Markɩ 14:7 - A SƐB-SÕW

⁷ Bʋ̃ʋ n'ʋ vɛ̃, nyɩ tɛr'ɩ a nan dem kʋralɛ, ɛ́ lɛn daar za nyɩ nãà mɩ́ wa bɔbr a, nyɩ na mɩ́ maalɩ bɛ na. Ɛcɛ mãa a, ɩ̃ kʋ̃ be a nyɩ zie kʋralɛ ɩ.

Markɩ 14:7 Iomraidhean Croise

Matie 26:11

Sɩza n'a, nan dem na be n a nyɩ zie kʋralɛ, ɛcɛ mãa kʋ̃ be a nyɩ zie kʋralɛ ɩ.

Markɩ 14:6

Ɛcɛ a Yeezu tɩ yel bɛ na: «Nyɩ bɛr ʋ, bʋnʋ ƴãw n'a nyɩ bàlɛ ʋ? Yel-vla n'ʋ ʋ maalɩ a ɩ̃ zie.

Zã 13:33

Ɩ̃ bibiir i, ɩ̃ cãà na be a nyɩ zie, ɛcɛ blãlɛ tɛwr ƴãw n'a. Nyɩ na bɔ m'a, ɛcɛ mɛ̃ a lɛ ɩ̃ na yel kʋ̀ a Zifʋ mɩnɛ a, ɩ̃ mɩ̀ yere na kʋ̀rɛ nyɩ a ƴɛrɛŋa: a be ɩ̃ na cere a, nyɩ kʋ̃ tʋ̃ɔ́ wa ɩ.

Zã 16:28

Ɩ̃ yi n a ɩ̃ Sãà zie ɛ́ wa a tẽ-daa zu. Ƴɛrɛŋa a, ɩ̃ bɛrɛ nɩ a tẽ-daa ɛ́ cere a ɩ̃ Sãà zie.»

Zã 16:5

Ɛcɛ ƴɛrɛŋa a, ɩ̃ cere nɩ a sob nɛ na tõ m a zie, ɛ́ nyɩ kãw za bɛ sowre mɛ̃: “Nyɩnɛ fʋ cere ɩ?”

Zã 17:11

Ɩ̃ bɛ cãà a tẽ-daa zu ɛ, ɛcɛ bɛl cãà nɩ a tẽ-daa zu, ɛ́ mãa waar a fʋ zie. Ɩ̃ Sãà sõw i, a bɛlɩ dem fʋ na kʋ̀ m a, gùre bɛ a fʋ yúor ƴãw, kɛ̀ bɛ ɩ been mɛ̃ a tɩɩm a.

Nɩ-toni 3:21

Ƴɛrɛŋa a, a fɛr'a k'aa Yeezu Kɩrɩta be a tẽ-vla pʋɔ tɩ ta a daar ʋl bom za na na lɩɛbɩ bʋ̃-paala, mɛ̃ a lɛ a Naaŋmɩn na tɩ dãw hieri yel nɩ a ʋ dãwdãw ƴɛ̀r-man-son nʋɔr a.

Wulu-ayi-sob 15:11

Nan dem na be n a nyɩ tẽw pʋɔ kʋralɛ, alɛ so ɩ̃ kʋ̀rɛ nyɩ a nɔ-ƴãwna ŋa: a nyɩ yɛbr na ɩ bãbàalbɛ nɩ nan dem be a nyɩ tẽw pʋɔ a, nyɩ mɩ́ tur bɛ nũu dẽdele.

Filemɔ̃ 1:7

Yɛb i, a fʋ nɔ̃wfʋ kʋ̀ m'ɩ nʋ̃ɔ̀ yaga nɩ mɔwlʋ, bʋ̃ʋ n'ʋ vɛ̃, a fʋ nɔ̃wfʋ sɩrɩ na ɩ a kɩrɩta-nɩbɛ socie a lɛb kpɛmɛ.