Sɔr-nɛ́ɛ 1:53 - A SƐB-SÕW

⁵³ A Levi bʋʋrɛ tɛwr nɛbɛ na mɩ́ maalɩ a bɛ laɩ jil koli a kpɛb-zi-sõw, ɛ́ tone a bɛ tome a ʋ pʋɔ. À ŋá n'a a Ɩsɩrayɛl nɩbɛ kʋ̃ mɩ́ ɩrɛ wa ɩ a ɩ̃ suur ìr a bɛ ƴãw ɛ.»

Sɔr-nɛ́ɛ 1:53 Iomraidhean Croise

1 Bibie za yel-manɩ 23:32

Bɛ na kaarɛ nɩ a tuor-taa pɛn-sɛw nɩ a zi-sõw ziir, ɛ́ lãwnɩ a bɛ yɛbr, a Aarɔ̃ bʋʋrɛ, tone a Sore Ŋmɩn-yir-kpɛ̃ɛ tome.

2 Bibie za yel-manɩ 13:10

Tɩɩm a, a Sore n'ɩ a tɩ Naaŋmɩn, tɩ bɛ zawrɩ ʋ bɛr ɛ. A bàwr-maalbɛ na tone a Sore a ɩ n a Aarɔ̃ bʋ̃-dɔwrɩ, ɛ́ a levitɩ mɩnɛ tone a bɛ tome.

2 Bibie za yel-manɩ 13:11

Biɓaara nɩ zaanʋɔra za a, bɛ mɩ́ nyɩw nɩ a nyɩw-a-za-bàwr nɛnɛ nɩ a tɩ-suur-zɔ̃-na-nyùur-vla-vla-a. Bɛ mɩ́ dɔwl'ɩ a dipɛ̃ bɛ na de kʋ̀ a Naaŋmɩn a, tabal zu, ɛ́ zaanʋɔrɛ za bɛ tɔ̃w a salm-zɩɛ fɩ̃tɩlɩ dɔwlʋ ziir fɩ̃tɩlɩ. Bʋ̃ʋ n'ʋ vɛ̃, a tɩɩm a, a Sore tɩ Naaŋmɩn n'ʋ tɩ tone, ɛ́ nyɩɩm zawrɩ ʋ bɛr.

Zeremi 23:15

A lɛ pʋɔ a, à ŋá n'a a Sore, a kpɛnʋ-za-sob yere a naaŋmɩn-ƴɛ̀r-manbɛ ƴãw: «Ɩ̃ na ƴãw na bɛ 'wɔb tɩ-va-tuo, ɛ́ ƴãw bɛ nyũ kʋ̃ɔ na tɛr lɔw a, bʋ̃ʋ n'ʋ vɛ̃, a Zerizalɛm tẽw naaŋmɩn-ƴɛ̀r-manbɛ zie n'a a faalʋ yire pàwr a tẽw za.»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Levitɩ mɩnɛ 10:6

Lɛ n'a a Moyiir tɩ yel a Aarɔ̃ nɩ a ʋ bidɛbr ayi na cɛ a, a Eleazaar nɩ a Itamaar: «Nyɩ taa bɛrɛ a nyɩ zukɔbr a ɩrɛ zarkpara ɩ, ɛ́ taa tawr a nyɩ kparɩ cɩɛrɛ a ɩ a ko-tuolu bãwfʋ ɛ, nyɩ nãà mab'a kpi, ɛ́ ɩ a Sore suur ír a Ɩsɩrayɛl nɩbɛ lãw za ƴãw. Nyɩ bɛr a nyɩ yɛbr Ɩsɩrayɛl nɩbɛ za bɛ kõ a bɛlɩ dem a Sore na kʋ n a vũu a.

Sɔr-nɛ́ɛ 1:50

Fʋ na de nɩ a kpɛb-zi-sõw na ƴãw a wõ-taa kʋsɛ-pamɛ a kaafʋ kʋ̀ bɛ, lãwnɩ a ʋ kpɛ̃kpɛrsɩ za, a bome za na be a ʋ pʋɔ a. Bɛ na mɩ́ tuo nɩ a kpɛb-zi-sõw nɩ a ʋ kpɛ̃kpɛrsɩ. Bɛ na tone nɩ a kpɛb-zi-sõw tome, ɛ́ mɩ́ maalɩ a bɛ laɩ jil koli ʋ.

Sɔr-nɛ́ɛ 1:54

A Ɩsɩrayɛl nɩbɛ tɩ ɩ n a lɛ tɔr za a Sore na tɩ yel kʋ̀ a Moyiir a.

Sɔr-nɛ́ɛ 16:9

A Sore, a Ɩsɩrayɛl Naaŋmɩn, kaa na ír nyɩ a Ɩsɩrayɛl nɩbɛ pʋɔ, sàw kɛ́ nyɩ mɩ́ taw pɩɛl ʋ, kɛ́ nyɩ kaarɛ a ʋ kpɛb-zi-sõw zie, ɛ́ tone a ʋ tome a Ɩsɩrayɛl nɩbɛ lãw yúor ƴãw. À á ŋá bɛ sɛw nyɩ ɛ?

