Sɔr-nɛ́ɛ 11:23 - A SƐB-SÕW

²³ A Sore tɩ sɔw ʋ na: «A ɩ̃ fãw nɔ̃w bɛ ta bɩɩ? Ka nɩ blã a, fʋ na nyɛ̃ nɩ a ƴɛ̀rʋ ɩ̃ na ƴɛ̀r kʋ̀ b a, a na tu na bɩɩ a kʋ̃ tu.»

Sɔr-nɛ́ɛ 11:23 Iomraidhean Croise

Yele-za-pɛr-tib 18:14

Bom be n be a Sore kʋ̃ tʋ̃ɔ́ ɩ ɛ? Mãa wa lɛb wa a fʋ zie a vɩɛr à à ŋá tɔ-won a, a Saara na tɛr'ɩ dɛble.»

2 Na-mɩnɛ 4:43

Ɛcɛ a tõ-tõ-bie tɩ sɔw na: «Ŋmɩŋmɩn n'a ɩ̃ na tʋ̃ɔ́ kʋ̀ à à ŋá nɩbɛ kʋba (100) za?» A Elize tɩ sɔw na: «Põ a kʋ̀ bɛ za. Bʋ̃ʋ n'ʋ vɛ̃, à ŋá n'a a Sore yere: “Ŋa za na mɩ́ dɩ na tɩw, ɛ́ a cãà guu.”»

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

Sɛb-sõw yielu 78:41

Bɛ tɩ lɛb'a maal tĩ ɩrɛ a Naaŋmɩn kaar, ɩrɛ a Ɩsɩrayɛl Naaŋmɩn, na ɩ sõw a, ʋ tɛr pʋ-sãwna.

Eziptɩ tẽw yib 6:1

A Sore tɩ sɔw nɩ a Moyiir: «Ƴɛrɛŋa a, fʋ na nyɛ̃ nɩ a ʋlɩ bom nɛ ɩ̃ na na ɩ a Faarawɔ̃ a. A ɩ̃ kpãkpãw-kpɛ̃w na fɛr ʋ na, ʋ bɛr a Ɩsɩrayɛl nɩbɛ bɛ cen: mɔ̃ mɩ̀, a ɩ̃ kpãkpãw-kpɛ̃w na ɩ na ʋ diw bɛ a ʋ tẽw pʋɔ!»

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Ɩzayi 59:1

A Sore nũu bɛ ɩ ŋmãa zuo a nyɩ faafʋ ƴãw ɛ, a ʋ tobe bɛ wõw zuo a wob ƴãw ɛ.

Zeremi 14:9

Bʋ̃ʋ n'ʋ so fʋ ɩrɛ mɛ̃ nɩr na bɛ tɛr fãw a, mɛ̃ gãdaa na kʋ̃ tʋ̃ɔ́ nɩr faa a? Ɛcɛ fʋ̃ʋ n'ɩ ŋa be a tɩ sɔgɔ, Sore e, fʋ̃ʋ so tɩ, ta bɛr tɩ tɩ lo ɩ.»

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zeremi 32:27

A mãa, a Sore a, mãa n'ɩ bʋ̃-vʋʋrɩ za Naaŋmɩn. Bom be n be kpɛmɛ zuo a ɩ̃ zie e?

Ezekɩɛl 12:25

Bʋ̃ʋ n'ʋ vɛ̃, a mãa Sore n'ʋ ƴɛ̀rɛ, ɛ́ a lɛ ɩ̃ na yere a na tu n ƴɛrɛŋa. Sɩza, nɩ-bʋʋr-gaarɩ i, a nyɩ cãafʋ daar'a ɩ̃ na ɩ a lɛ ɩ̃ na yel a a tu. À à ŋá n'a a Sore Naaŋmɩn yel.»

Ezekɩɛl 24:14

A mãa Sore n'ʋ yere, ɛ́ a na tu na. Ɩ̃ kʋ̃ lɛb pùor, ɛ́ kʋ̃ zɔ nɩbaalʋ ɛ. Ɩ̃ kʋ̃ yel kɛ́ mãa tɩ bãw kɛ́ lɛ bom kãw za ƴãw ɛ. Zerizalɛm i, ɩ̃ na dɩ n fʋ nɩ ƴɛ̀rʋ a fʋ nyɔ-vʋʋrʋ nɩ a fʋ ɩb ƴãw. A mãa Sore Naaŋmɩn n'ʋ yere.»

Mise 2:7

Bɛ ŋmɛ na ƴãw a Ɩsɩrayɛl bʋʋrɛ bɩɩ? A Sore nyɔw nɩ a ʋ suur gù bɩɩ? A ʋ ɩb n'ɩ à à ŋá a?» Mãa ƴãw a, a bɛlɩ dem na ɩrɛ vla a, bɛl tɛwr zie n'a a ɩ̃ ƴɛ̀rʋ mɩ́ nʋmɛ.

Sɔr-nɛ́ɛ 11:22

Tɩmɛ saa na ɩ mɛ̃ tɩ kʋ n a tɩ píir, a tɩ bʋʋr nɩ a tɩ nĩi za a, ɛcɛ a cãà kʋ̃ sɛw ɛ. Tɩmɛ saa na tʋ̃ɔ́ nyɔw a kʋ̃ɔ-kpɛ̃ɛ zʋ́mɛ́ za a, a cãà mɩ̀ kʋ̃ sɛw ɛ!»

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Matie 19:26

A Yeezu tɩ jɩ́r bɛ nɩ gbẽgbẽ ɛ́ yel: «A nɩsaalbɛ zie a, a kʋ̃ tʋ̃ɔ́ ɩ, ɛcɛ Naaŋmɩn zie a, bom za na tʋ̃ɔ́ na.»

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Luka 1:37

Naaŋmɩn sɩrɩ kʋ̃ guu yel kãw za ɩ.»