Sɔr-nɛ́ɛ 14:9 - A SƐB-SÕW

⁹ A na ɩ lɛ a, nyɩ ta zɛbr'ɩ a Sore ɩ. Nyɩ ta zɔrɛ a tẽw ŋa nɩbɛ ɩ: tɩ na tɩ sɔw nɩ bɛ nɩ nʋɔr. Bʋ̃ʋ n'ʋ vɛ̃, a bɛ ŋmɩmɛ na gùre bɛ a taw na yi kɛ́ bɛr bɛ. Ɛcɛ a Sore ʋl be n a tɩ zie. A na ɩ à ŋá a, nyɩ ta zɔrɛ bɛ ɩ!»

Sɔr-nɛ́ɛ 14:9 Iomraidhean Croise

Yele-za-pɛr-tib 48:21

Al pùorí ʋ yel a Zuzɛb: «Ɩ̃ kʋ̃ yaa kɛ́ kpi ɛ, ɛcɛ Naaŋmɩn na be n a nyɩ zie ɛ́ ɩ nyɩ lɛb wa a nyɩ sãàkʋm-kore tẽw.

2 Bibie za yel-manɩ 13:12

Ƴɛrɛŋa a, a Naaŋmɩn mɩŋa n'ʋ de tɩ niwn. A ʋ bàwr-maalbɛ be n ka cɔbrɩ gù a wɩ́ɛ pɛblʋ kɛ́ bɛ lɔb a zɛbr cɛl a nyɩ ƴãw. A na ɩ à ŋá a, Ɩsɩrayɛl nɩbɛ ɛ, nyɩ ta ŋmãa nɩ a Sore, a nyɩ sãà mɩnɛ Naaŋmɩn, a zɛbr ɛ, nyɩ kʋ̃ zɛb tʋ̃ɔ́ ɩ.»

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

2 Bibie za yel-manɩ 20:17

Nyɩ kʋ̃ tɩ zɛb'ɩ bɛ a be ɩ. Nyɩ ta a be, àr ɛ́ jɩ́rɛ a lɛ a Sore na na zɛb tʋ̃ɔ́ a nyɩ ƴãw a. Zerizalɛm nɩbɛ nɩ Zuda nɩbɛ ɛ, nyɩ ta zɔrɛ bom za ɩ, ɛ́ ta bɛr dɛ̃bɩ̃ɛ tɛr nyɩ ɛ! Bio, nyɩ yi tuori bɛ, ɛ́ a Sore na be n a nyɩ zie.»

2 Bibie za yel-manɩ 32:8

Nɩsaal fãw tɛwr'a ʋ tɛr, ɛcɛ tɩɩm a, a Sore tɩ Naaŋmɩn be n a tɩ zie a tɩ sõwfʋ ƴãw, ɛ́ na zɛbr a tɩ zɛbr.» A Zuda nãà Ezekɩasɩ ƴɛ̀rʋ á ŋá tɩ mɔwl'ɩ a tẽw nɩbɛ za.

Neemi 4:14

Zie nɛ za nyɩ na be a, nyɩmɛ wa wõ a wɩ́ɛ ʋ pɛblɩ a, nyɩɩm zɔ wa ɓã taa a ɩ̃ zie. A tɩ Naaŋmɩn na zɛb'a ƴãw tɩ.»

Sɛb-sõw yielu 106:24

Bɛ tɩ zawr'ɩ tẽw na ɩ tẽw a bɛr, bɛ bɛ tɩ sàw de a Sore ƴɛ̀rʋ ɛ.

Sɛb-sõw yielu 121:5

A Sore n'ɩ a fʋ gùre, a Sore gùre fʋ na, ʋ be n a fʋ lõbowrí.

Sɛb-sõw yielu 14:4

A Sore yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za, na nɛbr a ɩ̃ nɩ-bʋʋrɛ, dɩrɛ nɩ a bɛ bʋ̃-dɩrɩ, ɛ́ bɛ ŋmɛlɛ kaar mɛ̃ towtow a.»