Sɔr-nɛ́ɛ 17:7

A Ɩsɩrayɛl nɩbɛ tɩ wa n a Moyiir nɩ a Aarɔ̃ ƴãw, wa ŋmãa jil bɛ. Lɛ n'a a Moyiir nɩ a Aarɔ̃ tɩ lɩɛbɩ jɩ́r a tuor-taa pɛn-sɛw, nyɛ̃ a zʋ̀ʋ́r ʋ pàw ʋ, ɛ́ a Sore yúor-vɩɛlʋ-danʋ sãá.

Sɔr-nɛ́ɛ 2:17

«Al pùorí, a Levi bʋʋrɛ na lo n a sɔ́r tu nɩ a tuor-taa pɛn-sɛw. A na ɩ lɛ a, bɛ na be n a ziir anaar a zɛbr-nɩbɛ na mɩ́ duo a sɔwlɩsɔw, a ayi na de a niwn a, nɩ a ayi na pàw a pùor a cara pʋɔ. Bɛ mɩ̀ na cere na tuur taa, ŋa za a ʋ pal pʋɔ, mɛ̃ a lɛ bɛ na mɩ́ maalɩ a bɛ laɩ a, tu n a bɛ dɔwlʋ dɩrapo.»

Sɔr-nɛ́ɛ 3:23

A Gɛɛrsonitɩ mɩnɛ laɩ tɩ be n a kpɛb-zi-sõw pùorí, a mʋ̃tɔ̃w-kpɛb-lowr.

Sɔr-nɛ́ɛ 3:29

A Kehatɩ mɩnɛ dɔwlʋ laɩ tɩ be n a kpɛb-zi-sõw saa-pɛrɩ́-dʋrʋ-lowr.

Sɔr-nɛ́ɛ 3:35

A bɛ nɩ-kpɛ̃ɛ tɩ n'ɩ Avihayil bidɛb Suuriyɛl. A kpɛb-zi-sõw saa-pɛrɩ́-gʋba-lowr'a a bɛ laɩ tɩ be.

Sɔr-nɛ́ɛ 3:38

A Moyiir, a Aarɔ̃ nɩ a ʋ bidɛbr laɩ tɩ be n a tuor-taa pɛn-sɛw niŋé, a saa-pɛrɩ́. Bɛlɛ tɩ so a zi-sõw tome a Ɩsɩrayɛl nɩbɛ yúor ƴãw. Nɩ-zawla tɩ ɩ mɛ̃ ʋ bɔbr'a k'ʋʋ pʋɔ a tome á ŋá pʋɔ a, bɛ nãá kʋ ʋ na.

Sɔr-nɛ́ɛ 31:30

A Ɩsɩrayɛl nɩbɛ bome pʋɔ a, fʋ na ír'ɩ nɩ-been nɩbɛ lɩz'a ayi nɩ pie pʋɔ, dʋ̃-been dʋn lɩz'a ayi nɩ pie pʋɔ, a nĩi, a bòn, a píir, a bʋʋr nɩ a dʋn al na baa cɛ a pʋɔ. Fʋ na de nɩ a bome á ŋá kʋ̀ a levitɩ mɩnɛ na tone a ɩ̃ kpɛb zie tome a.»

Sɔr-nɛ́ɛ 31:47

A bome al bɛ na kʋ̀ a Ɩsɩrayɛl nɩbɛ a pʋɔ a, a Moyiir mɩ́ tɩ ír'ɩ nɩ-been nɩbɛ lɩz'a ayi nɩ pie pʋɔ, nɩ dʋ̃-been dʋn lɩz'a ayi nɩ pie pʋɔ. Ɛ́ ʋ tɩ de a na kʋ̀ a levitɩ mɩnɛ na tone a Sore kpɛb zie tome a, mɛ̃ a lɛ a Sore na tɩ yel kʋ̀ ʋ a.

Sɔr-nɛ́ɛ 8:19

ɛ́ de bɛ a Ɩsɩrayɛl nɩbɛ pʋɔ, kʋ̀ a Aarɔ̃ nɩ a ʋ bidɛbr. Bɛ na tone nɩ a bɛ tome a tuor-taa pɛn-sɛw pʋɔ, a Ɩsɩrayɛl nɩbɛ ŋmaarɛ ƴãw, ɛ́ mɩ́ páw a bɛ yel-bebe suur-dɩ-kʋ̀b kʋ̀ bɛ. À à ŋá n'a ɩ̃ kʋ̃ ƴãw dɔwrʋ a bɛlɩ dem nãà wa tawr pɩɛlɛ a zi-sõw zuo a ɩ.»

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

1 Samɩɛl 6:19

A Sore tɩ dɔwr'ɩ a Bɛtɩ-Semɛsɩ tẽw dem, bɛ na tɩ jɩ́r a wõ-taa daga a ƴãw. Nɩbɛ tùr-lɩz'a ayi nɩ pie (50 000) zu a, ʋ tɩ ɩ na nɩbɛ lɩz'a ata nɩ pie kpi. Lɛ n'a a nɩbɛ bɛl za na cɛ cãà vʋʋrɛ a tɩ be wahala pʋɔ, a Sore na tɩ dɔwrɩ bɛ a ƴãw.