Matie 1:12 - A SƐB-SÕW

¹² A Babɩlɔn tẽw diw-cenu pùorí, Zekonɩasɩ tɩ dɔw nɩ Salatɩɛl, Salatɩɛl dɔw Zorobabɛl,

Matie 1:12 Iomraidhean Croise

2 Na-mɩnɛ 24:14

A Nabikodonozɔɔr tɩ diw nɩ a Zerizalɛm tẽw dem za cen nɩ: a nɩ-bɛrɛ za, a zɛbr-nɩbɛ nɩ-bɛrɛ za, a pɛr lɛ kɛ́ nɩbɛ tùr-pie (10 000). Ʋ mɩ̀ tɩ ír'ɩ a nuru-tõ-bʋʋrɛ nɩbɛ za nɩ a sãa-kpɩɛrbɛ za cen nɩ. A nan dem tɛwr'a ʋ tɩ bɛr a be.

2 Na-mɩnɛ 25:27

A Zuda tẽw nãà, Yoyakin, bɛ na tɩ ír cen nɩ a maalɩ yome lɩzɛr'ɩ pie nɩ ayopõi a n'a, a Ewil-Merodakɩ tɩ lɩɛbɩ a Babɩlɔn tẽw nãà. A ʋlɩ yũon nɛ cuwr pie nɩ ayi sob, bibie lɩzɛr'ɩ ayopõi sob'a ʋ tɩ ɩ pʋ-pɩɛlʋ ɩb a Yoyakin zie, ɩ k'ʋ yi a gaso pʋɔ.

1 Bibie za yel-manɩ 3:17

A Yekonɩa bɛ na nyɔw cen nɩ a Babɩlɔn a bidɛbr'ɩ bɛ ŋa: Saltɩɛl,

Ɛsɩdɩrasɩ 3:2

A bàwr-maalɛ Zozue na ɩ Yosadakɩ bidɛb a, nɩ a ʋ yɛbr bàwr-maalbɛ, de nɩ Saltɩɛl bidɛb Zorobabɛl nɩ a ʋ yir dem, tɩ ír'a nyɔw a Ɩsɩrayɛl Naaŋmɩn bàwr-maal-kuur lɛb-mɛb, kɛ́ bɛ tʋ̃ɔ́ mɩ́ maalɩ nyɩw-a-za-bagɛ, mɛ̃ a lɛ bɛ na sɛb a Naaŋmɩn nɩr Moyiir wulu pʋɔ a.

Ɛsɩdɩrasɩ 5:2

Lɛ n'a a Saltɩɛl bidɛb, Zorobabɛl, nɩ Yosadakɩ bidɛb, Zozue, tɩ ìr tĩ a Ŋmɩn-yir-kpɛ̃ɛ lɛb-mɛb tome a Zerizalɛm. A naaŋmɩn-ƴɛ̀r-manbɛ tɩ sõwne bɛ na.

Neemi 12:1

A bàwr-maalbɛ nɩ a levitɩ mɩnɛ na yi a diw-cenu zie lɛb wa nɩ Salatɩɛl bidɛb Zorobabɛl nɩ Zozue a, a bɛ yée na sɛb tu taa a n'ɩ á ŋá: Seraya, Yirmeya, Ɛzɩra,

Zeremi 22:24

«Nyɛ̃ a ʋlɩ bom fʋ na na tɩ yel kʋ̀ a Yoyakim bidɛb nɩ a Zuda tẽw nãà Konɩahu a: “A Sore yere na: Ɩ̃ pɔrɛ nɩ nɩ a ɩ̃ nyɔ-vʋʋrʋ à ŋá: Fʋ̃ʋ mɩ̀ saa tɩ ɩ ŋmaarʋ-bʋ̃-ƴãwna a ɩ̃ dʋrʋ nũú a, ɩ̃ nãà for fʋ nɩ a ɩ̃ nobirí.

Zeremi 22:28

Nɩbɛ sowre na: «La-ŋmɛrnyɛ̃ na bɛ tɛr yel-ɩra a nɔ̃w n'ɩ a dɛb ŋa, a Konɩahu? Laa bɛ na bɛ cãà bɔbr a a? Bʋ̃ʋ n'ʋ so bɛ diw ʋlɛ nɩ a ʋ bibiir cen nɩ tẽ-yũo bɛ na bɛ bãw a?»

