Matie 7:12 - A SƐB-SÕW

¹² A na ɩ lɛ a, bom nɛ za nyɩ na bɔbr k'aa nɩbɛ ɩrɛ a nyɩ zie a, nyɩ mɩ̀ ɩrɛ a bɛ zie: a Wulu na be a Moyiir wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a n'ɩ à ŋà.»

Matie 7:12 Iomraidhean Croise

Ezekɩɛl 18:21

«A nɩ-faa wa zawrɩ a yel-bebe al za ʋ na tɩ maalɩ a bɛr a, ʋlɛ wa tuur a ɩ̃ nɛ-ƴãwnɩ za a, ʋlɛ wa ɩrɛ a lɛ na tori a, ɛ́ tu a mɩnʋ a, ʋ na vʋʋrɛ na, ʋ kʋ̃ kpi ɛ.

Levitɩ mɩnɛ 19:18

Nyɩ taa yáarɛ yel-faa san ɛ, ɛ́ taa tɛrɛ nɩ a nyɩ tẽ-bi-taabɛ pʋ-bier ɛ. Ɛcɛ ŋa za n'ʋ a fɛr k'ʋʋ nɔnɛ a ʋ tɔ sob mɛ̃ a ʋl mɩŋa a. Mãa n'ɩ a Sore.»

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 5:17

«Nyɩ taa tɩɛrɛ k'ɩ̃ɩ wa na k'ɩ̃ɩ wa ír a Moyiir wulu nɩ a naaŋmɩn-ƴɛ̀r-manbɛ wulu bɛr ɛ. Ɩ̃ bɛ wa k'ɩ̃ɩ wa ír a bɛr ɛ, ɩ̃ nɩ̃ɛ na wa k'ɩ̃ɩ wa ɩ a za tu tɩ ɓɩɩlɩ.

Luka 6:31

A lɛ nyɩ na bɔbr kɛ́ a nɩbɛ ɩrɛ a nyɩ zie a, nyɩ mɩ̀ ɩrɛ a lɛ a bɛ zie.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.