Neemi 8:4 - A SƐB-SÕW

⁴ A Ɛsɩdɩrasɩ tɩ àr'ɩ gboro zu bɛ na maal'ɩ dàar a yel ŋa ƴãw a. Matitɩa, Sema, Anaya, Uriya, Hɩlkɩa nɩ Maaseya tɩ àr'ɩ a ʋ dʋrʋ lowr, ɛ́ Pedaya, Mɩkayɛl, Malkɩa, Hasum, Hasɩbadana, Zekarɩa nɩ Mesulam àr a ʋ gʋba lowr.

Neemi 8:4 Iomraidhean Croise

2 Bibie za yel-manɩ 6:13

A Salomɔ̃ tɩ ƴãw na bɛ maalɩ kur-zɩɛ gbòró a davʋra sɔwlɩsɔw. A kpul dɔwlʋ zie ŋa lõbowr-been za mɩ́ tɩ tɛr'ɩ mɛtɩr ayi nɩ ŋmãa, ɛ́ a kɛrʋ ɩ mɛtɩr been nɩ ŋmãa. A Salomɔ̃ tɩ do n a ʋ zu gbĩ dume tori a Ɩsɩrayɛl lãw nɩbɛ za. Ʋ tɩ tur'ɩ a nuru cɔw a salom k'ʋʋ puori.

Ɛsɩdɩrasɩ 10:29

Bani bʋ̃-dɔwrɩ pʋɔ: Mesulam, Malukɩ, Adaya, Yasuvʋ, Seal nɩ Yeramɔtɩ.

Ɛsɩdɩrasɩ 10:33

Hasum bʋ̃-dɔwrɩ pʋɔ: Matenaɩ, Matata, Zavadɩ, Elifelɛtɩ, Yeremaɩ, Manase nɩ Simeyi.

Neemi 10:3

Seraya, Azarɩa, Yirmeya,

Neemi 10:7

Danɩɛl, Gineton, Barukɩ,

Neemi 11:5

de nɩ Maaseya na ɩ Barukɩ bidɛb a, ɛ́ a Barukɩ ɩ Kol-Hoze bidɛb, a Kol-Hoze ɩ Hazaya bidɛb, a Hazaya ɩ Adaya bidɛb, a Adaya ɩ Yoyarivʋ bidɛb, a Yoyarivʋ ɩ Zekarɩa bidɛb, a Zekarɩa ɩ Ha-Siloni bidɛb.

Neemi 11:7

A Bɛ̃zamɛ nɩbɛ pʋɔ: Salu tɩ ɩ n Mesulam bidɛb, a Mesulam ɩ Yowɛdɩ bidɛb, a Yowɛdɩ ɩ Pedaya bidɛb, a Pedaya ɩ Kolaya bidɛb, a Kolaya ɩ Maaseya bidɛb, a Maaseya ɩ Ɩtɩɛl bidɛb, a Ɩtɩɛl ɩ Yesaya bidɛb,

Neemi 12:13

Mesulam ɩ Ɛzɩra yir nɩ-kpɛ̃ɛ, Yehohanan ɩ Amarɩa yir nɩ-kpɛ̃ɛ,

Neemi 8:3

A Ɛsɩdɩrasɩ tɩ àr'ɩ a zie nɛ na tori a Kʋ̃ɔnɩ dɩ̃dɔr a, ɛ́ kanɩ a sɛbɛ pʋɔ, a zi-wɛl-paala tɩ ta a mʋ̃tɔ̃w na do põ-zɛ̃-taa a, a dɛbr, a pɔwbɛ nɩ a bibiir bɛl na na tʋ̃ɔ́ wõ a ƴɛ̀rʋ a niŋé. A nɩbɛ za tɩ maal'a bɛrɛ wone a kanʋ ŋa.

Neemi 8:5

A na ɩ lɛ a, a Ɛsɩdɩrasɩ tɩ àr'a do zuo a lãw nɩbɛ. Ʋ na wa yuo a sɛbɛ a, a nɩbɛ za nyɛ̃ ʋ na ɛ́ ìr àr.

Neemi 9:3

Al pùorí, bɛ tɩ ìr'a àr saaƴẽwn, ɛ́ bɛr wõ a Sore bɛ Naaŋmɩn wulu sɛbɛ kanʋ tɛm ɓile ata. Bɛ tɩ gbĩ n dume a Sore bɛ Naaŋmɩn niŋé tɛm ɓile ata mɩ̀, zɛlɩ a bɛ sãwna suur.

Neemi 9:4

Yesua, Bani, Kadɩmɩɛl, Sevanɩa, Buni, Serevɩa, Bani nɩ Kenani tɩ ìr'ɩ a levitɩ mɩnɛ gboro zu ɛ́ zɛlɩ a Sore bɛ Naaŋmɩn kpɛ̃w kpɛ̃w za.

Matie 23:2

«A Naaŋmɩn wulu sɛ-sɛbrbɛ nɩ a Faarizɩ̃ɛ mɩnɛ nɛbɛ íre a Moyiir wulu pɛ́ɛ.