Markɩ 11:13 - A SƐB-SÕW

¹³ Ʋ tɩ cãà na zãá, ɛ́ nyɛ̃ kãkãw na tɛr váar a. Ʋ tɩ cen na tɩ jɩ́r kaa k'ʋʋ taa ɩrɛ wa wɔ̃. Ʋ na tɩ taw pɩɛlɩ a, ʋ nyɛ̃ nɩ váar tɛwr, a kãkamɛ daar bɛ tɩ n'a ɩ.

Markɩ 11:13 Iomraidhean Croise

Ɩzayi 5:2

Ʋ tɩ buw nɩ a tẽsɔw, tuuri a kʋsɛbɛ bɛr, ɛ́ sɛl divɛ̃ tɩ-vɩɛlɩ bʋʋrɛ. Ʋ tɩ mɛ n bʋ̃-gùre yir-cõcowla a púo sɔwlɩsɔw, ɛ́ tuw bɔw a wɔmɛ nɛbrʋ ƴãw. Ʋ tɩ gùre na k'aa ʋ divɛ̃ tɩɩr wa wɔ̃ wɔ̃-vɩɛlɩ, ɛ́ a wa wɔ̃ wɔ̃-faar tɛwr.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Matie 21:19

Ʋ tɩ nyɛ̃ nɩ kãkã-tɩɛ ʋ àr a sɔ́r nʋɔr, ʋ taw ta nyɛ̃ k'ʋ ɩ váar tɛwr. Lɛ n'a ʋ tɩ yel ʋ: «Fʋ kʋ̃ lɛb wɔ̃ wɔm za ɩ.» Ɛ́ daadaalɛ a kãkã-tɩɛ ko àr.

Markɩ 11:12

A bio daarɩ́, bɛ na tɩ yire a Betani tẽw pʋɔ a, kɔ̃ tɩ nyɔw nɩ a Yeezu.

Markɩ 11:14

A Yeezu tɩ yel'ɩ a kãkã-tɩɛ: «Nɩr bɛ be na lɛb dɩ a fʋ wɔmɛ ɩ!» A ʋ po-tuurbɛ tɩ wõ a na.

Luka 10:31

Zɩ̃ kɛ́ Naaŋmɩn bàwr-maalɛ kãw mɩ̀ tɩ lo n a sɔ́r siwr, tɩ nyɛ̃ ʋ, ɛ́ dɛ tɔl zi-yũo ɛ́ bɛr ʋ.

Urutɩ 2:3

Lɛ n'a a Urutɩ tɩ cen púo kãw pʋɔ tɩ yiire a ɔɔzʋ tuur'ɩ a ɔɔzʋ cɩɛrbɛ. Zɩ̃ kɛ́ a Elimelɛkɩ nɩr Bowaazʋ pu-pʋɔ tɩ n'a.

1 Samɩɛl 6:9

ɛ́ nyɩ jɩ́rɛ: a na-nyamɛ wa lo a Ɩsɩrayɛl tẽw sɔ́r, tu a Bɛtɩ-Semɛsɩ lowr a, a na wul'a k'aa Ɩsɩrayɛl Naaŋmɩn sɩrɩ n'ʋ tɩ ƴãw tɩ a dɔwrʋ á ŋá za. Ɛcɛ alɛ bɛ wa tu a sɔ́r ʋl a, tɩ na bãw na kɛ́ ʋlɛ bɛ n'ʋ ƴãw tɩ a kpɩɛrʋ á ŋá ɩ, tab'a a mɩ̀ ta tɩ.»