Markɩ 3:21 - A SƐB-SÕW

²¹ A ʋ yir dem na wa wõ a a, bɛ cen na kɛ́ bɛ tɩ tɛr ʋ, bɛ tɩ yere na: «A ʋ zu dam'a!»

Markɩ 3:21 Iomraidhean Croise

2 Na-mɩnɛ 9:11

A Yehu tɩ yi na lɛb cen a nãà sojarɩ nɩ-bɛrɛ bɛl zie, bɛ tɩ sowr'ʋ: «Ɓaarʋ n'a a? Bʋnʋ ƴãw n'a a zu-jɩɩra ŋa wa a fʋ zie?» A Yehu tɩ sɔw na: «Bom za ƴãw bɛ n'a ɩ. Nyɩ bãw nɩ a nɩbɛ bɛ ŋa, nɩ a ƴɛ̀rʋ bɛ na mɩ́ ƴɛ̀rɛ a.»

Zeremi 29:26

«A Sore ɩ na fʋ ɩ bàwr-maalɛ lɩɛrɩ a bàwr-maalɛ Yehoyada. A fɛr'a kɛ́ fʋ mɩ́ piwre a Ŋmɩn-yir-kpɛ̃ɛ pʋɔ, a yãyaar dem bɛl za na yel kɛ́ bɛ ɩ n naaŋmɩn-ƴɛ̀r-manbɛ a. A fɛr'a kɛ́ fʋ mɩ́ ƴãw bɛ 'lẽ bɛ nɩ bãzɔlɛ nɩ kure kɔkɔrɩ-bãw.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Markɩ 3:31

A Yeezu mã nɩ a ʋ yɛbr tɩ ta na àr yẽw, ɛ́ tõ kɛ́ bɛ bʋɔl'ʋ.

Zã 10:20

A bɛ pʋɔ a, yaga tɩ yere na: «Ʋ ìre nɩ kɔ̃tɔmɛ! Ʋ yarɛ na! Bʋ̃ʋ n'ʋ so nyɩ bɛrɛ wone a ʋ ƴɛ̀rʋ?»

Nɩ-toni 26:24

A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!»

2 Korɛ̃tɩ 5:13

Tɩmɛ wa ɩ dãbol-ɩb a, Naaŋmɩn ƴãw n'a tɩ ɩ a dãbol-ɩb, ɛcɛ tɩmɛ wa ɩ yã-bãw-ɩb a, nyɩɩm ƴãw n'a.