Sɔr-nɛ́ɛ 11:17 - A SƐB-SÕW

¹⁷ Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Sɔr-nɛ́ɛ 11:17 Iomraidhean Croise

Yele-za-pɛr-tib 11:5

A Sore tɩ yi n a salom zu siw k'ʋʋ tɩ nyɛ̃ a tẽ-kpɛ̃ɛ nɩ a yir-cõcowla a nɩsaalbɛ na mɩɛr a.

Yele-za-pɛr-tib 17:22

A Naaŋmɩn na tɩ ƴɛ̀r'ɩ a Abraham baar'a, ʋ ìr'a do ɛ́ bɛr ʋ.

Yele-za-pɛr-tib 17:3

A Abram tɩ lo na gbĩ dume gũu tɩ tɔ tẽw, ɛ́ a Naaŋmɩn ƴɛ̀r a ʋ zie à ŋá:

Yele-za-pɛr-tib 18:33

A Sore na tɩ ƴɛ̀r a Abraham zie baar'a, ʋ tɔl'a cen, ɛ́ a Abraham lɛb kul.

2 Na-mɩnɛ 2:15

A Zeriko naaŋmɩn-ƴɛ̀r-manbɛ lãw nɩbɛ na tɩ àr zãá, ɛ́ nyɛ̃ a lɛ a Elize na ɩ a, tɩ yel'a: «A naaŋmɩn-ƴɛ̀r-manɛ vʋʋrʋ na tɩ be a Eli zie a, a Elize zie n'a ʋ be ƴɛrɛŋa.» Bɛ tɩ tuori ʋ na, gbĩ dume gũu tɩ tɔ tẽw a ʋ niŋé,

2 Na-mɩnɛ 2:9

Bɛ na tɩ gãw baar'a, a Eli yel'ɩ a Elize: «Zɛlɩ a ʋlɩ bom nɛ fʋ na bɔbr k'ɩ̃ɩ ɩ kʋ̀ b a, ɛ́ a Sore bãw ír mɛ̃ a fʋ zie.» A Elize sɔw: «Ɩ̃ nãá tʋ̃ɔ́ páw a fʋ naaŋmɩn-ƴɛ̀r-manɛ vʋʋrʋ ziir ayi.»

Neemi 9:20

A fʋ nɔ̃wfʋ pʋɔ, fʋ kʋ̀ bɛ nɩ a fʋ vʋʋrʋ kɛ́ bɛ tɛr yã. Fʋ kʋ̀ bɛ nɩ a mãan a bɛ dɩb ƴãw, nɩ kʋ̃ɔ a bɛ kʋ̃ɔ-nyúur ɓãafʋ ƴãw.

Eziptɩ tẽw yib 18:18

Fʋ na bàl'ɩ fʋ tʋɔra, lãwnɩ a nɩbɛ na waar wa nyɛrɛ fʋ a. A ton ŋa tɩbrɛ na gãw fʋ. Fʋ kʋ̃ tʋ̃ɔ́ tõ ʋ fʋ yõ ɩ.

Eziptɩ tẽw yib 18:22

Bɛlɛ nɛbɛ na dɩrɛ nɩ a nɩbɛ a ƴɛ̀rʋ bibie za. Bɛ na mɩ́ wa n nɩ a yele al na ɩ yel-bɛrɛ a, a fʋ zie, ɛ́ dɩ a ƴɛ̀rʋ a al na bɛ maal kpɛmɛ a ƴãw. Ɩ à à ŋá a fʋ tuor tɩbrʋ siwri, ɛ́ bɛ lãw nɩ fʋ tuo a fʋ tuor.

Eziptɩ tẽw yib 19:11

Bɛ cɔbrɩ gù a deyere, bʋ̃ʋ n'ʋ vɛ̃, a deyere n'a ɩ̃ na siw a Sinayi tãw zu, a nɩbɛ za niŋé.

Eziptɩ tẽw yib 19:20

A Sore tɩ siw nɩ a Sinayi tãw nyʋɔrɩ́, ɛ́ bʋɔlɩ a Moyiir a be, ʋ do.

Eziptɩ tẽw yib 34:5

A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.»

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 63:11

Lɛ n'a a ʋ nɩbɛ tɩ lɛb tɩɛrɩ a Moyiir daar: «Nyɩnɛ n'a a sob nɛ na ɩ a ʋ nɩbɛ bɛ yi a kʋ̃ɔ-kpɛ̃ɛ pʋɔ lɛb do a be? Nyɩnɛ n'a a ʋ dʋn lãwnɩ a cɩ̃ɩnbɛ be? Nyɩnɛ n'a a sob nɛ na ƴãw a ʋ Vʋʋrʋ Sõw a tɩ sɔgɔ a be?

