Nahum 1:2 - A SƐB-SÕW

² A Sore ɩ n Naaŋmɩn na kpɛ nyuur ɛ́ mɩ́ yáa a san a, a Sore mɩ́ yáa nɩ a san, a ʋ suur bɛ tɛr dɩ̃ɛnʋ ɛ. A Sore mɩ́ yáa nɩ a san a ʋ dɔ̃ dem zu, ʋ bɛ mɩ́ dɩ suur kʋ̀ bɛ ɩ.

Nahum 1:2 Iomraidhean Croise

A Zɔb sɛbɛ 20:23

A lɛn daar ʋ na su zu dɩrɛ k'ʋʋ paalɩ a púor a, lɛn daar'a a Naaŋmɩn suur na ìr a ʋ ƴãw, lɩɛbɩ a ʋ dɩb.

Sɛb-sõw yielu 94:1

Fʋ̃ʋ Naaŋmɩn na mɩ́ yáa a yel-faa san a, Sore e, Naaŋmɩn na mɩ́ yáa a yel-faa san a, wul fʋ tʋɔra!

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Eziptɩ tẽw yib 34:14

Nyɩ kʋ̃ gbĩ dume gũu tɩ tɔ tẽw ŋmɩn-yũo niŋé ɩ, bʋ̃ʋ n'ʋ vɛ̃, a mãa Sore a, a ɩ̃ yúor dɩ na kɛ́ “Nyuur sob”, ɩ̃ ɩ n Naaŋmɩn na kpɛ nyuur a.

Eziptɩ tẽw yib 34:7

Ɩ̃ mɩ́ wul'ɩ a ɩ̃ nɔ̃wfʋ a nɩsaalbɛ tɩ ta bɛ na dɔw tu taa gb'aa túr a, ɩ̃ mɩ́ nyɛrɛ nɩ a yel-bebe, a nɛ́ɛ-zawrʋ nɩ a sãwna kɛ́ bɛrɛ. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bier a, ɩ̃ mɩ́ dɔwr'ʋ na, ʋlɛ nɩ a ʋ bibiir nɩ a ʋ bʋʋrɛ, tɩ ta bɛ na dɔw tu taa gb'a ata bɩɩ gb'a anaar a.»

Ɩzayi 42:13

A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Zeremi 25:15

Nyɛ̃ a lɛ a Sore, a Ɩsɩrayɛl Naaŋmɩn na tɩ ƴɛ̀r a ɩ̃ zie a: «De a divɛ̃ koli-nyúura ŋa na paalɩ a ɩ̃ suur a, a ɩ̃ nũú, kʋ̀ a nɩ-bʋʋrɛ bɛl za zie ɩ̃ na tone fʋ a, bɛ nyũ.

Zeremi 28:8

A naaŋmɩn-ƴɛ̀r-manbɛ bɛl na de niwn tõ a bɛ tome a mãa nɩ a fʋ̃ʋ ƴãw, a koro kãw za a, bɛ tɩ ƴɛ̀r'ɩ a bɛ ƴɛ̀rʋ kʋ̀ tẽ-yaga nɩ naalʋ-tẽ-bɛrɛ. Zɛbr, kpɩɛrʋ nɩ jɛ̀lmɛ̃ bàalʋ yele n'a bɛ tɩ yel kʋ̀ a.

Zeremi 3:5

«Ʋ na tɛr'ɩ a ʋ suur kʋralɛ bɩɩ? Ʋ kʋ̃ bɛr a baarɩ ɛ?» À ŋá n'a fʋ mɩ́ yere ɛ́ cãà maalɛ a faa a, ɛ́ mɩ́ bãw ʋ maalɩ vla za!

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 50:15

Nyɩ lɔb a zɛbr cɛlsɩ jil koli nɩ ʋ, ʋ zɛw nɩ a nuru wul k'ʋʋ bɛ cãà zɛbr ɛ. A ʋ yir-cõcowli ŋmɛr'a, a ʋ dacine lo na. A Sore n'ʋ yarɛ a san, a lɛ pʋɔ a, nyɩ yáa a san a Babɩlɔn zu. Nyɩ ɩ ʋ mɛ̃ a lɛ ʋ na tɩ ɩ a ʋ taabɛ a.

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 36:6

Alɛ n'a so, a fʋ̃ʋ nɩsaal bie, ƴɛ̀r a Ɩsɩrayɛl tẽw zie a ɩ̃ yúor ƴãw. Yel kʋ̀ a tã-bɛrɛ nɩ a tãli, a gblãkowe nɩ a bà-fʋɔlɩ, k'aa mãa, a Sore Naaŋmɩn, ɩ̃ na bɛr'ɩ a ɩ̃ su-tʋlʋ kpãkpã ʋ ìr. Ɩ̃ yere na kʋ̀rɛ a: A nɩ-bʋʋr-yoru ɩ na kɛ̀ vĩ nyɔw nyɩ.

Ezekɩɛl 38:18

Ɛcɛ, Gɔgɩ i, a ʋlɩ bibir nɛ fʋ nãà wa zɛb'ɩ a Ɩsɩrayɛl a, ɩ̃ na nyɛ̃ nɩ suur mab, a mãa Sore Naaŋmɩn n'ʋ yere.

