Markɩ 13:6 - A SƐB-SÕW

⁶ Nɩ-yaga na de nɩ a ɩ̃ yúor wa yere nɩ: “Mãa n'ɩ a Nɩ-kabra.” Ɛ́ bɛ na bɛlɩ nɩ nɩ-yaga nyɔw.

Markɩ 13:6 Iomraidhean Croise

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Matie 24:11

Naaŋmɩn-ƴɛ̀r-man-bɛlɛbɛlɛ mɩnɛ na yi na bɛ tɛr vuo ɩ, ɛ́ tuli nɩ-yaga.

Matie 24:5

Nɩ-yaga na sɩrɩ na wa yel kɛ́ a mãa yúor ƴãw n'a, wa yere: “Mãa n'ɩ a Nɩ-kabra”, ɛ́ bɛ na tuli nɩ nɩ-yaga.

Markɩ 13:22

A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri.

Markɩ 13:5

A Yeezu tɩ yere na kʋ̀rɛ bɛ: «Nyɩ gù nyɩ tʋɔra vla, nɩr za taa wa bɛlɛ nyɩ nyɔwr ɛ.

Markɩ 13:7

Nyɩmɛ wa wone zɛbr na zɛbr pɩɛlɩ a gɔmɛ a, ɛ́ mɩ̀ wone bɛ ƴɛ̀rɛ zi-zãána zɛbr ƴɛ̀rʋ a, nyɩ ta zɔrɛ dɛ̃bɩ̃ɛ ɩ, a fɛr'a kɛ́ à á ŋá za ta, ɛcɛ a cãà kʋ̃ ɩ a tẽw baarʋ n'a ɩ.

Zã 5:43

Ɩ̃ wa n a ɩ̃ Sãà yúor ƴãw, ɛ́ nyɩ bɛ wa de m ɛ. Ɛcɛ nɩ-yũo wa wa ʋ tʋɔra yúor ƴãw a, nyɩ na sàw na de ʋ!

Zã 8:24

Lɛ so ɩ̃ yel kʋ̀ nyɩ kɛ́ nyɩ na kpi n nɩ a nyɩ yel-bebe. Nyɩmɛ bɛ wa sɩrɩ sàw k'ɩ̃ɩ “ɩ n a sob nɛ ɩ̃ na ɩ a”, nyɩ na kpi n nɩ a nyɩ yel-bebe.»

Zã 8:28

A lɛ n'a a Yeezu tɩ yel bɛ: «A lɛn daar nyɩ nãá wa ba a Nɩsaal Bie ʋ zɛw a, nyɩ na bãw na k'ɩ̃ɩ “ɩ n a sob nɛ ɩ̃ na ɩ a”, nɩ k'ɩ̃ɩ bɛ nyɛrɛ ɩ̃ tʋɔra ɩrɛ bom ɛ: bom nɛ a ɩ̃ Sãà na wul mɛ̃ a n'ʋ ɩ̃ mɩ́ yel.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.