Markɩ 7:4 - A SƐB-SÕW

⁴ ɛ́ bɛlɛ wa yi dàa pʋɔ wa kpɛ a, bɛlɛ bɛ wa so kʋ̃ɔ a, bɛ bɛ dɩrɛ ɩ. A bɛ sãàkʋm-kore ɩ-ɩrɩ a mɩnɛ bɛ na cãà tuur a, a yãwmɛ na: mɛ̃ a koli-nyúuri nɩ a ku-labɛ nɩ a ziduwli pɛwfʋ, mɛ̃ a lɛ a na fɛr kɛ́ bɛ mɩ́ pɛ́w a.

Markɩ 7:4 Iomraidhean Croise

Sɛb-sõw yielu 26:6

Ɩ̃ na pɛ́w nɩ a ɩ̃ nuru, a wul ɩ̃ na bɛ tɛr sãwna a, ɛ́ ɩ̃ na cen na viiri koli a fʋ bàwr-maal-kuur, Sore e,

Ɩzayi 1:16

Nyɩ pɛ́w nyɩ tʋɔra, nyɩ so a nyɩ dɛwr bɛr, nyɩ ír a nyɩ ɩ-faar bɛr a ɩ̃ niŋé, nyɩ bɛr a yel-faa maalʋ.

Zeremi 35:5

A Zeremi tɩ bin nɩ duwli na paalɩ divɛ̃ a, nɩ a koli-nyúuri a Erekaavʋ dɔwlʋ nɩbɛ niŋé, ɛ́ yel bɛ: «Nyɩ nyũ divɛ̃ blã!»

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Matie 23:25

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pɛ́w nɩ a koli-nyúura nɩ a laa zikur, ɛ́ a pʋɔ mɩ́ paalɩ a nyɩ nyãnyu-bome nɩ a nyɩ tɩɛr-faar.

Matie 23:26

Faarizɩ̃ɛ zɔ̃w i! De niwn pɛ́w a koli-nyúura pʋɔ, lɛ n'a a zikur mɩ̀ na vɩɛl.

Matie 27:24

A Pɩlatɩ na tɩ nyɛ̃ ʋ bàlɛ ʋ tʋɔra zawlalɛ, ɛcɛ a damnʋ nɩ̃ɛ lɛb tɩ bãw zuore a, ʋ tɩ de nɩ kʋ̃ɔ pɛ́w a ʋ nuru a nɩbɛ za niŋé ɛ́ yel: «Ɩ̃ za n'ɩ ŋa, ɩ̃ bɛ pʋɔ a nɩ-mɩŋa ŋa kũu yele pʋɔ ɩ. Nyɩ yele n'a.»

Markɩ 7:8

Nyɩ mɩ́ vɩrɩ nɩ a Naaŋmɩn nɔ-ƴãwna bɛr kõkowrí, ɛ́ fɩɩrɩ a nɩsaalbɛ sãàkʋm-kore ɩ-ɩrɩ tɛr.»

Zã 2:6

Kʋsɛbɛ sɩn ayʋɔb kãw tɩ be n be, bɛ mɩ́ 'wɔ̃w kʋ̃ɔ ƴãw a Zifʋ mɩnɛ gbɛ́ɛ nɩ a bɛ nuru pɛwfʋ ƴãw. A sɩ̃w za mɩ́ ƴãw na ta litɩr kʋba (100).

Zã 3:25

Lɛ n'a a Zã po-tuurbɛ bɛ mɩnɛ nɩ Zifʋ nɩr kãw tɩ ŋmɩɛr nɔkpɛn a dɛwr-so-bɛrʋ yele ƴãw.

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.