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Sɛb-sõw yielu 46:8

A Sore Kpɛnʋ-za-sob lãw nɩ tɩ na, a Zakɔb Naaŋmɩn n'ɩ a tɩ zɛbr-yir-kpɛ̃w. Tɛw-àrʋ

Sɛb-sõw yielu 74:14

Fʋ̃ʋ n'ʋ ŋmɛr a Levɩatã zuru, ƴãw zʋm-bɛrɛ 'wɔb ʋ.

Sɛb-sõw yielu 91:1

Ʋlɩ sob na zɔrɛ kpɩɛr a Naaŋmɩn-na-do-saa-bɛ-pɩɛl-a naayir ɛ́ pɩ̃ɛnɛ a Kpɛnʋ-za-sob ɓaarʋ́ a,

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Eziptɩ tẽw yib 33:16

Bʋ̃ʋ n'ʋ vɛ̃, fʋ̃ʋ bɛ wa bɩɛlɛ tɩ a, ŋmɩŋmɩn n'a a nɩbɛ na bãw k'aa fʋ pʋɔ pɛlɩ nɩ a mãa nɩ a fʋ nɩ-bʋʋrɛ ƴãw? A ʋlɩ bom nɛ na na ɩ kɛ̀ tɩɩm nɩ a tẽw zu nɩ-bʋʋrɛ za bɛ ɩ been a, ʋlɛ n'ɩ fʋ na na bɩɛlɛ a mãa nɩ a fʋ nɩ-bʋʋrɛ a.»

Ɩzayi 1:2

Bɛrɛ wone, salom i! Tẽw i, ƴãw tobr! A Sore n'ʋ ƴɛ̀rɛ: “Ɩ̃ guol'ɩ bibiir bɛ bàa ɩ nɩ-bɛrɛ, ɛcɛ bɛ gaarɩ nɩ a ɩ̃ zu.

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 42:11

Nyɩ ta cãà zɔrɛ a Babɩlɔn tẽw nãà dɛ̃bɩ̃ɛ ɩ. A mãa, a Sore, ɩ̃ yere na kʋ̀rɛ nyɩ: Nyɩ ta cãà zɔrɛ ʋ ɛ, bʋ̃ʋ n'ʋ vɛ̃, ɩ̃ be n a nyɩ zie k'ɩ̃ɩ faa nyɩ, ɛ́ ír nyɩ a ʋ nuru pʋɔ.

Zeremi 48:45

A bɛlɩ dem na zɔrɛ a, bɛ bàl'a. Bɛ tɛw na àr a Hɛsɩbon tẽw. Ɛcɛ vũu yi n a Hɛsɩbon tẽw pʋɔ, vũu-zɛlɛ yi n a Sihon nãà yir pʋɔ. A dɩ n a Mowab tacɩlɛ, nɩ a po-to-fãw dem zuŋmamɛ.

Sɔr-nɛ́ɛ 13:30

Kalɛb tɩ ɩ na a nɩbɛ na zɛbr'ɩ a Moyiir a, bɛ ɩ gbili. Ʋ tɩ yel'a: «Nyɩ ɩ tɩ cen! Tɩ do tɩ zɛb de a tẽw. Tɩ na tʋ̃ɔ́ na!»

Sɔr-nɛ́ɛ 17:6

A bio daarɩ́ a, a Ɩsɩrayɛl nɩbɛ lãw za tɩ zɛbr'ɩ nɩ a Moyiir nɩ Aarɔ̃. Bɛ tɩ yel bɛ na: «Nyɩ ɩ na a Sore nɩbɛ kpi!»

Sɔr-nɛ́ɛ 20:2

Kʋ̃ɔ na bɛ tɩ ka be a nɩbɛ ƴãw a, bɛ tɩ mɛ na pàw a Moyiir nɩ a Aarɔ̃.

