Sɔr-nɛ́ɛ 12:13 - A SƐB-SÕW

¹³ Lɛ n'a a Moyiir tɩ zɛlɩ a Sore kpɛ̃w kpɛ̃w za yel à ŋá: «Naaŋmɩn i, ɩ̃ zɛlɛ fʋ na, sanɩ ʋ!»

Sɔr-nɛ́ɛ 12:13 Iomraidhean Croise

Yele-za-pɛr-tib 20:17

A Abraham tɩ zɛlɩ nɩ a Naaŋmɩn ʋ sanɩ a Abimelɛkɩ nɩ a ʋ pɔw de nɩ a ʋ tõ-tõ-bi-pɔwbɛ, ɛ̀ bɛ lɛb tʋ̃ɔ́ dɔwr.

1 Na-mɩnɛ 13:6

Lɛ n'a a nãà tɩ yel a Naaŋmɩn nɩr: «Ɩ̃ zɛlɛ fʋ nɩ yãayãa, ɓaalɩ a Sore fʋ Naaŋmɩn kʋ̀ m. Zɛlɩ ʋ a ɩ̃ ƴãw, a ɩ̃ kpãkpãw tʋ̃ɔ́ sanɩ.» A Naaŋmɩn nɩr tɩ zɛlɩ nɩ a Sore, a nãà tʋ̃ɔ́ lɛb gùr a ʋ kpãkpãw wa n a ʋ zie. A kpãkpãw tɩ lɛb'a ɩ mɛ̃ a dãwdãw a.

Sɛb-sõw yielu 30:2

Ɩ̃ danɛ fʋ nɩ yaga za, Sore e, fʋ ír mɛ̃ nɩ a bɔw-zulu pʋɔ, fʋ bɛ bɛr a ɩ̃ dɔ̃ dem bɛ ɩ m la ɩ.

Sɛb-sõw yielu 41:4

A na mɩ́ wone ʋ a ʋ bʋ̃-gana zu a, a Sore mɩ́ sõwne ʋ na, ʋ na mɩ́ kaarɛ a ʋ zie a ʋ bàalʋ pʋɔ a ƴãw.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 4:7

A Sore tɩ lɛb'a yel: «Lɛb dɔwlɩ a fʋ nũu a fʋ nyãa zu.» Ʋ lɛb dɔwlɩ a nũu a ʋ nyãa zu, ɛ́ ír, a nũu lɛb ŋmɛ̃ ʋ ŋmɛ̃a.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Zeremi 17:14

Sanɩ mɛ̃ Sore e, ɩ̃ɩ na sanɩ na. Faa mɛ̃, ɩ̃ɩ na nyɛ̃ nɩ a faafʋ. Bʋ̃ʋ n'ʋ vɛ̃, a fʋ danʋ n'a ɩ̃ yiele.

Sɔr-nɛ́ɛ 11:2

A nɩbɛ tɩ ŋmɛ n cɛlsɩ zɛlɩ nɩ a Moyiir, ʋ zɛlɩ a Sore, a vũu kpiiri.

Sɔr-nɛ́ɛ 12:12

A Miriyam a, ʋ ta ɩ mɛ̃ bi-kũu a ƴã-gan ziir a mɩnɛ na mɩ́ ŋma a ʋ dɔwfʋ daar a ɩ!»

Sɔr-nɛ́ɛ 14:2

Bɛ tɩ zɛbr'ɩ nɩ a Moyiir nɩ a Aarɔ̃, ɛ́ tɩ yere a bɛ zie à ŋá: «Bʋ̃ʋ pãa ɩ tɩ bɛ kpi a Eziptɩ bɩɩ a wɛja-kpalɛ ŋa pʋɔ a!

Luka 23:34

A Yeezu tɩ yel'a: «Ɩ̃ Sãà a, dɩ suur kʋ̀ bɛ: bʋ̃ʋ n'ʋ vɛ̃, bɛ bɛ bãw ʋlɩ bom nɛ bɛ na ɩrɛ a ɩ.» Al pùorí, bɛ tɩ gba n a ʋ kparɩ põ.

Luka 6:28

Nyɩ zɛlɛ Naaŋmɩn maalʋ kʋ̀rɛ a bɛlɩ dem na ŋmɩɛr ƴãwn nyɩ a, nyɩ puore kʋ̀rɛ a bɛlɩ dem na ŋmarɛ ziri ƴãwn nyɩ a.

Nɩ-toni 7:60

Al pùorí, ʋ tɩ gbĩ n dume ɛ́ yel kpɛ̃w za: «Sore e, taa dier a yel-bier ŋa dɔwlɛ a bɛ zu ɛ.» Ʋ na tɩ yel à ŋá baar'a, ʋ gur'ɩ a kũu gʋ̃ɔ.

Ʋrɔm 12:21

Ta mɩ́ bɛr a yel-faa ʋ tʋ̃ɔ́ fʋ ɛ, nɩ̃ɛ mɩ́ maalɩ a yel-vla tʋ̃ɔ́ nɩ a yel-faa.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.