Markɩ 16:19 - A SƐB-SÕW

¹⁹ A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr.

Markɩ 16:19 Iomraidhean Croise

Sɛb-sõw yielu 110:1

Daviir yielu. Sɛb-sõw yielu. A Sore Naaŋmɩn yel'ɩ a nãà ɩ̃ sore: «Wa zɩ̃ a ɩ̃ dʋrʋ lowr, ɛ́ gù ɩ̃ tɩ ɩ a fʋ dɔ̃ dem bɛ lɩɛbɩ a fʋ gbɛ́ɛ dɔwlʋ zie.»

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Luka 22:69

Ɛcɛ dɩ̃a na ta a, a Nɩsaal Bie na zɩ̃ n a Naaŋmɩn na tɛr kpɛnʋ a dʋrʋ lowr.»

Luka 9:51

A daar nɛ na tɩ tarɛ bɛ na ír a Yeezu a tẽw ŋa zu cen nɩ a tẽ-vla a, ʋ nyɔw nɩ nyãa ɛ́ lo a Zerizalɛm sɔ́r.

Zã 13:1

A Tɔl-gãw cuw zãa daarɩ́ tɩ n'a. A Yeezu na tɩ bãw kɛ́ a daar ʋl, ʋ na na yi a tẽ-daa ŋa zu lɛb cen a ʋ Sãà zie a, ta na a, ʋ na tɩ nɔ̃w a ʋ nɩbɛ na be a tẽ-daa zu a, ʋ nɔ̃w bɛ na tɩ ɓɩɩlɩ.

Zã 16:28

Ɩ̃ yi n a ɩ̃ Sãà zie ɛ́ wa a tẽ-daa zu. Ƴɛrɛŋa a, ɩ̃ bɛrɛ nɩ a tẽ-daa ɛ́ cere a ɩ̃ Sãà zie.»

Zã 17:13

Ɛcɛ ƴɛrɛŋa a, ɩ̃ waar'ɩ a fʋ zie, ɛ́ yere a yele á ŋá a tẽ-daa zu ka ɩ̃ na cãà a, kɛ́ bɛ tɛr a ɩ̃ nʋ̃ɔ̀ ʋ paalɩ bɛ tɩ tɔ a ʋ tɔb zie.

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Zã 21:15

Bɛ na wa dɩ baar'a, a Yeezu yel'ɩ a Sɩmʋ̃ Pɩɛr: «Sɩmʋ̃, Zã bidɛb i, fʋ nɔnɛ mɛ̃ na zuo a bɛ ŋa bɩɩ?» Ʋ sɔw: «Ʋ̃ʋ, Sore e, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ péli.»

Zã 21:22

A Yeezu tɩ sɔw ʋ na: «Mãa wa bɔbr k'ʋʋ be be ɛ́ gùre ɩ̃ tɩ lɛb wa a, a jɩ́rɛ fʋ na bɩɩ? A fʋ̃ʋ a, tuur mɛ̃!»

Zã 6:62

Ɛ́ nyɩmɛ pãa wa nyɛ̃ a Nɩsaal Bie ʋ dúor a be ʋ na tɩ dãw be a?

Nɩ-toni 1:22

a na tĩ a Zã suob ʋ na de a, ɛ́ tɩ ta a ʋlɩ bibir nɛ bɛ na lɛb ír ʋ a tɩ sɔgɔ a, a fɛr'a k'aa bɛ ƴen sob kãw pʋɔ a tɩ pʋɔ ɩ a ʋ kũu-pʋɔ-lɛb-yibu dãsɩɛ sob.»

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Nɩ-toni 3:21

Ƴɛrɛŋa a, a fɛr'a k'aa Yeezu Kɩrɩta be a tẽ-vla pʋɔ tɩ ta a daar ʋl bom za na na lɩɛbɩ bʋ̃-paala, mɛ̃ a lɛ a Naaŋmɩn na tɩ dãw hieri yel nɩ a ʋ dãwdãw ƴɛ̀r-man-son nʋɔr a.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 6:20

be a Yeezu na de tɩ niwn tɩ kpɛ a tɩɩm ƴãw a, ʋl na lɩɛbɩ bàwr-maal-kara na be kʋralɛ a Mɛlkɩsedɛkɩ pal pʋɔ a.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.