Ezekɩɛl 38:19

A ɩ̃ su-tʋlʋ kpãkpã pʋɔ a, ɩ̃ pɔ na: a ʋlɩ bibir nɛ a, a tẽsɔw-kɔbr na dam'ɩ a Ɩsɩrayɛl tẽw.

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

Ezekɩɛl 5:13

Ɩ̃ na bɛr'ɩ a ɩ̃ su-tʋlʋ ʋ ìr, ɩ̃ na bɛr ʋ na ʋ ìr tɩ ɓɩɩlɩ, ɩ̃ɩ na yáa nɩ a san a nyɩ zu. Lɛ n'a nyɩ na sàw de k'aa mãa Sore n'ʋ tɩ ƴɛ̀r a nyɩ zie, ɩ̃ na bɛ cãà tʋ́ɔr a nyɩ na-bɛ-tu-m'a ƴãw.

Ezekɩɛl 6:12

A bɛl na zãá a na kpi n a jɛ̀lmɛ̃ bàalʋ kũu, a bɛl na pɩɛl'a na kpi n a zɛbr zie, ɛ́ a bɛl na cɛ bɛ piw a na kpi n kɔ̃. Ɩ̃ na bɛr'ɩ a ɩ̃ suur ʋ ìr a bɛ zu.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Zowɛl 2:18

A Sore nɔnɛ nɩ a ʋ tẽw, ʋ zɔ n a ʋ nɩbɛ nɩbaalʋ,

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Zakari 1:14

A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere: «Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.

Zakari 8:2

«A mãa, a Sore, ɩ̃ nɔnɛ nɩ a Zerizalɛm vũuvũu, a nɔ̃wfʋ ŋa dɩrɛ mɛ̃ na mɛ̃ vũu a.

Sɔr-nɛ́ɛ 25:11

«A Pɩnasɩ na ɩ a bàwr-maalɛ ɛ́ ɩ Eleazaar bidɛb nɩ a Aarɔ̃ yãw a ɩ na ɩ̃ bɛ cãà tɛr'ɩ a Ɩsɩrayɛl nɩbɛ suur ɛ. Bʋ̃ʋ n'ʋ vɛ̃, ʋ bɛ tɛr mimi-baalʋ a bɛ zie mɛ̃ a mãa a ɩ. Alɛ n'a so ɩ̃ bɛ kʋ bɛ pàw pɛr ɛ, a na saa ɩ fɛrʋ a bɛ zie k'aa ɩ̃ yõ ɩ a bɛ Naaŋmɩn a.

Ʋrɔm 12:19

Ɩ̃ nɩ-nɔnɩ i, nyɩ ta mɩ́ lɛb ŋmɛlɩ yáa a ɩ-faa san ɛ, nyɩ bɛr a Naaŋmɩn suur ʋ tone, bʋ̃ʋ n'ʋ vɛ̃, a Sɛb-sõw yere nɩ à ŋá: «Mãa so a san-yaafʋ, mãa n'ʋ na yáa a san», a Sore n'ʋ yere.

Ʋrɔm 13:4

bʋ̃ʋ n'ʋ vɛ̃, Naaŋmɩn tõ-tone n'ʋ, k'ʋʋ tʋ̃ɔ́ mɩ́ ƴãw fʋ ɩrɛ vla. Ɛcɛ fʋ̃ʋ wa ɩrɛ faa a, fʋ̃ʋ zɔrɛ ʋ, bʋ̃ʋ n'ʋ vɛ̃, zawlalɛ ƴãw bɛ n'a ʋ tɛr a dɔwrʋ fãw ɛ. Ʋlɛ wa dɔwrɛ nɩr a, a Naaŋmɩn tome n'a ʋ tone, k'ʋʋ wul a Naaŋmɩn suur na ìr a yel-fa-maalɛ ƴãw a.

Wulu-ayi-sob 4:24

Bʋ̃ʋ n'ʋ vɛ̃, a Sore nyɩ Naaŋmɩn ɩ n vũu na dɩrɛ bom za a, ʋ ɩ n Naaŋmɩn na kpɛ nyuur a!

Wulu-ayi-sob 7:10

Ɛcɛ ʋ mɩ̀ càar'a dɔwrɩ fɔ̃wlɛ a bɛlɩ dem na hɩ̃ɛn ʋ a, ɩ kɛ̀ bɛ kpi.

Ebre 10:30

Bʋ̃ʋ n'ʋ vɛ̃, tɩ bãw nɩ a sob nɛ na yel a ƴɛ̀r-bie á ŋá a: «Mãa so a san yaafʋ, mãa n'ʋ na yáa a ɩ-faa san». Ʋlɛ n'ʋ mɩ̀ cãà lɛb yel: «A Sore na maal'ɩ nɩ a ʋ nɩbɛ a ƴɛ̀rʋ.»

Zozue 24:19

Lɛ n'a a Zozue tɩ yel a Ɩsɩrayɛl nɩbɛ: «Nyɩ kʋ̃ tʋ̃ɔ́ maalɛ a Sore ɩ, bʋ̃ʋ n'ʋ vɛ̃, Naaŋmɩn na ɩ sõw a n'ʋ, Naaŋmɩn na bɛ sàwr nyɩ maalɛ ŋmɩn-yoru a n'ʋ, nyɩmɛ wa zawr'ʋ bɛr a, nɩ nyɩmɛ wa maalɩ yel-bier a, ʋ bɛ bɛrɛ nyɩ ɛ.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.