Zeremi 22:30

À ŋá n'a a Sore yere: «Nyɩ sɛb a Konɩahu ƴãw à ŋá: A nɩr ŋa bɛ tɛr bibiir ɛ, nɩ-guura n'ʋ. A ʋ bibiir za pʋɔ a, been kãw za kʋ̃ páw a nãà Daviir naalʋ-dà-kɔw zɩ̃ ɛ́ dɩ nɩ-kpɛ̃ɛnʋ a Zuda zu ɛ.»

Zeremi 27:20

— A Babɩlɔn tẽw nãà, Nabikodonozɔɔr, bɛ tɩ tuo a Zerizalɛm bome za cen nɩ a Babɩlɔn, a lɛn daar ʋ na tɩ nyɔw a Yoyakim bidɛb, Yekonɩa, na ɩ a Zuda tẽw nãà a lãwnɩ a Zerizalɛm nɩ a Zuda tẽw ni-yée cen nɩ ɛ.—

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 1:14

A Sore tɩ sɩ̃w nɩ a Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a tɩɛrʋ, ɛ́ sɩ̃w a Yehosadakɩ bidɛb, Zozue, tɩɛrʋ, ʋl na ɩ a bàwr-maal-kara a, ɛ́ sɩ̃w a Naaŋmɩn nɩ-bʋʋrɛ bɛl na cɛ lɛb wa a tɩɛrʋ. Bɛ tɩ nyɔw nɩ a Sore kpɛnʋ-za-sob bɛ Naaŋmɩn, yir-kpɛ̃ɛ lɛb-mɛb tome

A naaŋmɩn-ƴɛ̀r-manɛ Aaze sɛbɛ 2:2

Ƴɛ̀r a Saltɩɛl bidɛb Zorobabɛl, na ɩ a na-kpɛ̃ɛ-lɩɛrɛ a Zuda tẽw a zie, nɩ a Yehosadakɩ bidɛb Zozue, na ɩ a bàwr-maal-kara a zie, nɩ a Naaŋmɩn nɩ-bʋʋrɛ bɛl za na tɩ cɛ lɛb wa a, ƴɛ̀r a bɛ zie yel bɛ:

A naaŋmɩn-ƴɛ̀r-manɛ Aaze sɛbɛ 2:23

Ɛcɛ a ʋlɩ bibir nɛ a, ɩ̃ na kʋ̀ b'ɩ tõ-nʋɔr, Saltɩɛl bidɛb Zorobabɛl ɩ, fʋ̃ʋ na ɩ a ɩ̃ tõ-tone a, ɩ̃ na ɩ na fʋ ɩ mɛ̃ a nũ-tʋʋr bɛ na mɩ́ ƴãw nɩ bãwfʋ a, a fʋ̃ʋ na n'ʋ ɩ̃ kaa ír a ƴãw. À à ŋá n'a a mãa Sore, a kpɛnʋ-za-sob, yere.»

Matie 1:11

Zozɩasɩ dɔw Zekonɩasɩ nɩ a ʋ yɛbr, a lɛn daar bɛ na tɩ diw a Ɩsɩrayɛl nɩbɛ cen nɩ a Babɩlɔn tẽw a.

Matie 1:13

Zorobabɛl dɔw Abiyudɩ, Abiyudɩ dɔw Elɩakɩm, Elɩakɩm dɔw Azɔɔr,

Matie 1:17

A na ɩ à ŋá a, a sãàkʋm-kore dɔw-tu-taa ɩ n pie nɩ anaar, a Abraham tɩ tɔ n a Daviir, pie nɩ anaar a Daviir tɩ tɔ n a Babɩlɔn tẽw diw-cenu, pie nɩ anaar a Babɩlɔn tẽw diw-cenu tɩ tɔ n a Kɩrɩta dɔwfʋ.

Luka 3:27

Yoda ɩ Yoanan bidɛb, Yoanan ɩ Ereza bidɛb, Ereza ɩ Zorobabɛl bidɛb, Zorobabɛl ɩ Salatɩɛl bidɛb, Salatɩɛl ɩ Neeri bidɛb,