Markɩ 2:5 - A SƐB-SÕW

⁵ A Yeezu na tɩ nyɛ̃ a bɛ naaŋmɩn-sàw-deb a, ʋ yel'ɩ a gbɛr: «Ɩ̃ bie e, a fʋ yel-bebe suur dɩ na.»

Markɩ 2:5 Iomraidhean Croise

Yele-za-pɛr-tib 22:12

A Sore malkɩ lɛb yel ʋ: «Taa zɛwr nũu tʋɔr'ɩ a bie ɩ, taa ɩrɛ ʋ bom za ɩ. Ɩ̃ pãa bãwnɩ a nɩ ƴɛrɛŋa kɛ́ fʋ zɔrɛ mɛ̃ na, fʋ na bɛ sɩb mɛ̃ a fʋ bidɛb-been a.»

Sɛb-sõw yielu 103:3

Ʋlɛ n'ʋ mɩ́ dɩ a fʋ sãwna suur kʋ̀ b, ɛ́ sanɩ a fʋ bàalʋ za.

Ɩzayi 38:17

A ɩ̃ pʋ-sãwna yaga lɩɛb'ɩ nʋ̃ɔ̀. Bʋ̃ʋ n'ʋ vɛ̃, fʋ nɔ̃w mɛ̃ na bɛ sàw ɩ̃ kpi ɛ, fʋ lɔb'ɩ a ɩ̃ yel-bebe za bɛr a fʋ zikurí a zãá.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Matie 9:2

Nɩbɛ bɛ mɩnɛ tɩ tuo nɩ gbɛr bʋ̃-gana zu wa n a ʋ zie. A Yeezu na tɩ nyɛ̃ bɛ sàw de a Naaŋmɩn a, ʋ yel'ɩ a gbɛr: «Ɩ̃ bie e, ɓãá ƴãw, a fʋ yel-bebe suur dɩ na.»

Matie 9:22

Ɛcɛ a Yeezu na tɩ lɩɛbɩ nyɛ̃ ʋ a, ʋ yel ʋ na: «Ɩ̃ pɔwyaa a, ta zɔrɛ dɛ̃bɩ̃ɛ ɩ, a fʋ naaŋmɩn-sàwfʋ faa fʋ na.» Ɛ́ a pɛr nɛ pʋɔ a, a pɔw bàalʋ tɩ sanɩ na.

Matie 9:5

Abobe sob'a ɩ mɔlɛ zuo, ɩ̃ na na yel: “A fʋ yel-bebe suur dɩ na”, bɩɩ ɩ̃ na na yel: “Ìr cere a?”

Markɩ 2:6

Naaŋmɩn wulu sɛ-sɛbrbɛ bɛ mɩnɛ na tɩ zɩ̃ a be a, tɩ tɩɛrɛ nɩ bɛ pʋɔ:

Markɩ 5:34

Ɛcɛ a Yeezu tɩ yel ʋ na: «Ɩ̃ pɔwyaa a, a fʋ naaŋmɩn-sàw-deb faa fʋ na: cere nɩ ƴã-ɓaarʋ ɛ́ a fʋ bàalʋ baarɩ.»

Luka 5:20

A Yeezu na tɩ nyɛ̃ a bɛ naaŋmɩn-sàwfʋ ŋa a, ʋ yel'a: «Ɩ̃ bá a, a fʋ yel-bebe suur dɩ na.»

Luka 8:48

A Yeezu tɩ yel ʋ na: «Ɩ̃ pɔwyaa a, a fʋ naaŋmɩn-sàw-deb faa fʋ na, cere nɩ ƴã-ɓaarʋ.»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 5:14

Al pùorí, a Yeezu tɩ wa tuor'ʋ nɩ a Ŋmɩn-yir-kpɛ̃ɛ pʋɔ yel ʋ: «Ƴɛrɛŋa a, fʋ lɛb'a kpɛ̃w, taa lɛb maalɛ yel-bier ɛ, bom na kpɛ faa zuo lɛ a taa wa páwr fʋ ɛ.»

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 14:9

Ʋ tɩ bɛrɛ na wone a Pol ƴɛ̀rʋ. A Pol tɩ jɩ́r ʋ nɩ gbẽgbẽ, ɛ́ nyɛ̃ ʋ tɛr a naaŋmɩn-sàwfʋ a na tʋ̃ɔ́ faa ʋ.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

1 Korɛ̃tɩ 11:30

Alɛ n'a so a bàalbɛ nɩ a nɩ-kɔwr bɛ dɩ vuo a nyɩ pʋɔ ɩ, ɛ́ yaga kpi.

2 Korɛ̃tɩ 2:10

Sob nɛ sãwna nyɩ na mɩ́ de bɛr a baarɩ a, ɩ̃ mɩ̀ mɩ́ de na bɛr a baarɩ, sãwna wa sɩrɩ be be a fɛr k'ɩ̃ɩ de bɛr a baar'a. Ɛ́ mãa a, mãa wa de nɩr sãwna bɛr a baarɩ a, a nyɩ ƴãw n'a ɩ̃ ɩ a lɛ a Kɩrɩta niŋé,

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Kɔlɔsɩ 3:13

Nyɩ sàw dier taa ɩ-ɩrɩ ɛ́ dɩrɛ suur kʋ̀rɛ taa kãw wa sãw a ʋ tɔ a: mɛ̃ a lɛ a Sore na dɩ suur kʋ̀ nyɩ a, nyɩ mɩ̀ dɩrɛ suur kʋ̀rɛ taa.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.