Luka 1:8 - A SƐB-SÕW

⁸ Bibir kãw, a Zakari tɩ tone nɩ a ʋ bàwr-maalɛ tome a Naaŋmɩn niŋé, a ʋ pal pʋɔ nɩbɛ tome deb daar na tɩ n'a a ƴãw.

Luka 1:8 Iomraidhean Croise

1 Bibie za yel-manɩ 24:19

A tu-taa ŋa n'ʋ a palɛ tɩ tuur a bɛ tome ƴãw a Sore Ŋmɩn-yir-kpɛ̃ɛ pʋɔ. A be a, bɛ tɩ tone nɩ a bɛ tome tu n a nɛ́ɛ a bɛ sãàkʋm-kʋra Aarɔ̃ na tɩr a. A Sore, a Ɩsɩrayɛl Naaŋmɩn n'ʋ tɩ kʋ̀ ʋ a nɛ́ɛ á ŋá.

1 Bibie za yel-manɩ 24:2

A Nadavʋ nɩ Avihu tɩ de nɩ niwn kpi a bɛ sãà ƴãw ɛ́ bɛ dɔw bidɛbr ɛ, lɛ so a Eleazaar nɩ a Itamaar tɛwr tɩ tõ a bàwr-maalbɛ tome.

2 Bibie za yel-manɩ 11:14

A levitɩ mɩnɛ tɩ bɛr'ɩ a bɛ dʋn mʋ̃ɔ 'wɔbrʋ ziir nɩ a bɛ zi-sóri, ɛ́ cen a Zuda naalʋ-tẽw nɩ a Zerizalɛm, bʋ̃ʋ n'ʋ vɛ̃, a Zerobowam nɩ a ʋ bidɛbr bɛ tɩ sàwr bɛ tone a Sore bàwr-maalbɛ tome ɩ.

2 Bibie za yel-manɩ 31:19

A bàwr-maalbɛ, a Aarɔ̃ bʋʋrɛ, na tɩ kpɩɛr a kura na pɩɛlɩ a bàwr-maalbɛ ten a pʋɔ a, bɛ tɩ sʋ̃ɔmɩ na bul kaa ír nɩbɛ a tẽw za pʋɔ bɛ pone a bàwr-maalbɛ a bɛ dɩb, lãwnɩ a levitɩ mɩnɛ a yée na sɛb ƴãw a sɛb-bɛrɛ pʋɔ a.

2 Bibie za yel-manɩ 31:2

A Ezekɩasɩ tɩ lɛb'a zɩɩlɩ a bàwr-maalbɛ nɩ a levitɩ mɩnɛ palɛ, ɛ́ kʋ̀ ŋa za a ʋ tõ-nʋɔr a ʋ pal pʋɔ. A Ŋmɩn-yir-kpɛ̃ɛ pʋɔ a, a bàwr-maalbɛ nɩ a levitɩ mɩnɛ tɩ so a nyɩw-a-za-bagɛ nɩ a lãw-taa bagɛ maalʋ nɩ a puoru yele na ɩ a Sore danʋ a.

2 Bibie za yel-manɩ 8:14

Mɛ̃ a lɛ a ʋ sãà Daviir na tɩ yel a, a Salomɔ̃ tɩ zɩɩl'ɩ a bàwr-maalbɛ palɛ palɛ a bɛ tome pʋɔ, nɩ a levitɩ mɩnɛ na so a Sore danʋ yielu, bɩɩ be a bàwr-maalbɛ sõwfʋ ƴãw a. Ʋ mɩ̀ tɩ báa na zɩɩlɩ a dɩ̃dɔ-gùrbɛ na gùre a Ŋmɩn-yir-kpɛ̃ɛ dɩ̃dɛɛ a. À ŋá n'a a Naaŋmɩn nɩr Daviir tɩ yel k'aa ɩ.

