Markɩ 6:12 - A SƐB-SÕW

¹² Bɛ tɩ cen na tɩ hiere kʋ̀rɛ a nɩbɛ k'aa fɛr'a kɛ́ bɛ lɩɛbɩ a bɛ ɩb.

Markɩ 6:12 Iomraidhean Croise

Ezekɩɛl 18:30

Alɛ n'a so, a mãa Sore Naaŋmɩn, ɩ̃ yere na kʋ̀rɛ a nyɩɩm Ɩsɩrayɛl nɩbɛ: ɩ̃ na dɩ n nɩ ŋa za ƴɛ̀rʋ tu n a ʋ ɩb. A na ɩ lɛ a, nyɩ lɩɛbɩ a nyɩ nyɔ-vʋʋrʋ, nyɩ zawrɩ a nyɩ sãwna bɛr, ɛ́ nyɩ kʋ̃ ɩrɛ wa lɛb lo a faalʋ pʋɔ ɩ.

Matie 11:1

A Yeezu na tɩ kpaalɩ a ʋ po-tuurbɛ pie nɩ ayi à à ŋá baar'a, ʋ yi n a be cen k'ʋʋ tɩ kanɛ nɩ a nɩbɛ ɛ́ hiere a Yel-nʋ̃ɔ̀ a ʋlɩ vuo nɛ pʋɔ.

Matie 11:20

Lɛ n'a a Yeezu tɩ nyɔw a tẽ-bɛrɛ al pʋɔ ʋ na maalɩ a ʋ nɔ-ɓãa-yele yaga zie a yere, a ten á ŋá nɩbɛ na bɛ tɩ sàw lɩɛbɩ a bɛ ɩb a ƴãw. Ʋ tɩ yere na:

Matie 3:2

«Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 3:8

Nyɩ wɔnɛ ɩ-vɩɛlɩ wɔmɛ na wul kɛ́ nyɩ lɩɛb'ɩ a nyɩ ɩb a,

Matie 4:17

Lɛ n'a a Yeezu tɩ tĩ hiere yere: «Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Markɩ 1:15

«A daar ʋl a Naaŋmɩn na ƴãw a ta na, a Naaŋmɩn Naalʋ dɩb pɩɛl'a: nyɩ lɩɛbɩ a nyɩ ɩb ɛ́ sàw de a Yel-nʋ̃ɔ̀.»

Markɩ 1:3

Nɩr kãw kɔkɔr cɩɩrɛ nɩ a wɛja-kpalɛ pʋɔ yere: «Nyɩ cɔbrɩ a Sore sɔ́r, nyɩ maalɩ a ʋ soli ƴãw k'a tori.»

Luka 11:32

A ƴɛ̀rʋ-maalʋ bibir a, a Nɩnɩɩvʋ tẽw dem na ìr a àr tori a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛb'ɩ a bɛ ɩb. Ɛcɛ nɩr be n a ka zuo a Zonasɩ.»

Luka 13:3

Mãa yel nyɩ kɛ́ lɛ bɛ n'a ɩ. Ɛcɛ nyɩmɛ bɛ wa lɩɛbɩ a nyɩ ɩb a, nyɩ na kpi n nyɩ za mɛ̃ a bɛl a.

Luka 13:5

Mãa yel nyɩ kɛ́ lɛ bɛ n'a ɩ. Ɛcɛ nyɩmɛ bɛ wa lɩɛbɩ a nyɩ ɩb a, nyɩ na kpi n nyɩ za mɛ̃ a bɛl a.»

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Luka 15:7

Ɩ̃ yere na kʋ̀rɛ nyɩ, à ŋá n'a a na ɩ nʋ̃ɔ̀ yaga a tẽ-vla pʋɔ, a yel-bier-maalɛ been yõ na lɩɛbɩ a ʋ ɩb a ƴãw, zuo a nɩ-mɩn kʋba for bir na bɛ tɛr a bɛ ɩb lɩɛbʋ yel-ɩra a.»

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Luka 9:6

A nɩ-toni tɩ yi na cen tɩ cɔlɛ a tẽli za, hiere a Yel-nʋ̃ɔ̀ sanɛ nɩ a bàalbɛ a ziir za.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.