Markɩ 12:33 - A SƐB-SÕW

³³ Ɛ́ fʋ na na nɔnɛ ʋ nɩ a fʋ socir za, nɩ a fʋ yã za, nɩ a fʋ fãw za, ɛ́ nɔnɛ a fʋ tɔ sob mɛ̃ a fʋ mɩŋa a, a vɩɛl'a zuo a nyɩw-a-za-bàwr nɩ a bàwr bʋʋrɛ za.»

Markɩ 12:33 Iomraidhean Croise

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Zʋkpaɩ 21:3

Fʋ na tuur a mɩnʋ nɩ a lɛ-na-tu-sɔr-a, alɛ n'a a Sore nɔnɛ zuo a bagɛ.

A naaŋmɩn-ƴèr-manɛ Oze sɛbɛ 6:6

Nɔ̃wfʋ n'a mɩ́ pɛlɩ a ɩ̃ pʋɔ, bagɛ bɛ n'a ɩ, ɛ́ nyɩ na bãw k'ɩ̃ɩ ɩ n Naaŋmɩn a vɩɛl'a zuo a nyɩw-a-za-bàwr.»

Matie 12:7

Ɛ́ nyɩmɛ tɩ sɩrɩ bãw a ƴɛ̀r-bir ŋa pɛr a: “Nɩbaal-zɔba n'a ɩ̃ bɔbr, bàwr bɛ n'a a”, a nɩbɛ bɛ ŋa na bɛ sãw bom za a, nyɩ kʋ̃ʋ yel kɛ́ bɛ sãw na ɩ.

Matie 9:13

Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Ebre 10:8

Ʋ de nɩ niwn yel à ŋá: «Bagɛ, de-kʋ̀b bome, nyɩw-a-za-bàwr, nɩ yel-bebe suur-dɩ-kʋ̀b bàwr, fʋ bɛ sàw de a ɩ, a bɛ pɛlɩ a fʋ pʋɔ ɩ.» Ɛcɛ a bagɛ á ŋá a, a lɛ a Naaŋmɩn wulu na yel a n'a bɛ mɩ́ maalɩ a.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.