Sɔr-nɛ́ɛ 16:22 - A SƐB-SÕW

²² Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Sɔr-nɛ́ɛ 16:22 Iomraidhean Croise

Yele-za-pɛr-tib 18:32

A Abraham tɩ lɛb'a yel: «Ɩ̃ zɛlɛ fʋ na Sore e, taa nyɛrɛ suur ɛ, ɩ̃ pãa na baa na ƴɛ̀r. Kapaw, pie tɛwr'a bɛ na nyɛ̃ a be.» A Sore sɔw: «A nɩ-mɩn pie bɛ ŋa ƴãw a, ɩ̃ bɛ sãwnɛ a tẽw bɛrɛ ɩ.»

2 Samɩɛl 24:1

Bibir kãw, a Sore suur tɩ lɛb'a ìr a Ɩsɩrayɛl nɩbɛ ƴãw. Ʋ tɩ ɩ na a Daviir ìr a bɛ ƴãw, ʋʋ yel ʋ à ŋá: «Cen tɩ sɔ́r a Ɩsɩrayɛl nɩ a Zuda tẽw nɩbɛ.»

2 Samɩɛl 24:17

A Daviir na tɩ nyɛ̃ a malkɩ ʋ kʋrɛ a nɩbɛ a, ʋ tɩ yel'ɩ a Sore: «Mãa n'ʋ maalɩ a yel-bier, mãa n'ʋ sãw, ɛcɛ a ɩ̃ nɩ-bʋʋrɛ nɩbɛ bɛ ŋa a, bʋ̃ʋ n'ʋ bɛ ɩ? Mãa nɩ a ɩ̃ yir nɩbɛ nɛbɛ a sɛw kɛ́ fʋ dɔwrɩ.»

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

Sɛb-sõw yielu 99:6

Moyiir nɩ Aarɔ̃ tɩ pʋɔ nɩ a ʋ bàwr-maalbɛ pʋɔ, ɛ́ Samɩɛl pʋɔ a bɛlɩ dem na bʋɔlɛ a ʋ yúor a pʋɔ, bɛ mɩ́ tɩ bʋɔl'ɩ a Sore, ʋ sɔw bɛ.

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Zeremi 32:27

A mãa, a Sore a, mãa n'ɩ bʋ̃-vʋʋrɩ za Naaŋmɩn. Bom be n be kpɛmɛ zuo a ɩ̃ zie e?

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Levitɩ mɩnɛ 10:6

Lɛ n'a a Moyiir tɩ yel a Aarɔ̃ nɩ a ʋ bidɛbr ayi na cɛ a, a Eleazaar nɩ a Itamaar: «Nyɩ taa bɛrɛ a nyɩ zukɔbr a ɩrɛ zarkpara ɩ, ɛ́ taa tawr a nyɩ kparɩ cɩɛrɛ a ɩ a ko-tuolu bãwfʋ ɛ, nyɩ nãà mab'a kpi, ɛ́ ɩ a Sore suur ír a Ɩsɩrayɛl nɩbɛ lãw za ƴãw. Nyɩ bɛr a nyɩ yɛbr Ɩsɩrayɛl nɩbɛ za bɛ kõ a bɛlɩ dem a Sore na kʋ n a vũu a.

Levitɩ mɩnɛ 4:3

A bàwr-maal-kara wa n'ʋ maalɩ a yel-bier ƴãw a nɩbɛ za tɛr sãwna a, ʋ na ír'ɩ nadɛr a ƴã-gan zie kãw za na bɛ sãw a, maal'ɩ yel-bier ír-bɛrʋ bàwr kʋ̀ a Sore.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Sɔr-nɛ́ɛ 14:5

A Moyiir nɩ a Aarɔ̃ tɩ lo na vɔblɩ muru a Ɩsɩrayɛl nɩbɛ lãw za niŋé.

Sɔr-nɛ́ɛ 16:23

A Sore tɩ sɔw nɩ a Moyiir à ŋá:

Sɔr-nɛ́ɛ 16:4

A Moyiir na tɩ wõ a ƴɛ̀r-bie á ŋá a, ʋ lo na vɔblɩ muru.

Sɔr-nɛ́ɛ 27:16

«Sore Naaŋmɩn i, fʋ̃ʋ na kʋ̀ a nyɔ-vʋʋrʋ a bʋ̃-íri za a, ƴãw nɩr ʋ de a lãw nɩbɛ niwn,

Ʋrɔm 5:18

A na ɩ à ŋá a, mɛ̃ a lɛ a dɔwrʋ na lo a nɩsaalbɛ za zu, nɩ-been yõ sãwna ƴãw a, lɛ mɩ̀ n'a nɩ-been yõ mɩnʋ ɩ a nɩsaalbɛ za ɩ nɩ-mɩn ɛ́ tɛr a nyɔ-vʋʋrʋ.

1 Korɛ̃tɩ 13:7

A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

Zozue 22:18

Ɛ́ nyɩɩm ìr dɩ̃a tawr zãánɛ nɩ a Sore! Nyɩ ìr'ɩ dɩ̃a zawrɛ a Sore bɛrɛ, bio a, a ʋ suur na ìr'ɩ a Ɩsɩrayɛl lãw nɩbɛ za zu!