Sɔr-nɛ́ɛ 12:6 - A SƐB-SÕW

⁶ A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.

Sɔr-nɛ́ɛ 12:6 Iomraidhean Croise

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Yele-za-pɛr-tib 20:7

Ƴɛrɛŋa a, lɛb kʋ̀ a pɔw ŋa a ʋ sɩr. Naaŋmɩn-ƴɛ̀r-manɛ n'ʋ, ʋ na puor'a kʋ̀ b fʋ cãà vʋʋrɛ. Fʋ̃ʋ bɛ wa lɛb tɩr a pɔw a, bãwnɩ a fʋ na na kpi, fʋ̃ʋ nɩ a fʋ nɩbɛ za a, zɛlɩ bɛr bɛ ka be ɩ.»

Yele-za-pɛr-tib 28:12

Ʋ tɩ zanɩ na nyɛ̃ dɛ́r na tewli a tẽsɔw ɛ́ a nyʋɔr tɩ tɔ a salom a. Naaŋmɩn malkɩ mɩnɛ tɩ dúor'ɩ a dɛ́r ɛ́ siwr.

Yele-za-pɛr-tib 28:16

A Zakɔb tɩ zaw na ìr ɛ́ yel: «Yel-mɩŋa za, a Sore be n a ka, ɩ̃ɩ bɛ tɩ bãwnɩ a ɩ.»

Yele-za-pɛr-tib 37:5

A Zuzɛb tɩ gã na zanɩ bibir kãw ɛ́ manɩ kʋ̀ a ʋ yɛbr, ɛ̀ bɛ lɛb bãw hɩ̃ɛn ʋ dɔwlɩ.

Yele-za-pɛr-tib 37:9

A Zuzɛb tɩ lɛb'a zánɩ zánʋ kãw, mɩ̀ lɛb man ʋ kʋ̀ a ʋ yɛbr. Ʋ tɩ yel'a: «Ɩ̃ lɛb'a zánɩ zánʋ kãw: a mʋ̃tɔ̃w, a cuw nɩ ŋmar-bie pie nɩ been tɩ wa na wa vɔblɩ muru a ɩ̃ niŋé.»

Yele-za-pɛr-tib 46:2

A ʋlɩ tɩ̃ɩsɔw nɛ a, ʋ tɩ nyɛ̃ nɩ a Naaŋmɩn ʋ ƴɛ̀r a ʋ zie. A Naaŋmɩn tɩ bʋɔl'ʋ na: «Zakɔb i! Zakɔb i!» A Zakɔb sɔw: «Mãa n'ɩ ŋan.»

2 Samɩɛl 7:4

Ɛcɛ a ʋlɩ tɩ̃ɩsɔw nɛ, a Sore tɩ ƴɛ̀r'ɩ a Natan zie à ŋá:

1 Na-mɩnɛ 3:15

A Salomɔ̃ tɩ zaw na ìr, nyɛ̃ a ɩ zánʋ. Ʋ tɩ lɛb'a wa a Zerizalɛm, wa àr tori a Sore wõ-taa daga. Ʋ tɩ maal'ɩ nyɩw-a-za-bagɛ nɩ lãw-taa bagɛ. Al pùorí ʋ cɔbrɩ cuw-kpɛ̃ɛ dɩb a ʋ tõ-tõ-biir ƴãw.

1 Na-mɩnɛ 3:5

A Gabaɔ̃ be a, a Salomɔ̃ tɩ nyɛ̃ nɩ a Sore tɩ̃ɩsɔw, zánʋ pʋɔ. A Naaŋmɩn tɩ yel ʋ na: «Bʋ̃ʋ n'ʋ ɩ̃ na kʋ̀ b? Zɛlɩ.»

A Zɔb sɛbɛ 33:15

Ʋ mɩ́ ƴɛ̀r'ɩ zánʋ pʋɔ, tɩ̃ɩsɔw yel-nyɛra pʋɔ, a lɛn daar a nɩsaalbɛ na mɩ́ gúr kpalɩtam gã a, a lɛn daar bɛ na mɩ́ gúr gã a bɛ bʋ̃-gana pʋɔ a.

A Zɔb sɛbɛ 4:13

A tɩ̃ɩsɔw zánʋ pʋɔ, a lɛn daar a nɩsaalbɛ na mɩ́ gúr kpalɩtam a,

Sɛb-sõw yielu 105:15

Ʋ mɩ́ tɩ yere na: «Nɩr za taa tʋɔr a ɩ̃ nɩ-kabrɩ ɛ, nɩr taa ɩrɛ a kpɩɛr a ɩ̃ ƴɛ̀r-manbɛ ɩ!»

