Markɩ 9:25 - A SƐB-SÕW

²⁵ A Yeezu na tɩ nyɛ̃ a nɩbɛ bɛ zɔrɛ waar wa gbone taa a, ʋ tanɩ nɩ a kɔ̃tɔn yere nɩ: «Kɔ̃tɔ̃-wõw-takpal i, fʋ̃ʋ n'ʋ ɩ̃ yere: yi zaa a bie ŋa pʋɔ, ɛ́ taa lɛb kpɩɛr a ʋ pʋɔ towtow ɛ!»

Markɩ 9:25 Iomraidhean Croise

Zakari 3:2

A malkɩ tɩ yel'ɩ a Sɩtaana: «A Sore, ʋ pàw fʋ a nʋɔr, Sɩtaana a, ʋ pàw fʋ a nʋɔr, ʋl na kaa ír a Zerizalɛm a! A Zozue bɛ sɩrɩ ɩ mɛ̃ da-ŋmãa bɛ na ír vũumí a ɩ?»

Matie 12:22

Lɛ n'a bɛ tɩ tɛr kɔ̃tɔ̃-ìre kãw, na ɩ zɔ̃w ɛ́ ɩ wõw-takpal a, wa n a Yeezu zie. Ʋ tɩ sanɩ ʋ na, ʋ ƴɛ̀rɛ ɛ́ nyɛrɛ.

Matie 17:18

A Yeezu tɩ tanɩ nɩ a kɔ̃tɔn, ʋ yi zaa a bie zie, ʋʋ tɩ sanɩ a pɛr nɛ pʋɔ.

Markɩ 9:15

A nɩbɛ na wa nyɛrɛ a Yeezu wa báarɛ a, a tɩ ùr'ɩ bɛ za bɛ dɩ vuo ɩ, bɛ zɔrɛ cere kɛ́ bɛ tɩ puor'ʋ.

Markɩ 9:24

Daadaalɛ, a bie sãà ŋmɛ cɛl yel: «Ɩ̃ sàw na de! Ɛcɛ sõw mɛ̃ ɩ̃ na bɛ tʋɔr sàwr dier vla a!»

Markɩ 9:26

A kɔ̃tɔn tɩ cɩɩr'a, ɛ́ dam a bie yaga ɛ́ yi. A bie tɩ ɩ na mɛ̃ ʋ kpi na a, lɛ n'a a nɩbɛ za tɩ yere: «Ʋ kpi na!»

Luka 11:14

Bibir kãw, a Yeezu tɩ diwr'ɩ kɔ̃tɔn nɩr kãw zie. A kɔ̃tɔn tɩ ɩ n a nɩr ʋl ʋ ɩ wõw-gbil, kʋ̃ tʋ̃ɔ́ ƴɛ̀r ɛ. A kɔ̃tɔn na wa yi baar'a, a sob nɛ tɩ ƴɛ̀rɛ na, a tɩ ɩ nɔ-ɓãa-yel a zu-sɛbla zie.

Luka 4:35

A Yeezu tɩ tanɩ ʋ na yel: «Pàw a nʋɔr ɛ́ yi zaa a nɩr ŋa pʋɔ!» A kɔ̃tɔ̃-faa tɩ nyɔw nɩ a dɛb nɛ lɔb'ɩ tẽw a nɩbɛ sɔgɔ, ɛ́ yi ɛ́ bɛr ʋ, ɛ́ bɛ sãw ʋ zie za ɩ.

Luka 4:41

Kɔ̃tɔ̃-faar yaga mɩ́ tɩ yire nɩ a bɛ yaga pʋɔ cɩɩrɛ yere nɩ: «Fʋ ɩ n a Naaŋmɩn Bie!» Ɛcɛ a Yeezu tɩ tanɛ a na, ɛ́ bɛ sàwr a ƴɛ̀rɛ ɩ, a na tɩ bãw kɛ́ ʋlɛ n'ɩ a Kɩrɩta a ƴãw.

Luka 8:29

A Yeezu na tɩ tanɩ a kɔ̃tɔ̃-faa k'ʋʋ yi zaa a dɛb pʋɔ a n'a so a kɔ̃tɔ̃-faa tɩ yel à à ŋá. Gb'aa yaga za n'a a kɔ̃tɔ̃-faa ŋa mɩ́ tɩ ìr ʋ. Bɛ mɩ́ tɩ 'lẽ nɩ a dɛb ŋa gbɛ́ɛ nɩ a ʋ nuru nɩ bamɛ k'ʋʋ tʋ̃ɔ́ zɩ̃ zi-been, ɛcɛ ʋ mɩ́ tɩ taw nɩ a bʋ̃-'leni á ŋá za ŋma, ɛ́ a kɔ̃tɔn tɛr ʋ kpɛ n wɛja-kpalɛ pʋɔ.

Luka 9:42

A bie na tɩ tarɛ pɩɛlɛ a Yeezu a, a kɔ̃tɔ̃-faa nyɔw ʋ na lɔb tẽw ɛ́ dam ʋ faa faa. Ɛcɛ a Yeezu tɩ tanɩ nɩ a kɔ̃tɔ̃-faa, ɛ́ sanɩ a bie kʋ̀ a sãà.

Nɩ-toni 16:18

Bibi-yaga n'a ʋ tɩ ɩ à à ŋá. A wa tɩ zuo nɩ a Pol ʋ lɩɛb yel a kɔ̃tɔn: «A Yeezu Kɩrɩta yúor ƴãw, ɩ̃ ƴãwnɛ nɩ nʋɔr kʋ̀rɛ fʋ: yi zaa a powle ŋa pʋɔ!» A kɔ̃tɔn tɩ yi n a pɛr nɛ pʋɔ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:9

Ɛcɛ a malkɩ-kpɛ̃ɛ Mɩsɛl tɔr za bɛ ɩ à à ŋá ɩ. Ʋlɛ nɩ a Gɛgɛra na tɩ ŋmɩɛr nɔkpɛn ɛ́ zɛbr'ɩ taa a Moyiir ƴã-gan a, ʋ bɛ tɩ sàw tʋ ʋ ɛ. À ŋá tɛwr'a ʋ tɩ yel kʋ̀ ʋ: «A Sore, ʋ ƴãw fʋ dɔwrʋ.»