Neemi 2:3 - A SƐB-SÕW

³ Ɛcɛ ɩ̃ tɩ cãà na tʋ̃ɔ́ yel a nãà: «Nãà a, a fʋ nyɔ-vʋʋrʋ, ʋ be be kʋralɛ! Ŋmɩŋmɩn n'a ɩ̃ na ɩ bɛ tɛr pʋ-sãwna? A tẽ-kpɛ̃ɛ ʋl pʋɔ bɛ na ũù a ɩ̃ sãàkʋm-kore a, bɛ ŋmɛr'ɩ ʋ za bɛr, ɛ́ a ʋ pamɛ za dɩ vũu!»

Neemi 2:3 Iomraidhean Croise

1 Na-mɩnɛ 1:31

Lɛ n'a a Bɛtɩsabe tɩ gbĩ dume, ɛ́ gũu tɩ tɔ tẽw a nãà niŋé, ɛ́ yel à ŋá: «A nãà Daviir, ʋ vʋʋrɛ kʋralɛ!»

2 Na-mɩnɛ 25:8

A Babɩlɔn tẽw nãà, Nabikodonozɔɔr, naalʋ-dɩb yome lɩzɛwaɩ sob, a cuwr anũu sob bibie ayopõi sob, Nebuzaradan tɩ kpɛ n a Zerizalɛm tẽw pʋɔ. A Babɩlɔn tẽw nãà gùrbɛ, nɩ a ʋ sojarɩ nɩ-kpɛ̃ɛ kãw tɩ n'ʋ.

2 Bibie za yel-manɩ 21:20

A Yoram tɩ tɛr'ɩ yome lɩzɛr'ɩ pie nɩ ayi a lɛn daar ʋ na tɩ lɩɛbɩ a nãà a, ɛ́ dɩ a naalʋ yome ani a Zerizalɛm. A ʋ kũu bɛ tɩ kpɛ nɩr za ɩ. Bɛ tɩ ũù ʋ nɩ a «Daviir Tẽ-kpɛ̃ɛ» pʋɔ, ɛcɛ a bɛ tɩ ɩ a na-mɩnɛ yarʋ pʋɔ ɩ.

2 Bibie za yel-manɩ 28:27

Ʋ na wa kpi a, bɛ ũù ʋ nɩ a Zerizalɛm tẽ-kpɛ̃ɛ pʋɔ, ɛcɛ bɛ bɛ tɩ ũù ʋ a na-mɩnɛ yarʋ pʋɔ ɩ. A ʋ bidɛb Ezekɩasɩ tɩ lɩɛrɩ ʋ na dɩ a naalʋ.

2 Bibie za yel-manɩ 32:33

Ʋ na wa kpi a, bɛ ũù ʋ nɩ a Daviir bʋʋrɛ yaa pʋɔ, a zu-sɔw. A ʋ kũu daar, a Zuda nɩ a Zerizalɛm nɩbɛ za tɩ ƴãw ʋ na. A ʋ bidɛb Manase n'ʋ tɩ lɩɛrɩ ʋ dɩ a naalʋ.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Neemi 2:13

A tɩ̃ɩsɔw a, ɩ̃ tɩ tu n a Bà-fʋɔla dɩ̃dɔr ƴãw yi a tẽw pʋɔ, tu a Wa-bɩɛ bule nɩ a Pʋɔrʋ dɩ̃dɔr lowr. Ɩ̃ tɩ bɛl bɛl'ɩ a Zerizalɛm dacine nyɛ̃ a ɩ vɛɛ tɛwr, ɛ́ vũu dɩ a pamɛ.

Sɛb-sõw yielu 102:14

Fʋ na ìr'a, fʋ na zɔ n a Sɩyɔ̃ tẽw nɩbaalʋ. A ʋ nɩbaalʋ zɔba daar'ɩ à à ŋá, a daar sɩrɩ n'ʋ.

Sɛb-sõw yielu 102:15

A tɩɩm fʋ tõ-tõ-biir nɔnɛ nɩ a ʋ kʋsɛbɛ, a ʋ tanɛ tɛɛ za ɩrɛ tɩ nɩ nɩbaalʋ.

Sɛb-sõw yielu 137:6

A ɩ̃ zɛl, ʋ mɛr a ɩ̃ lán, mãa wa yiiri a fʋ yele a, mãa bɛ wa de a Zerizalɛm ʋ zuo a ɩ̃ nʋ̃ɔ̀ za a!

Sɛb-sõw yielu 38:7

Ɩ̃ ka na gùr, ɩ̃ bɛ cãà tɛr tʋ́ɔr ɛ, ɩ̃ mɩ́ ɩ n wahala sob a bibi-ɓil za.

Zeremi 52:12

A Babɩlɔn tẽw nãà, Nabikodonozɔɔr, naalʋ-dɩb yome lɩzɛwaɩ sob, a cuwr anũu sob bibie pie sob, Nebuzaradan tɩ kpɛ n a Zerizalɛm tẽw pʋɔ. A sojarɩ na gùre a Babɩlɔn tẽw nãà a nɩ-kpɛ̃ɛ tɩ n'ʋ. Ʋ tɩ pʋɔ nɩ a nɩ-tɩbrɛ bɛl na mɩ́ be a nãà zie a pʋɔ.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.