Sɛb-sõw yielu 89:19

Fʋ̃ʋ só a tɩ gùre, Sore e, Ɩsɩrayɛl Naaŋmɩn na ɩ sõw a, fʋ̃ʋ só a tɩ nãà.

Eziptɩ tẽw yib 7:1

Lɛ n'a a Sore tɩ yel ʋ: «Nyɛ̃, ɩ̃ ɩ na fʋ ɩ naaŋmɩn a Faarawɔ̃ zie, ɛ́ a fʋ yɛb Aarɔ̃ n'ʋ na ɩ a fʋ ƴɛ̀r-manɛ.

Zeremi 23:25

«A mãa, a Sore a, ɩ̃ wõ n a naaŋmɩn-ƴɛ̀r-manbɛ ƴɛ̀rʋ. Bɛ yel'a kɛ́ bɛ ƴɛ̀rɛ nɩ a ɩ̃ yúor ƴãw, ɛcɛ ziri n'a. Bɛ yere na: “Ɩ̃ zánɩ nɩ zánʋ! Ɩ̃ zánɩ nɩ zánʋ!”

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Ezekɩɛl 1:1

A ɩ̃ yome lɩzɛr'ɩ pie sob, a cuwr anaar sob, a bibie anũu sob, a mãa Ezekɩɛl na ɩ a bàwr-maalɛ Buuzɩ bidɛb a, ɩ̃ tɩ pʋɔ nɩ a Zifʋ mɩnɛ bɛl bɛ na tɩ diw cen nɩ a pʋɔ, a Kebaar man nʋɔr. Ɩ̃ tɩ nyɛ̃ nɩ a salom ʋ yuo, ɛ́ a Naaŋmɩn tɩ tɩr bʋ̃-nyɛrɩ kʋ̀ m ɩ̃ nyɛ̃.

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

Zowɛl 3:1

A Sore yere na: «Al pùorí, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na ƴɛ̀rɛ nɩ naaŋmɩn-ƴɛ̀r-manbɛ ƴɛ̀rʋ, zánʋ na waar'ɩ a nyɩ nɩ-kore, a nyɩ pɔlbili na nyɛrɛ nɩ bʋ̃-nyɛrɩ.

Zakari 1:8

Bʋ̃-nyɛra kãw n'ʋ ɩ̃ nyɛ̃ a tɩ̃ɩsɔw: Nɩr na zɔm wur-zɩɛ a. Ʋ tɩ àr'ɩ mɩrtɩ tɩɩr pʋɔ, a bà-fʋɔla pɛrɩ́ za. Wie a mɩnɛ tɩ be n a ʋ pùorí ɩ zɩɩr, ulsɩ nɩ pɛlɛ.

Sɔr-nɛ́ɛ 24:4

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ ɛ́ nyɛ̃ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Matie 2:19

A Erɔdɩ kũu pùorí, a Zuzɛb tɩ nyɛ̃ nɩ a Sore malkɩ zánʋ pʋɔ a Eziptɩ tẽw

Matie 23:31

À ŋá n'a nyɩ mɩ́ ƴɛ̀r nyɔw nyɩ tʋɔra: a bɛlɩ dem na kʋ a naaŋmɩn-ƴɛ̀r-manbɛ a, bʋ̃-dɔwrɩ n'ɩ nyɩ.

Matie 23:34

Lɛ so, nyɩ nyɛ̃, ɩ̃ tone nɩ naaŋmɩn-ƴɛ̀r-manbɛ, nɩ yã-bãwnbɛ, nɩ Naaŋmɩn wulu sɛ-sɛbrbɛ a nyɩ zie. Nyɩ na kʋ n bɛ mɩnɛ, ɛ́ kpa bɛ mɩnɛ da-gara zu, nyɩ na fɔb'ɩ bɛ mɩnɛ a nyɩ puoru-diru pʋɔ, ɛ́ diw bɛ tẽw ŋa tɩ sãá nɩ tẽw ŋa,

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Matie 27:19

A Pɩlatɩ na tɩ zɩ̃ a ƴɛ̀rʋ-dɩb zie a, a ʋ pɔw tɩ tõ na bɛ tɩ yel ʋ: «Taa tone nũu a nɩ-mɩŋa ŋa yele pʋɔ ɩ. Ɩ̃ wõ n tuo yaga zánʋ pʋɔ a dɩ̃a a ʋ ƴãw.»

