Markɩ 10:33 - A SƐB-SÕW

³³ Ʋ tɩ yel'a kʋ̀ bɛ: «Nyɩ nyɛ̃, tɩ dúor'ɩ a Zerizalɛm, bɛ na tɩ nyɔw nɩ a Nɩsaal Bie ƴãw a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ. Bɛ na ŋmãa nɩ kũu dɔwrʋ ƴãw ʋ, ɛ́ de ʋ kʋ̀ nɩ-bʋʋr-yoru.

Markɩ 10:33 Iomraidhean Croise

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Matie 16:21

A ʋlɩ daar nɛ n'a a Yeezu tɩ tĩ yere kʋ̀rɛ a ʋ po-tuurbɛ, k'aa fɛr'a k'ʋʋ cen a Zerizalɛm, tɩ wõ tuo yaga a nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ, bɛ kʋ ʋ, ɛ́ a bibie ata sob ʋ lɛb yi a kũu pʋɔ.

Matie 26:66

Nyɩ tɩɛr'ɩ ŋmɩn?» Bɛ sɔw: «Ʋ sɛwnɩ nɩ kũu.»

Matie 27:2

Al pùorí, bɛ tɩ nyɔw nɩ a Yeezu 'lẽ cen nɩ tɩ ƴãw a Ʋrɔm tẽw na-kpɛ̃ɛ-lɩɛrɛ Pɩlatɩ nuru pʋɔ.

Markɩ 14:64

Nyɩ wõ n a zʋm ʋ na tʋ a Naaŋmɩn a. Nyɩ tɩɛr'ɩ ŋmɩn?» Bɛ za sɔw k'ʋʋ sãw na ɛ́ sɛwnɩ a kũu.

Markɩ 15:1

A biɓaar-pipi, a bàwr-maal-nɩ-bɛrɛ, nɩ a Naaŋmɩn wulu sɛ-sɛbrbɛ, nɩ a Zifʋ mɩnɛ nɩ-kore, nɩ a bɛ ƴɛ̀rʋ-dɩb-lãw nɩbɛ za, tɩ wõ n taa ɛ́ nyɔw a Yeezu 'lẽ cen nɩ tɩ kʋ̀ a Pɩlatɩ.

Markɩ 8:31

Al pùorí, a Yeezu tɩ tĩ na kanɛ nɩ a ʋ po-tuurbɛ, kɛ́ a fɛr'a a Nɩsaal Bie wõ tuo yaga, kɛ́ a fɛr'a a Zifʋ mɩnɛ Nɩ-kore nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ zawr'ʋ bɛr, kɛ́ a fɛr'a bɛ kʋ ʋ, ɛcɛ a bibie ata pùorí ʋ lɛb yi a kũu pʋɔ.

Markɩ 9:12

Ʋ tɩ sɔw bɛ na: «Yel-mɩŋa n'a, a fɛr'a kɛ́ a Eli de niwn wa, wa maalɩ bom za ƴãw. Ɛcɛ, bʋ̃ʋ ƴãw n'a bɛ sɛb kɛ́ a ɩ n fɛrʋ kɛ́ a Nɩsaal Bie wõ tuo yaga, ɛ́ bɛ ɩ ʋ la?

Markɩ 9:31

Bʋ̃ʋ n'ʋ vɛ̃, ʋ tɩ kanɛ nɩ nɩ a ʋ po-tuurbɛ yere: «Bɛ na nyɔw nɩ a Nɩsaal Bie ƴãw a nɩsaalbɛ nuru pʋɔ, a nɩsaalbɛ na kʋ ʋ na, ɛcɛ bibie ata pùorí, ʋ na lɛb'a yi a kũu pʋɔ.»

Luka 23:21

Ɛcɛ bɛ tɩ cɩɩrɛ na yere nɩ: «Kpa ʋ da-gara zu! Kpa ʋ da-gara zu!»

Luka 9:22

ɛ́ tɩ ír a pɛr à ŋá kʋ̀ bɛ: «A fɛr'a kɛ́ a Nɩsaal Bie wõ tuo yaga, kɛ́ a Zifʋ mɩnɛ nɩ-kore, nɩ a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ jɛ ʋ bɛr, a fɛr'a kɛ́ bɛ kʋ ʋ, ʋʋ lɛb yi a kũu pʋɔ a bibie ata sob daar.»

Zã 18:28

Al pùorí, bɛ tɩ tɛr'ɩ a Yeezu yi n a Kayifʋ zie cen nɩ a Ʋrɔm tẽw na-kpɛ̃ɛ-lɩɛrɛ yir. Biɓaara tɩ n'a. Bɛ bɛ tɩ kpɛ a Ʋrɔm tẽw na-kpɛ̃ɛ-lɩɛrɛ yir ɛ, kɛ́ bɛ taa wa páw dɛwr ɛ, tʋ̃ɔ́ dɩ a Tɔl-gãw cuw.

Zã 18:32

À ŋá n'a a tɩ fɛr kɛ́ a ƴɛ̀rʋ ʋl, a Yeezu na tɩ ƴɛ̀r manɩ wul a kũu nɛ bʋʋrɛ ʋ na na kpi a, tu.

Zã 19:11

Ɛcɛ a Yeezu tɩ sɔw ʋ na: «Naaŋmɩn bɛ tɩ kʋ̀ b a fãw a, fʋ kʋ̃ʋ tɩ tɛr fãw kãw za a ɩ̃ zu ɛ. Alɛ so, a nɩr ʋl na mɩl mɛ̃ nyɔw ƴãw a fʋ nuru pʋɔ a tɛr'ɩ sãwna zuo fʋ.»

Nɩ-toni 13:27

A Zerizalɛm nɩbɛ nɩ a bɛ nɩ-bɛrɛ bɛ tɩ bãw a Yeezu ɛ, ɛ́ bɛ na tɩ ƴãw ʋ a kũu dɔwrʋ a, a naaŋmɩn-ƴɛ̀r-manbɛ ƴɛ̀rʋ bɛ na mɩ́ kanɛ a pɩ̃ɛnʋ-bibir za a, alɛ n'a bɛ tu.

Nɩ-toni 20:22

Ƴɛrɛŋa a, mãa n'ɩ ŋan lo a Zerizalɛm sɔ́r, mɛ̃ a lɛ a Vʋʋrʋ Sõw na fɛrɛ mɛ̃ k'ɩ̃ɩ ɩ a, ɛ́ bɛ bãw ʋlɩ bom nɛ na gùre mɛ̃ a be a ɩ.

Zakɩ 5:6

Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.