Sɔr-nɛ́ɛ 24:8

A Naaŋmɩn ɩ n nɩ fãw bɛ yi a Eziptɩ, fãw na bɛ tɛr tʋ̃ɔ́fʋ mɛ̃ wɛ-náab fãw a. Bɛ vɔlɛ nɩ a nɩ-bʋʋr-yoru na ŋmãa nɩ bɛ zɛbr a, bɛ karɛ nɩ a bɛ kɔbɛ, a bɛ pime kpɩɛr bɛ na cole.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Wulu-ayi-sob 1:21

Nyɩ nyɛ̃, a Sore nyɩ Naaŋmɩn ɩ na a tẽw sãá a nyɩ niŋé. Nyɩ do tɩ de ʋ, so ʋ, mɛ̃ a lɛ a Sore, a nyɩ sãàkʋm-kore Naaŋmɩn na yel kʋ̀ nyɩ a. Nyɩ tɛr kanyir, nyɩ ta zɔrɛ dɛ̃bɩ̃ɛ ɩ!»

Wulu-ayi-sob 1:26

Ɛcɛ nyɩ bɛ sàw cen a be ɩ, zawrɩ a lɛ a Sore nyɩ Naaŋmɩn na yel a.

Wulu-ayi-sob 1:29

Ɩ̃ tɩ yel nyɩ na: «Nyɩ ta zɔrɛ dɛ̃bɩ̃ɛ ɩ, nyɩ ta zɔrɛ bɛ ɩ!

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

Wulu-ayi-sob 31:8

A Sore na de fʋ nɩ niwn, ʋ na be n a fʋ zie. Ʋ bɛ tɩ̀ɛrɛ fʋ bɛrɛ ɩ, ʋ bɛ zawrɛ fʋ bɛrɛ ɩ. A na ɩ à ŋá a, ta zɔrɛ dɛ̃bɩ̃ɛ ɩ, ta sàw bom za tʋ̃ɔ́ fʋ ɛ.»

Wulu-ayi-sob 32:42

A ɩ̃ pime na ɩ n a bɛ zɩ̃ɩ tɛwr, a ɩ̃ zɛbr-sɔ-kpɛ̃ɛ na baarɩ bɛ nɩ bɛ za. A dɔ̃ dem zɛbr nɩr kãw za bɛ cɩ̃ɛnɛ ɩ, bɛ ƴãw bɛ nɩ bàalʋ, bɩɩ bɛ nyɔw bɛ na a, bɛ za na kpi na.”

Wulu-ayi-sob 7:18

Nyɩ ta zɔrɛ bɛ ɩ! Nyɩ lɛb tɩɛrɩ a lɛ a Sore nyɩ Naaŋmɩn na ɩ a Faarawɔ̃ nɩ a Eziptɩ tẽw za a:

Wulu-ayi-sob 7:21

Nyɩ taa màwr a nɩ-bʋʋrɛ bɛ ŋa niŋé ɩ: a Sore nyɩ Naaŋmɩn be n a nyɩ zie, ɛ́ ɩ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 14:12

A na ɩ à ŋá a, kʋ̀ m a tãw vuo ŋa, a Sore na tɩ ƴɛ̀r a ƴɛ̀rʋ a ʋlɩ bibir nɛ a, bʋ̃ʋ n'ʋ vɛ̃, fʋ mɩŋa za tɩ wõ n a ʋlɩ bibir nɛ, kɛ́ Anakɩ bʋʋrɛ nɛbɛ be a be, kpɩɛr tẽ-bɛrɛ nɩ tẽ-kpɛn kpɛn pʋɔ. A mɩnɛ kãw, a Sore na be n a ɩ̃ zie, ɩ̃ɩ na zɛb'a de a, mɛ̃ a lɛ a Sore na tɩ yel kʋ̀ m a.»

Ƴɛ̀r-dɩrbɛ 1:22

A Zuzɛb bʋʋrɛ mɩ̀ tɩ cen na tɩ zɛb'ɩ a Betɛl tẽw, ɛ́ a Sore tɩ be a bɛ zie.