Markɩ 8:6 - A SƐB-SÕW

⁶ Lɛ n'a ʋ tɩ ƴãw kɛ́ a nɩbɛ zɩ̃ tẽw. Al pùorí ʋ tɩ de nɩ a dipɛ̃ ayopõi al, puori a Naaŋmɩn barka ɛ́ ŋma põ kʋ̀ a ʋ po-tuurbɛ kɛ́ bɛ de põ a nɩbɛ. Ɛ̀ bɛ de põ a nɩbɛ.

Markɩ 8:6 Iomraidhean Croise

Matie 26:26

Bɛ na tɩ dɩrɛ a, a Yeezu tɩ de nɩ dipɛ̃, maalɩ, ɛ́ ŋma põ kʋ̀ a ʋ po-tuurbɛ ɛ́ yel: «Nyɩ de 'wɔb, à ŋà ɩ n a ɩ̃ ƴã-gan.»

Markɩ 8:20

«Ɩ̃ɩ na tɩ ŋma a dipɛ̃ ayopõi a nɩbɛ túr-anaar (4 000) ƴãw a, peli a ŋmɩn n'a nyɩ tɩ wob a ŋmaarɛ paalɩ?» Ɛ̀ bɛ sɔw: «Ayopõi!»

Markɩ 8:5

A Yeezu tɩ sowri bɛ na: «Dipɛ̃ a ŋmɩn n'a nyɩ tɛr?» Ɛ̀ bɛ sɔw: «Ayopõi!»

Markɩ 8:7

Bɛ mɩ̀ tɩ tɛr'ɩ zʋm-bili blã. A Yeezu tɩ maalɩ a na, ɛ́ yel kɛ́ a po-tuurbɛ mɩ̀ de põ a nɩbɛ.

Luka 12:37

Zu-nʋ̃ɔ̀ dem'ɩ a tõ-tõ-biir bɛl, a bɛ zu-sob nãà wa ta nyɛ̃ bɛ bɛr gʋ̃ɔ ɛ́ zɩ̃ gùre ʋ a! Sɩza n'a ɩ̃ yere kʋ̀rɛ nyɩ: ʋl mɩŋa na su n a ʋ tõ-tõ-kparɩ, ɛ́ ƴãw bɛ zɩ̃, ʋ kʋ̀ bɛ a bʋ̃-dɩrɩ.

Luka 24:30

Bɛ na tɩ lãw zɩ̃ a dɩb ƴãw a, ʋ de nɩ a dipɛ̃, puori a Naaŋmɩn yãanɩ ɛ́ ŋma põ kʋ̀ bɛ.

Zã 2:5

A ʋ mã tɩ yel'ɩ a tõ-tõ-biir: «Bom nɛ za ʋ nãà wa yere kʋ̀rɛ nyɩ a, nyɩ maalɩ.»

Zã 6:23

Ɛcɛ gbee a mɩnɛ tɩ yi n a Tɩberiyadɩ wa ta pɩɛlɩ a be a Sore na tɩ puori a Naaŋmɩn yãanɩ a dipɛ̃ ƴãw baarɩ, ɛ́ bɛ 'wɔb a.

Ʋrɔm 14:6

Sob nɛ na mɩ́ bãwnɩ bibir kãw a, a Sore ƴãw n'a ʋ mɩ́ ɩ a lɛ, sob nɛ na dɩrɛ a za a, a Sore ƴãw mɩ̀ n'a ʋ ɩrɛ a lɛ, bʋ̃ʋ n'ʋ vɛ̃, ʋ mɩ́ puor'ɩ a Sore yãanɩ. Sob nɛ na bɛ dɩrɛ a za a, ʋ ɩrɛ nɩ a lɛ a Sore ƴãw, ɛ́ a ʋl mɩ̀ a, ʋ mɩ́ puor'ɩ a Sore yãanɩ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

1 Samɩɛl 9:13

nyɩmɛ wa kpɩɛr a tẽw pʋɔ a, nyɩ na páw ʋ na, ʋʋ bãw do a maalʋ-zie a dɩb ƴãw. Ʋlɛ bɛ wa ta a, nɩr bɛ dɩrɛ ɩ, bʋ̃ʋ n'ʋ vɛ̃, ʋlɛ n'ʋ a fɛr k'ʋʋ maalɩ a bàwr nɛn. Al pùorí a, a nɩbɛ bɛ na bʋɔlɩ a pãa na tʋ̃ɔ́ dɩrɛ. Lɛ so, nyɩ cen a ƴɛrɛŋa, nyɩ na tɩ páw ʋ nɩ daadaalɛ.»