Markɩ 12:26 - A SƐB-SÕW

²⁶ Ɛ́ a kũuni na lɛb yire a ƴãw a, nyɩ bɛ dãw kanɩ a Moyiir sɛbɛ pʋɔ a tuw na nyɔw vũu dɩrɛ a yele ɩ? Bɛ sɛb'ɩ a be kɛ́ a Naaŋmɩn yel'ɩ a Moyiir: “Ɩ̃ ɩ n a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn.”

Markɩ 12:26 Iomraidhean Croise

Yele-za-pɛr-tib 26:24

A Sore tɩ ɩ na ʋ nyɛ̃ ʋ a tɩ̃ɩsɔw, ʋʋ yel ʋ: «Mãa n'ɩ a fʋ sãà Abraham Naaŋmɩn. Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na maalɩ fʋ na, ɛ́ ɩ a fʋ bʋʋrɛ bɛ yɛ̀r yãwmɛ yaga, a ɩ̃ tõ-tõ-bie Abraham zũú.»

Yele-za-pɛr-tib 28:13

A Sore tɩ àr'a kɔw a Zakɔb ɛ́ yere kʋ̀rɛ ʋ: «Mãa n'ɩ a Sore, a fʋ sãàkʋm Abraham Naaŋmɩn, a Ɩzaakɩ Naaŋmɩn. A tẽsɔw ŋa zu fʋ na gã a, ɩ̃ na kʋ̀ ʋ nɩ fʋ̃ʋ nɩ a fʋ bʋʋrɛ.

Yele-za-pɛr-tib 31:42

A ɩ̃ sãàkʋm Abraham Naaŋmɩn, a Naaŋmɩn na tɩ ɩ a ɩ̃ sãà Ɩzaakɩ ʋ màwr a, ʋlɛ bɛ tɩ sõw mɛ̃ a, fʋ nãá bɛr mɛ̃ na ɩ̃ lɛb kul nũ-zawlɛ. Ɛcɛ a Naaŋmɩn nyɛ̃ nɩ a ɩ̃ kpɩɛrʋ nɩ a tome ɩ̃ na tõ wõ tuo a. A tɩ̃ɩsɔw a, ʋ ƴɛ̀r'a kpɛ m.»

Yele-za-pɛr-tib 32:9

ɛ́ yel: «A Ezawu wa ta lo bɛ ŋa zu a, a bɛ ŋa na tʋ̃ɔ́ na zɔ cɩ̃ɛ.»

Yele-za-pɛr-tib 33:20

Ʋ tɩ maal'ɩ bàwr-maal-kuur a be por kɛ́ “Ɛl, a Ɩsɩrayɛl Naaŋmɩn.”

Eziptɩ tẽw yib 3:16

Pãa cen tɩ bʋɔlɩ a Ɩsɩrayɛl nɩ-kore ɓã taa, ɛ́ yel bɛ: “A Sore, a nyɩ sãàkʋm-kore Naaŋmɩn, a Abraham Naaŋmɩn, Ɩzaakɩ Naaŋmɩn nɩ Zakɔb Naaŋmɩn, ɩ na k'ɩ̃ nyɛ̃ ʋ, ʋʋ yel mɛ̃: Ɩ̃ wa na wa nyɛ̃ nyɩ, ɛ́ nyɛ̃ a lɛ bɛ na ɩrɛ nyɩ a Eziptɩ a,

Markɩ 12:10

Nyɩ bɛ kanɩ a Sɛb-sõw ƴɛ̀r-bie á ŋá bɩɩ? “A kʋsɩɛr ʋl a yir-mɩɛrbɛ na ír lɔb bɛr a, ʋ lɩɛb'ɩ a yir pɛr kʋsɩɛr.

Markɩ 12:25

Bʋ̃ʋ n'ʋ vɛ̃, a kũu-pʋɔ-lɛb-yibu daar, a dɛbr bɛ kule pɔwbɛ ɩ, ɛ́ a pɔwbɛ bɛ kule sɩrbɛ ɩ, bɛ na ɩ na mɛ̃ malkɩ mɩnɛ na be a tẽ-vla pʋɔ a.

Luka 20:37

Ɛ́ a kũu-pʋɔ-lɛb-yibu yele ƴãw a, a Moyiir mɩŋa wul'a a sãá a tuw ʋ na tɩ nyɛ̃ ʋ dɩrɛ a pɛr, a lɛ ʋ na tɩ bʋɔlɩ a Sore kɛ́: “Abraham Naaŋmɩn, Ɩzaakɩ Naaŋmɩn, nɩ Zakɔb Naaŋmɩn a.”

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Ʋrɔm 11:2

Naaŋmɩn bɛ jɛ a ʋ nɩbɛ ʋ na tɩ dãw kaa ír a bɛr ɛ. Mɛ̃ nyɩ taa bãw a lɛ a Sɛb-sõw na yel a ʋ zie kãw, a lɛ a naaŋmɩn-ƴɛ̀r-manɛ Eli na tɩ manɛ a Ɩsɩrayɛl nɩbɛ sãwna a Naaŋmɩn zie a?