Luka 1:11

Lɛ n'a a Zakari tɩ nyɛ̃ Sore malkɩ, ʋ àr a tɩ-suur-zɔ̃-na-nyùur-vla-vla-a nyɩwfʋ bàwr-maal-kuur dʋrʋ lowr.

Luka 1:22

Ʋ na wa yi a, ʋ bɛ tʋɔr ƴɛ̀rɛ na ƴɛ̀r sɔw bɛ ɩ, lɛ so bɛ tɩ bãw k'ʋʋ nyɛ̃ nɩ bom a zi-sõw pʋɔ. Ʋ tɩ kpar'ɩ nʋɔr ɛ́ kabrɛ manɛ nɩ a nuru wule bɛ.

Luka 20:6

Ɛ́ tɩmɛ wa yel kɛ́: “Nɩsaalbɛ zie n'a”, a nɩbɛ na lɔb'ɩ tɩ nɩ kʋsɛbɛ kʋ, bʋ̃ʋ n'ʋ vɛ̃, bɛ tɩ bãwnɩ a na k'aa Zã ɩ n naaŋmɩn-ƴɛ̀r-manɛ.»

Nɩ-toni 10:11

Ʋ tɩ nyɛ̃ nɩ a salom ʋ yuo, bom kãw nɩr na kʋ̃ tʋ̃ɔ́ bãw a, tɩ yi n a salom zu siwr a tẽw. Ʋ tɩ ɩ na mɛ̃ pɛn-kpɛ̃ɛ kpɛ̃ɛ bɛ na nyɔw a nɛ́ɛ anaar ƴãw, ɛ́ bɛr ʋ siwr a tẽw a.

Nɩ-toni 10:17

A Pɩɛr tɩ cãà na zɩ̃ tɩɛrɛ bɔbr k'ʋʋ bãw a bʋ̃-nyɛra ŋa pɛr, ɛ́ tɩ bãwnɛ guur. Ʋ wa bere na, a nɩbɛ a Kɔrnɛɩ na tõ a, sowri bãw a Sɩmʋ̃ yir zie wa ta àr a dɩ̃dɔrɩ́.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Wulu-ayi-sob 18:15

Ʋ na tõ n naaŋmɩn-ƴɛ̀r-manɛ a nyɩ zie, ʋ ŋmɛ̃ mɛ̃ a mãa a. A nyɩ bʋʋrɛ pʋɔ n'a ʋ na yi, ʋlɛ n'ʋ nyɩ na bɛrɛ wone.

Wulu-ayi-sob 18:18

Ɩ̃ na tõ n naaŋmɩn-ƴɛ̀r-manɛ ʋ ɩ mɛ̃ a fʋ̃ʋ a, a bɛ zie. Ʋ na ɩ n a bɛ bʋʋrɛ nɩr. Ɩ̃ na ƴãw nɩ a ɩ̃ ƴɛ̀rʋ a ʋ nʋɔrɩ́, ʋʋ na mɩ́ yel'ɩ a alɩ bome nɛ za ɩ̃ na yel k'ʋʋ yel a, kʋ̀ bɛ.

Ebre 1:1

A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie.

Yel-wula 11:10

Nʋ̃ɔ̀ na ɩrɛ nɩ a tẽw zu nɩbɛ a nɩbɛ bɛ ŋa kũu ƴãw. Bɛ na cɩlɛ na kʋ̀rɛ nɩ taa bome, bʋ̃ʋ n'ʋ vɛ̃, a ƴɛ̀r-manbɛ bɛ ŋa ayi tɩ dɔwrɩ bɛ nɩ yaga.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»

1 Samɩɛl 28:6

Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.

1 Samɩɛl 3:15

A Samɩɛl tɩ gã na a zie tɩ vɩɛ, ʋ ìr yuo a Sore yir pamɛ. Ʋ tɩ zɔrɛ nɩ dɛ̃bɩ̃ɛ, ʋ na na manɩ a lɛ ʋ na nyɛ̃ a kʋ̀ a Eli a.

1 Samɩɛl 3:21

A Sore mɩ́ tɩ cãà na wul ʋ mɩŋa a Silo: bʋ̃ʋ n'ʋ vɛ̃, a Silo n'a ʋ mɩ́ tɩ wul ʋ tʋɔra a Samɩɛl, k'ʋʋ ɩ ʋ bãw a ʋ ƴɛ̀rʋ.