Sɔr-nɛ́ɛ 11:25

A Sore tɩ siw nɩ a zũzuwr pʋɔ ƴɛ̀r'ɩ a Moyiir, ɛ́ ɩ a vʋʋrʋ na be a Moyiir pʋɔ a blã kʋ̀ a nɩ-kore lɩz'a ata nɩ pie. A vʋʋrʋ na wa bere a bɛ zu wa báarɛ a, bɛ tĩ na ƴɛ̀rɛ mɛ̃ naaŋmɩn-ƴɛ̀r-manbɛ a, ɛcɛ bɛ tɩ ta n sɔgɔ bɛr.

Sɔr-nɛ́ɛ 12:5

A Sore tɩ siw nɩ zũzuwr na ɩ mɛ̃ kpul a pʋɔ, àr a pɛn-sɛw dɩ̃dɔr nʋɔr ɛ́ bʋɔlɩ a Aarɔ̃ nɩ a Miriyam. Bɛ taw ta bɛ za ayi.

Sɔr-nɛ́ɛ 12:8

Ɩ̃ mɩ́ càar'a ƴɛ̀rɛ a ʋ zie, ƴɛ̀rɛ welwel. Ɩ̃ mɩ́ ɩ na ʋ nyɛ̃ m, ɩ̃ mɩ́ sãá na ʋ nyɛ̃, a mãa Sore. A na ɩ à ŋá a, ŋmɩŋmɩn za n'a nyɩ sʋ̃ɔmɩ sàw yere a ɩ̃ tõ-tõ-bie Moyiir?»

Sɔr-nɛ́ɛ 27:18

A Sore tɩ sɔw nɩ a Moyiir à ŋá: «De Nun bidɛb, Zozue, a ɩ̃ vʋʋrʋ be n a ʋ zie. Ír a fʋ nũu dɔwlɩ a ʋ zu.

Sɔr-nɛ́ɛ 7:89

A Moyiir na mɩ́ tɩ kpɛ a tuor-taa pɛn-sɛw pʋɔ k'ʋʋ tɩ ƴɛ̀r'ɩ a Sore a, ʋ mɩ́ tɩ wone nɩ a Sore kɔkɔr: a seribɛ̃ ayi cara pʋɔ n'a a kɔkɔr mɩ́ tɩ ƴɛ̀rɛ yire, a daga na tɛr a wõ-taa kʋsɛ-pamɛ a nɔ-pàwra zu. Ʋ mɩ́ tɩ ƴɛ̀rɛ nɩ ʋ na.

Zã 3:13

Nɩr za bɛ do a tẽ-vla pʋɔ ɩ, a bɛ ɩ a ʋlɩ nɩr nɛ yõ na yi a tẽ-vla pʋɔ siw wa a, a Nɩsaal Bie.

Zã 7:39

A Naaŋmɩn Vʋʋrʋ, a bɛlɩ dem na sàw de ʋ a, na waar nãà páw a, ʋlɛ n'ʋ ʋ tɩ yere a lɛ. Bɛ bɛ tɩ tɩr a Naaŋmɩn Vʋʋrʋ sɛr ɛ, a Yeezu na bɛ tɩ nyɛ̃ yúor-vɩɛlʋ-danʋ sɛr a ƴãw.

Ʋrɔm 8:9

Nyɩɩm ƴãw a, nyɩ bɛ bɛr a nɩsaalʋ so nyɩ ɛ. A Vʋʋrʋ Sõw n'ʋ so nyɩ, ʋlɛ wa n'ʋ sɩrɩ kpɩɛr a nyɩ pʋɔ a. Nɩr bɛ wa tɛr a Kɩrɩta Vʋʋrʋ a, ʋ bɛ ɩ a ʋ nɩ-sora ɩ.

1 Korɛ̃tɩ 2:12

Tɩɩm a, tɩ bɛ páw a tẽ-daa vʋʋrʋ ɛ, Vʋʋrʋ na yi Naaŋmɩn zie a n'ʋ tɩ páw, kɛ́ tɩ tʋ̃ɔ́ bãw a maalʋ a Naaŋmɩn na kʋ̀ tɩ a.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:19

Bɛlɛ n'ɩ bɛ ŋan, bɛl na mɩ́ ƴãwnɛ bʋ́r-taa a nɩbɛ cara pʋɔ a! A tẽw zu ka yele tɩɛrʋ tɛwr'a bɛ tɛr, bɛ bɛ tɛr a Vʋʋrʋ Sõw ɛ.

1 Samɩɛl 10:6

Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.