ̃ɩ ɩ ʋ ɩ a ɩ̃ bàwr-maalɛ, maalɛ a bagɛ kʋ̀rɛ mɛ̃ a ɩ̃ bàwr-maal-kuur zu, nyɩwr a tɩ-suur-zɔ̃-na-nyùur-vla-vla-a, suur a bàwr-maal-kara nyãa-kpale a ɩ̃ niŋé. Ɩ̃ kʋ̀ n a fʋ sãàkʋm a Ɩsɩrayɛl nɩbɛ de-kʋ̀b bome za.