Sɔr-nɛ́ɛ 1:3 - A SƐB-SÕW

³ Nyɩ sɔ́r a dɛbr za na tɛr yome lɩzɛr'ɩ dɔwlɛ, ɛ́ na tʋ̃ɔ́ kpɛ a sojarɩ a. A Ɩsɩrayɛl zɛbr-nɩbɛ na ŋma põ põ a, nyɩ na sɛb bɛ na ƴãw a be bɛ na pʋɔ a.

Sɔr-nɛ́ɛ 1:3 Iomraidhean Croise

2 Samɩɛl 24:9

A Zowab tɩ yel'ɩ a nɩbɛ nʋɔr ʋ na sɔ́r a kʋ̀ a nãà: a Ɩsɩrayɛl tẽw pʋɔ a, sojarɩ tùr-kɔbr-ani (800 000) na na tʋ̃ɔ́ zɛb'a nɛbɛ tɩ be be, ɛ́ a Zuda tẽw pʋɔ bɛ ɩ tùr-kɔbr-anũu (500 000).

1 Bibie za yel-manɩ 5:18

A Urubɛn dɔwlʋ nɩ a Gadɩ dɔwlʋ nɩ a Manase dɔwlʋ põ-zɛ̃-taa na tʋ̃ɔ́ na nyɛ̃ soja-gãdaar tùr-lɩz'a ayi nɩ anaar dɔwlɩ kɔbr ayopõi lɩz'a ata (44 760). Bɛ tɩ bãw nɩ a zɛbr-kur-pãgala, a zɛbr-sɔ-kpɛ̃ɛ nɩ a tam yele, ɛ́ cɔbrɩ a zɛbr cenu.

2 Bibie za yel-manɩ 25:5

A Amazɩasɩ tɩ bʋɔl'ɩ a ʋ naalʋ-tẽw nɩbɛ ɓã taa, Zuda dɔwlʋ nɩbɛ nɩ Bɛ̃zamɛ dɔwlʋ nɩbɛ, ɛ́ kaa ír a yie yie dɔwlʋ pʋɔ sojarɩ túre nɩ-bɛrɛ nɩ sojarɩ kɔbr nɩ-bɛrɛ. Ʋ tɩ ƴãw na bɛ sɔ́r a dɛbli bɛl na tɛr yome lɩzɛr'ɩ dɔwlɛ a. Bɛ tɩ ɩ n nɩbɛ tùr-kɔbr ata (300 000) na na tʋ̃ɔ́ cen a zɛbr, ɛ́ bãw a kafin nɩ a zɛbr-kur-pãgala yele a.

Eziptɩ tẽw yib 12:17

Nyɩ na maalɛ nɩ a dipɛ̃ na bɛ ƴãw dãbɩl a cuw ŋa, bʋ̃ʋ n'ʋ vɛ̃, a dɩ̃a bibir tɔr za n'a ɩ̃ ɩ a nyɩ nɩbɛ yi a Eziptɩ. Nyɩ na tɛr'ɩ a yel ŋa ʋ ɩ cuw nyɩ maalɛ, a nɩbɛ na dɔwr lɩɛrɛ taa a zie. Nʋɔr'ʋ ƴãw gã kʋralɛ.

Eziptɩ tẽw yib 30:14

A Ɩsɩrayɛl nɩbɛ za bɛ na sɔ́r, ɛ́ bɛ tɛr yome lɩzɛr'ɩ dɔwlɛ a, bɛlɛ nɛbɛ na ír a libir ŋa.

Eziptɩ tẽw yib 38:26

A nɩbɛ bɛ na tɩ sɔ́r bɛ ɩ tùr-kɔbr ayʋɔb dɔwlɩ nɩbɛ túr ata dɔwlɩ kɔbr anũu lɩz'a ayi nɩ pie (603 550), ɛ́ tɛr yome lɩzɛr nɩ dɔwlɛ a, ŋa za tɩ tɩr'ɩ salm-pla gɩram anũu.

Sɔr-nɛ́ɛ 14:29

Nyɩ na kpi n a wɛja-kpalɛ ŋa pʋɔ. Nyɩɩm za bɛ na sɔ́r, sɛb a nyɩ yée, ɛ́ nyɩ tɛr yome lɩzɛr'ɩ dɔwlɛ a. Nyɩ na kpi na nyɩ na faa zɛbr'ɩ mɛ̃ a.

Sɔr-nɛ́ɛ 26:2

«Nyɩ sɔ́r a Ɩsɩrayɛl lãw nɩbɛ, a yie yie. Nyɩ sɔ́r a dɛbr bɛl za na tɛr yome lɩzɛr'ɩ dɔwlɛ ɛ́ na tʋ̃ɔ́ kpɛ a sojarɩ a.»

Sɔr-nɛ́ɛ 3:15

«Sɔr a Levi dɔwlʋ nɩbɛ, a yie yie nɩ a dɔwlʋ dɔwlʋ. Fʋ na sɔr'ɩ a dɛbr za nɩ a dɛbli za na tɛr cuw-been nɩ dɔwlɛ a.»

Sɔr-nɛ́ɛ 32:11

“A nɩbɛ bɛl na yi a Eziptɩ, ɛ́ tɛr yome lɩzɛr'ɩ dɔwlɛ a, a bɛ been kãw za bɛ nyɛrɛ a tẽw ɩ̃ na yel k'ɩ̃ɩ na kʋ̀ n a Abraham, a Ɩzaakɩ nɩ a Zakɔb a ɩ. Bʋ̃ʋ n'ʋ vɛ̃, bɛ bʋnɩ nɩ a ɩ̃ pùor-tub ƴãw.

Sɔr-nɛ́ɛ 33:1

Nyɛ̃ a cenu a Ɩsɩrayɛl nɩbɛ na tɩ cere kɛ́ tɛwr zɩnɛ, a lɛn daar a Moyiir nɩ a Aarɔ̃ na tɩ tɛr bɛ bɛ cɔrɩ yi a Eziptɩ a.

Wulu-ayi-sob 24:5

Nɩr wa kul pɔw paalʋ a, ʋ bɛ cere sojarɩ ɛ, bɛ mɩ̀ bɛ kʋ̀rɛ ʋ tõ-yoru kãw za ɩ. Bɛ na ír ʋ na bɛr bom za ƴãw, ʋ tʋ̃ɔ́ be a yir yũon-been, ɩ a ʋ pɔw ʋ na kul a wõ nʋ̃ɔ̀.

Wulu-ayi-sob 3:18

Lɛ n'a ɩ̃ tɩ yel à ŋá kʋ̀ bɛ: «A tẽw ŋa na be a Zurdɛ̃ saa-pɛrɩ́ a, a Sore nyɩ Naaŋmɩn kʋ̀ nyɩ na nyɩ so ʋ. Ƴɛrɛŋa a, a fɛr'a k'aa zɛbr-nɩbɛ za a nyɩ pʋɔ de a bɛ zɛbr bome de nɩ a bɛ yɛbr Ɩsɩrayɛl nɩbɛ niwn lo gãw nɩ a Zurdɛ̃.