Markɩ 4:19 - A SƐB-SÕW

¹⁹ ɛcɛ a tẽw zu yele, a naalʋ bɛlʋ nɩ a bʋ̃-bɔbrɩ mɩ́ kpɛ n a bɛ socie pʋɔ fɩɩrɩ a Naaŋmɩn ƴɛ̀rʋ kʋ, ʋ bɛ tʋ̃ɔ́ wɔ̃ ɩ.

Markɩ 4:19 Iomraidhean Croise

Zʋkpaɩ 23:4

Ta bàlɛ fʋ tʋɔra a naalʋ kpɛb ƴãw ɛ, ta cãà tɛr a tɩ́ɛrʋ mɩ̀ ɛ.

Zʋkpaɩ 23:5

Fʋ bɛ mɩ́ nyɛ̃ ʋ baar ɛ, ʋʋ bɔr, ʋ mɩ́ ƴãw nɩ pɩgɛ ƴaw nɩ mɛ̃ a sɩla na mɩ́ ƴaw do a salom zu a.

Ekilezɩasɩ 4:8

nɩr kãw n'ɩ ŋan ɩ ʋ yõ tẽtẽ, bɛ tɛr tu-ta-tɔ ɩ, bɛ tɛr bie ɩ, bɛ tɛr yɛb ɛ, ɛ́ tone bɛ tɛr bɛ́rʋ ɛ. Ʋ mɩ́ bɔbr'a k'ʋʋ cãà páw na-bome dɔwlɩ. Ɛcɛ ʋ mɩ́ tɩɛr'ɩ ʋ pʋɔ: «Ãa ƴãw n'a ɩ̃ tone? Ãa ƴãw n'a ɩ̃ bɛr a nʋ̃ɔ̀ wob?» À á ŋá mɩ̀ ɩ n bàlʋ zawla, nɩ yel na bɛ vɩɛl a nyɔ-vʋʋrʋ pʋɔ a.

Ɩzayi 5:2

Ʋ tɩ buw nɩ a tẽsɔw, tuuri a kʋsɛbɛ bɛr, ɛ́ sɛl divɛ̃ tɩ-vɩɛlɩ bʋʋrɛ. Ʋ tɩ mɛ n bʋ̃-gùre yir-cõcowla a púo sɔwlɩsɔw, ɛ́ tuw bɔw a wɔmɛ nɛbrʋ ƴãw. Ʋ tɩ gùre na k'aa ʋ divɛ̃ tɩɩr wa wɔ̃ wɔ̃-vɩɛlɩ, ɛ́ a wa wɔ̃ wɔ̃-faar tɛwr.

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 19:23

Lɛ n'a a Yeezu tɩ yel a ʋ po-tuurbɛ: «Yel-mɩŋa sɩza, ɩ̃ yere na kʋ̀rɛ nyɩ: nɩr na kpɛ naalʋ a, a ʋ tẽ-vla Naalʋ pʋɔ kpɛb na kpɛmɛ na.

Matie 3:10

A lɛr'ɩ ŋan na be a tɩɩr ƴãw baarɩ a, tɩɛ nɛ za na bɛ wɔnɛ wɔ̃-vɩɛlɩ a, bɛ na cɛ ʋ na ŋmãa lɔb ƴãw vũumí.

Markɩ 4:18

Bɛ mɩnɛ mɩ̀ cãà n'ɩ a bʋ̃-bie al na bʋ̀r a gʋʋr pʋɔ a: bɛ wõ n a Naaŋmɩn ƴɛ̀rʋ,

Luka 10:41

A Sore tɩ sɔw ʋ na yel: «Marta a, Marta a, fʋ bàlɛ nɩ fʋ tʋɔra yel-yaga ƴãw,

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

2 Timote 4:10

Bʋ̃ʋ n'ʋ vɛ̃, a Demasɩ zawrɩ mɛ̃ na bɛr ɛ́ tɔl cen Tesalonikɩ, ʋ na nɔ̃w a tẽw ŋa zu yele a ƴãw. Kɩrɛsãsɩ cen nɩ Galasi, Títɩ̀ cen Dalmasɩ.

2 Pɩɛr 1:8

Nyɩmɛ wa tɛr a ɩ-vɩɛlɩ á ŋá za a, a na ɩ na nyɩ tʋlɛ ɛ́ bãwnɛ a tɩ Sore Yeezu Kɩrɩta dɔwlɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:12

Bɛlɛ sɩrɩ nɛbɛ mɩ́ sãwnɛ a nyɩ yɛbr lãw-dɩb bɛrɛ, a lɛn daar bɛ na mɩ́ su zu dɩrɛ bɛ zɔrɛ nɩ vĩ a. Bɛ ŋmɛ̃ na mɛ̃ zũzuwe sɛsɛb na mɩ́ darɛ, ɛ́ a bɛ mɩ́ mĩ saa a. Bɛ ŋmɛ̃ na mɛ̃ tɩrʋ na bɛ wɔnɛ a, a wɔb daar saa n'a a, ɛ́ bɛlɛ wa vɔ̃ a bɛr a, ãa kpi gb'a ayi a.