Ɛsɩdɩrasɩ 6:18

Bɛ tɩ põ nɩ a bàwr-maalbɛ nɩ a levitɩ mɩnɛ palɛ palɛ, a Naaŋmɩn na be a Zerizalɛm a tome tob ƴãw, mɛ̃ a lɛ bɛ na sɛb a Moyiir sɛbɛ pʋɔ a.

Eziptɩ tẽw yib 28:1

«Moyiir i, ƴãw a fʋ yɛb Aarɔ̃ wa a fʋ zie, ʋlɛ n'ɩ a ʋ bidɛbr Nadavʋ, Avihu, Eleazaar nɩ Itamaar. Fʋ na bʋ́r bɛ na, bɛlɛ nɩ a Ɩsɩrayɛl nɩbɛ ŋmãa na cɛ a, bɛ ɩ bàwr-maalbɛ tone a ɩ̃ tome.

Eziptɩ tẽw yib 28:41

«A fʋ̃ʋ Moyiir, fʋ na su n a kparɩ á ŋá a fʋ yɛb Aarɔ̃ nɩ a ʋ bidɛbr. Fʋ na cir'ɩ a kãá ƴãw bɛ a zuru ƴãw, ɛ́ ka a nũu ƴãw bɛ. À à ŋá n'a fʋ na maalɩ bɛ bɛ ɩ son, ɩ bàwr-maalbɛ tone a ɩ̃ tome.

Eziptɩ tẽw yib 29:1

«Nyɛ̃ a lɛ fʋ na na tu mɩ́ ka nũu ƴãw a Aarɔ̃ nɩ a ʋ bidɛbr bɛ ɩ a bàwr-maalbɛ tone a ɩ̃ tome a: Fʋ na kaa na ír nadɛr nɩ pʋ́rɩ ayi, a ƴã-gan zie kãw za na bɛ sãw a.

Eziptɩ tẽw yib 29:44

Mãa mɩŋa na maal'ɩ a tuor-taa pɛn-sɛw nɩ a bàwr-maal-kuur a ɩ son. Ɩ̃ na maal'ɩ a Aarɔ̃ nɩ a ʋ bidɛbr bɛ ɩ son, tone a bàwr-maalʋ tome a ɩ̃ ƴãw.

Eziptɩ tẽw yib 29:9

ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ. Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:

Eziptɩ tẽw yib 30:30

Fʋ na cir'ɩ a kãá á ŋá ƴãw a Aarɔ̃ nɩ a ʋ bidɛbr, ka a nũu ƴãw bɛ bɛ ɩ bàwr-maalbɛ tone a ɩ̃ tome.»

Sɔr-nɛ́ɛ 18:7

Ɛcɛ a fʋ̃ʋ Aarɔ̃ nɩ a fʋ bidɛbr a, nyɩ na tone nɩ a nyɩ bàwr-maal-tome a bàwr-maal-kuur pɛr nɩ a zi-sõw-za-zi-sõw pʋɔ, a pɛn-yawla na bʋ́r a ziir a pùorí. Mãa n'ʋ kʋ̀ nyɩ a tõ-nʋɔr ŋa. Nɩ-zawla wa tawr pɩɛlɛ a, a fɛr'a k'ʋʋ kpi.»

Luka 1:5

A lɛn daar a Erɔdɩ na tɩ dɩrɛ naalʋ a Zude tẽw zu a, bàwr-maalɛ kãw tɩ be n be a yúor dɩ kɛ́ Zakari. Ʋ tɩ ɩ n Abɩa pal pʋɔ bàwr-maalɛ kãw. A ʋ pɔw tɩ ɩ n Aarɔ̃ bʋʋrɛ nɩr, a yúor dɩ kɛ́ Elizabɛr.

Luka 1:7

Ɛcɛ bɛ bɛ tɩ tɛr bie ɛ, a Elizabɛr na tɩ ɩ pɔw-ãan a ƴãw, ɛ́ bɛ za ayi mɩ̀ lɛb tɩ kor baar'a.