Markɩ 10:1 - A SƐB-SÕW

¹ A Yeezu tɩ yi n a be cen Zude tẽw lowr, a Zurdɛ̃ man gãwn. A zu-sɛbla tɩ lɛb'a maal gbõ taa a ʋ zie, ʋʋ lɛb tɩ kanɛ nɩ bɛ, mɛ̃ a lɛ ʋ na mɩ́ tɩ ɩrɛ a kʋralɛ a.

Markɩ 10:1 Iomraidhean Croise

Ekilezɩasɩ 12:9

A ʋlɩ bom nɛ na lɛb dɔwlɩ a Kohelɛtɩ yã-bãwfʋ zu a n'ɩ k'ʋʋ lɛb'a zanɩ nɩ a nɩbɛ a bãwfʋ. Ʋ bɔ n zʋkpaɩ yaga pɛr bãw, jieli a, ɛ́ ɩ a tu taa vla vla.

Zeremi 32:33

Bɛ nãá lɩɛbɩ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃. Ɛcɛ ɩ̃ ƴãw nɩ nũu wul bɛ, ɛ́ bɛ bɛ bɛr wõ ɩ, bɛ bɛ de a wulu ɛ.

Matie 26:55

A ʋlɩ tɛm nɛ pʋɔ, a Yeezu tɩ yel'ɩ a nɩbɛ: «Nyɩ wa n nɩ zɛbr-sɔ-bɛrɛ nɩ dabɔlɛ kɛ́ nyɩ wa nyɔw nɩ mɛ̃, mɛ̃ nyãnyu-nɩ-kʋrɛ a, ɛ́ bibir za ɩ̃ mɩ́ tɩ be a Ŋmɩn-yir-kpɛ̃ɛ pʋɔ zɩ̃ kanɛ nɩ a nɩbɛ ɛ́ nyɩ bɛ nyɔw mɛ̃ ɩ.

Matie 4:23

A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie.

Markɩ 1:21

A Yeezu nɩ a ʋ po-tuurbɛ tɩ kpɛ n a Kafarnawɔm tẽw pʋɔ. A pɩ̃ɛnʋ-bibir na wa vɩɛrɛ wa báarɛ a, a Yeezu tɩ kpɛ n a bɛ puoru-dĩó tɩ kanɛ nɩ a nɩbɛ.

Markɩ 10:2

Faarizɩ̃ɛ bɛ mɩnɛ tɩ taw na ta a Yeezu zie. Bɛ na tɩ bɔbr kɛ́ bɛ ɩ ʋ kaa a, bɛ sowr'ʋ na: «Dɛb tɛr'ɩ sɔ́r na tʋ̃ɔ́ zawrɩ a ʋ pɔw bɛr bɩɩ?»

Markɩ 12:35

A Yeezu na tɩ kanɛ nɩ a nɩbɛ a Ŋmɩn-yir-kpɛ̃ɛ pʋɔ a, ʋ wa tɩ sowr'ɩ a sowru ŋa: «Ŋmɩŋmɩn za n'a a Naaŋmɩn wulu sɛ-sɛbrbɛ yel kɛ́ a Nɩ-kabra ɩ n Daviir bidɛb?

Markɩ 14:49

Bibie za, ɩ̃ mɩ́ tɩ be n a nyɩ zie, a Ŋmɩn-yir-kpɛ̃ɛ pʋɔ, kanɛ nɩ a nɩbɛ, ɛ́ nyɩ bɛ nyɔw mɛ̃ ɩ. Ɛcɛ a ɩ n à à ŋá, kɛ́ a Sɛb-sõw ƴɛ̀r-bie tʋ̃ɔ́ tu.»

Markɩ 2:13

A Yeezu tɩ lɛb'a yi cen a Galile kʋ̃ɔ-kpɛ̃ɛ nʋɔr, ɛ́ nɩbɛ za tɩ zɔrɛ waar a ʋ zie ʋ wa nyɔw nɩ bɛ a wulu.

Markɩ 4:2

Ʋ tɩ lɔbr'ɩ zʋkpaɩ wule nɩ bɛ yele yaga. Ʋ tɩ yere nɩ à ŋá kʋ̀rɛ bɛ a ʋ wulu pʋɔ:

Markɩ 6:2

A pɩ̃ɛnʋ-bibir na wa vɩɛ a, ʋ tɩ kanɛ nɩ nɩ a nɩbɛ a puoru-dĩó. A nɩ-yaga na tɩ bɛrɛ wone a ʋ ƴɛ̀rʋ a, tɩ nyɔw nɩ nʋɔr yere nɩ: «Nyɩnɛ n'a ʋ páw à á ŋá? Ɛ́ bʋ̃ʋ yã-bãwfʋ n'ɩ à á ŋá bɛ na kʋ̀ ʋ a, nɩ a nɔ-ɓãa-yele á ŋá ʋ na maalɛ a?

Markɩ 6:34

A Yeezu na wa ta yire a gbor pʋɔ a, ʋ nyɛ̃ nɩ zu-sɛbla na bɛ tɛr vuo a. Nɩbaalʋ tɩ kpɛ ʋ nɩ a bɛ ƴãw, bɛ tɩ ɩ na mɛ̃ píir na bɛ tɛr cɩ̃ɩnɛ a. Ʋ tɩ nyɔw nɩ bɛ nɩ a kanʋ, kanɩ nɩ bɛ yel-yaga.

Markɩ 6:6

A bɛ Naaŋmɩn bɛ-sàw-deb tɩ ɓãá ʋ nɩ nʋɔr. A Yeezu tɩ cɔlɛ nɩ a Nazarɛtɩ tẽ-kpɔwlɩ kanɛ nɩ a nɩbɛ.

Zã 10:40

A Yeezu tɩ lɛb'a cen a Zurdɛ̃ man gãwn, tɩ be a be a Zã na tɩ tĩ tɩrɛ a suob a.

Zã 11:7

Al pùorí, ʋ yel a ʋ po-tuurbɛ: «Nyɩ ɩ tɩ lɛb cen a Zude tẽw.»

Zã 18:20

A Yeezu tɩ sɔw ʋ na: «Cãàmɩlɛ n'a ɩ̃ mɩ́ ƴɛ̀rɛ a nɩbɛ za niŋé, ɛ́ kanɛ nɩ bɛ a puoru-dirú nɩ a Ŋmɩn-yir-kpɛ̃ɛ pʋɔ, a be a Zifʋ mɩnɛ za na mɩ́ ɓã taa a. Ɩ̃ bɛ dãw sɔwlɩ ƴɛ̀r ƴɛ̀rʋ ɛ.