Luka 10:42 - A SƐB-SÕW

⁴² ɛcɛ bʋ̃-been yõ n'ʋ fɛrɛ. A Marya n'ʋ kaa ír a vla zie, ɛ́ nɩr kʋ̃ faa ʋ a ʋ zie ɩ.»

Luka 10:42 Iomraidhean Croise

Sɛb-sõw yielu 119:111

A lɛ fʋ na yel a ɩ n na-bom kʋralɛ a ɩ̃ zie, a mɩ́ ɩ na k'ɩ̃ tɛr su-nʋ̃ɔ̀.

Sɛb-sõw yielu 119:173

A fʋ nũu, ʋ gù a ɩ̃ sõwfʋ, a fʋ tub ɩ̃ na kaa ír a ƴãw.

Sɛb-sõw yielu 119:30

A fʋ pùor-tub'a ɩ̃ kaa ír, a lɛ fʋ na dɩ a ƴɛ̀rʋ a n'a ɩ̃ sàw de.

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Sɛb-sõw yielu 17:15

Ɛcɛ mãa a, sɔ́r be n be, ɩ̃ na nyɛ̃ nɩ a fʋ niwn. A ɩ̃ ìru daar a, fʋ na sãá na ɩ̃ jɩ́r fʋ tɩ sɛw.

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

Sɛb-sõw yielu 73:25

A tẽw zu ka a, fʋ̃ʋ yõ n'ʋ ɩ̃ bɔbr, ɛ́ ãa n'ʋ ɩ̃ na lɛb tɛr a tẽ-vla pʋɔ ƴãw pʋɔ a fʋ ƴãw?

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Markɩ 8:36

Bʋ̃ʋ tɔnɛ n'a a nɩsaal na nyɛ̃, ʋlɛ wa páw a tẽ-daa, ɛ́ a ɩ a ʋ nyɔ-vʋʋrʋ n'ʋ ʋ de da n a?

Luka 10:39

A Marta tɩ tɛr'ɩ yɛb a yúor dɩ kɛ́ Marya. A Marya tɩ zɩ̃ n a Sore pile bɛrɛ wone a ʋ ƴɛ̀rʋ.

Luka 11:1

Bibir kãw, a Yeezu tɩ be n zie kãw puore. Ʋ na wa puori baar'a, a ʋ po-tuurbɛ ƴen sob tɩ zɛlɩ ʋ na yel: «Sore e, zànɩ nɩ tɩ a puoru mɛ̃ a lɛ a Zã-Bati na zànɩ nɩ a ʋ po-tuurbɛ a.»

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Luka 12:33

Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.

Luka 16:2

A nɩ-kpɛ̃ɛ tɩ bʋɔl'ʋ na wa yel ʋ: “Ɩ̃ wõ na kɛ́ fʋ ɩrɛ nɩ ŋmɩn a? Manɩ a lɛ fʋ na kaarɛ a ɩ̃ bome zie a kʋ̀ m, bʋ̃ʋ n'ʋ vɛ̃, dɩ̃a na ta a, fʋ kʋ̃ cãà ɩ a ɩ̃ bʋ̃-kaarɛ ɩ.”

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Luka 18:22

A Yeezu na tɩ wõ à à ŋá a, ʋ yel ʋ na: «Bʋ̃-been yõ n'ʋ cãà cɛ b: kʋɔrɩ a fʋ bʋ̃-tɛrɩ za, de a libie põ nan dem, ɛ́ fʋ na tɛr'ɩ na-bome a tẽ-vla pʋɔ, al pùorí, wa tuur mɛ̃.»

Luka 8:18

Nyɩ tɛr maal-ɩb a nyɩ ƴɛ̀rʋ bɛr-wob pʋɔ. Sob nɛ na tɛr a a, bɛ na kʋ̀ ʋ na dɔwlɩ, ɛ́ sob nɛ na bɛ tɛr a a, bɛ na faa nɩ a blã al ʋ na tɩɛr k'ʋʋ tɛr a a.»

Zã 11:1

Nɩr kãw tɩ be n be ɩ bàal, a yúor dɩ kɛ́ Lazaar. Betani tẽw n'a ʋ tɩ yi, a Marya nɩ a ʋ yɛb Marta tẽw.

Zã 11:19

Zifʋ mɩnɛ yaga tɩ wa na kɛ́ bɛ wa puori a Marta nɩ a Marya a bɛ yɛ-dɛb kuor.

Zã 12:3

A Marya tɩ de nɩ litɩr ŋmãa kãa-nyũu kãw bɛ na maal'ɩ náàr mɩŋa a, ɛ́ a daarʋ bɛ gbʋ́r a, cir ƴãw a Yeezu gbɛ́ɛ ƴãw ɛ́ fɩɛlɩ a nɩ a ʋ zukɔbɛ. A nyũu tɩ ìr'a paalɩ a yir za.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

1 Korɛ̃tɩ 13:3

Mãa saa de a ɩ̃ bʋ̃-tɛrɩ za põ kʋ̀ a kɔ̃ dem, mãa saa de a ɩ̃ ƴã-gan ƴãw vũumí a, mãa bɛ wa tɛr a nɔ̃wfʋ a, ɩ̃ bɛ páwr bom za a pʋɔ ɩ.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Wulu-ayi-sob 30:19

Ɩ̃ páw na yere kʋ̀rɛ nyɩ a dɩ̃a, ɛ́ a salom nɩ a tẽw dɩrɛ a dãsɩɛ: ɩ̃ bine nɩ a nyɔ-vʋʋrʋ nɩ a kũu a nyɩ niŋé, a maalʋ nɩ a ŋmɛ-ƴãw. Nyɩ kaa ír a nyɔ-vʋʋrʋ tʋ̃ɔ́ vʋʋrɛ, nyɩɩm nɩ a nyɩ bʋʋrɛ.

Zozue 24:15

Ɛcɛ nyɩmɛ bɛ wa bɔbr kɛ́ nyɩ maalɛ a Sore a, nyɩɩm kaa ír a dɩ̃a sob nɛ nyɩ na bɔbr kɛ́ nyɩ maalɛ a: a ŋmɩmɛ al a nyɩ sãà mɩnɛ na maalɩ a Efaratɩ gãwn a n'a bɩɩ a Amoritɩ mɩnɛ sɔgɔ nyɩ na kpɩɛr a ŋmɩmɛ n'a. Mãa nɩ a ɩ̃ yir dem a, a Sore n'ʋ tɩ na maalɛ.»

Zozue 24:22

A Zozue lɛb yel bɛ: «Nyɩ ɩ n a nyɩ mɩŋa dãsɩɛ dem, kɛ́ nyɩ kaa na ír kɛ́ nyɩ na maalɛ nɩ a Sore.» Bɛ tɩ sɔw na: «Ʋ̃ʋ, tɩ ɩ n a dãsɩɛ dem.»