Markɩ 6:6 - A SƐB-SÕW

⁶ A bɛ Naaŋmɩn bɛ-sàw-deb tɩ ɓãá ʋ nɩ nʋɔr. A Yeezu tɩ cɔlɛ nɩ a Nazarɛtɩ tẽ-kpɔwlɩ kanɛ nɩ a nɩbɛ.

Markɩ 6:6 Iomraidhean Croise

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

Zeremi 2:11

Nɩ-bʋʋrɛ mɩ́ lɩɛr'ɩ a bɛ ŋmɩmɛ ɛ? Ŋmɩmɛ bɛ n'a mɩ̀ ɛ! A ɩ̃ nɩbɛ bɛl a, bɛ de m'a tɛw nɩ ŋmɩmɛ na kʋ̃ tʋ̃ɔ́ ɩ bom za a, mãa na ɩ a bɛ dɛpaalʋ a.

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Matie 8:10

A Yeezu na tɩ wõ a ƴɛ̀r-bie á ŋá a, ʋ nyɔw nɩ nʋɔr, ɛ́ yel a bɛlɩ dem na tɩ tuur ʋ a: «Yel-mɩŋa sɩza, ɩ̃ yere na kʋ̀rɛ nyɩ: ɩ̃ bɛ nyɛ̃ a naaŋmɩn-sàwfʋ ŋa tɔ nɩr kãw za zie a Ɩsɩrayɛl tẽw pʋɔ ɩ.

Matie 9:35

A Yeezu tɩ cɔlɛ nɩ a tẽ-bɛrɛ nɩ a teli, kanɛ nɩ a nɩbɛ a bɛ puoru-diru pʋɔ, ɛ́ hiere a tẽ-vla Naalʋ Yel-nʋ̃ɔ̀, ɛ́ sanɛ a bàalʋ za nɩ a nɩ-kɔwlʋ za.

Markɩ 1:39

Lɛ n'a ʋ tɩ cɔlɛ a Galile tẽw lowr za hiere a Yel-nʋ̃ɔ̀ a puoru-dirú, diwr'ɩ a kɔ̃tɔ̃-faar.

Markɩ 10:1

A Yeezu tɩ yi n a be cen Zude tẽw lowr, a Zurdɛ̃ man gãwn. A zu-sɛbla tɩ lɛb'a maal gbõ taa a ʋ zie, ʋʋ lɛb tɩ kanɛ nɩ bɛ, mɛ̃ a lɛ ʋ na mɩ́ tɩ ɩrɛ a kʋralɛ a.

Luka 13:22

A Yeezu na tɩ lo a sɔ́r cere a Zerizalɛm a, ʋ tɩ tuur'a yire a tẽ-bɛrɛ nɩ a tẽli pʋɔ kanɛ nɩ a nɩbɛ.

Luka 4:31

A lɛ n'a a Yeezu tɩ yi a be siw a Galile tẽw kãw pʋɔ bɛ na bʋɔlɛ Kafarnawɔm a. Ʋ tɩ kanɛ nɩ nɩ a nɩbɛ a Zifʋ mɩnɛ pɩ̃ɛnʋ-bibir.

Luka 4:44

Ʋ tɩ hiere nɩ a Yel-nʋ̃ɔ̀ a Zude tẽw puoru-dirú.

Zã 9:30

A nɩr ʋl tɩ sɔw na yel bɛ: «À ŋá n'ʋ pãa ɩ nɔ-ɓãan! Nyɩ na bɛ bãw a ʋ yib zie, ʋʋ nɩ̃ɛ yuo mɛ̃ a mimie a!

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.