Sɔr-nɛ́ɛ 12:2 - A SƐB-SÕW

² Lɛ n'a bɛ tɩ yel à ŋá: «Moyiir yõ zie n'a a Sore ƴɛ̀r bɩɩ? Ʋ mɩ̀ bɛ ƴɛ̀r a tɩ zie ɩ?» A Sore tɩ wõ n a lɛ bɛ na yel a.

Sɔr-nɛ́ɛ 12:2 Iomraidhean Croise

Yele-za-pɛr-tib 29:33

Ʋ tɩ lɛb'a tɛr pʋɔ lɛb dɔw dɛble, ɛ́ yel: «A Sore bãwnɩ a na bɛ na bɛ nɔnɛ mɛ̃ a, ɛ́ lɛb kʋ̀ m bidɛble. Ʋ tɩ por ʋ nɩ Sɩmɩ̃ɔ.»

2 Samɩɛl 11:27

Ɛcɛ a kuor yele na wa baar'a, a Daviir tɩ ƴãw na bɛ tɛr ʋ wa n a ʋ yir. Ʋ tɩ kul ʋ na, ʋ dɔw bidɛb kʋ̀ ʋ.

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

Eziptɩ tẽw yib 4:14

Lɛ n'a a Sore tɩ nyɛ̃ nɩ a Moyiir suur, ɛ́ yel ʋ: «A fʋ yɛb Aarɔ̃ na ɩ a Levitɩ a bɛ be be ɩ? Ɩ̃ bãwnɩ a na ʋl na tʋ́ɔr ƴɛ̀rɛ a. Ʋlɛ n'ɩ ŋan tuore fʋ. Ʋlɛ wa nyɛrɛ fʋ wa báarɛ a, nʋ̃ɔ̀ na kpɛ ʋ na bɛ dɩ vuo ɩ.

Eziptɩ tẽw yib 4:30

A Aarɔ̃ tɩ lɛb'a yel a ƴɛ̀rʋ al za a Sore na tɩ ƴɛ̀r kʋ̀ a Moyiir'a, ɛ́ maalɩ a nɔ-ɓãa-yele a nɩbɛ niŋé.

Eziptɩ tẽw yib 5:1

Al pùorí, a Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ɩsɩrayɛl Naaŋmɩn ƴɛ̀rɛ: “Bɛr a ɩ̃ nɩbɛ bɛ cen a wɛja-kpalɛ pʋɔ tɩ maalɩ cuw a ɩ̃ ƴãw”.»

Eziptɩ tẽw yib 7:10

A Moyiir nɩ a Aarɔ̃ tɩ cen na tɩ páw a Faarawɔ̃, ɛ́ ɩ mɛ̃ a lɛ a Sore na yel kʋ̀ bɛ a: a Aarɔ̃ tɩ lɔb'ɩ a ʋ dabɔl bin a Faarawɔ̃ nɩ a ʋ tõ-tõ-nɩ-bɛrɛ niŋé, a dabɔl lɩɛbɩ waab.

Zʋkpaɩ 13:10

A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

Ɩzayi 37:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwr'ʋ a ʋ ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.”»

Mise 6:4

Ɩ̃ na tɛr nyɩ yi n a Eziptɩ tẽw a n'a bɩɩ? Ɩ̃ na faa nyɩ a gbãgbaalʋ pʋɔ a n'a so bɩɩ? Bɩɩ ɩ̃ na ƴãw a Moyiir, a Aarɔ̃ nɩ Miriyam de nyɩ niwn a n'a so o?

Sɔr-nɛ́ɛ 11:1

Bibir kãw, a Ɩsɩrayɛl nɩbɛ tɩ ìr'a kone kon na bɛ vɩɛl'a cɔwr a Sore. A Sore na wa wõ a a, ʋ nyɛ̃ nɩ suur ƴãw vũu dɩ a laɩ kõkowr kãw.

Sɔr-nɛ́ɛ 11:29

A Moyiir tɩ sɔw ʋ na: «Fʋ lɩɛr'ɩ a ɩ̃ nyuur kpɛb zie kpɛ bɩɩ? A Sore nãá kʋ̀ a ʋ vʋʋrʋ a Ɩsɩrayɛl nɩbɛ za, bɛ za lɩɛbɩ naaŋmɩn-ƴɛ̀r-manbɛ!»

Sɔr-nɛ́ɛ 12:3

Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

Sɔr-nɛ́ɛ 16:3

Bɛ tɩ jil'a pàw a Moyiir nɩ a Aarɔ̃ ɛ́ yel bɛ à ŋá: «A pãa sɛw nɩ lɛ! Nyɩ ƴãw nɩ manʋ! A Ɩsɩrayɛl lãw nɩbɛ za ɩ n son, ɛ́ a Sore be a tɩ za sɔgɔ. Bʋ̃ʋ n'ʋ so nyɩ tɩ́ɛrɛ kɛ́ nyɩ zuo nɩ a Sore nɩbɛ ŋmãa?»

Ʋrɔm 12:10

Nyɩ nɔnɛ taa mɛ̃ yɛbr a, nɩ nyɩ pʋɔ za, nyɩ ƴãwnɛ taa ciere taa.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Filib 2:14

Bom nɛ za nyɩ na ɩrɛ a, nyɩ ta ɩrɛ zɛbr'ɩ bɩɩ ŋmɩɛr'ɩ nɔkpɛn ɛ,

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»