Luka 1:6 - A SƐB-SÕW

⁶ Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Luka 1:6 Iomraidhean Croise

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 6:9

A Nowe yele n'ɩ á ŋá: A Nowe tɩ ɩ n nɩ-mɩŋa nɩ nɩr na ɩrɛ a pɛlɛ a Naaŋmɩn pʋɔ a ʋ daar nɩbɛ pʋɔ a. Ʋ tɩ maalɛ nɩ a Naaŋmɩn pʋ-tɩɛrʋ.

Yele-za-pɛr-tib 7:1

A Sore tɩ yel'ɩ a Nowe: «Kpɛ a gbor-kpɛ̃ɛ pʋɔ, fʋ̃ʋ nɩ a fʋ yir dem za, bʋ̃ʋ n'ʋ vɛ̃, ɩ̃ nyɛ̃ na kɛ́ fʋ̃ʋ yõ n'ʋ ɩ a nɩ-mɩŋa a fʋ daar nɩbɛ pʋɔ.

1 Na-mɩnɛ 15:5

Bʋ̃ʋ n'ʋ vɛ̃, a Daviir tɩ ɩ n a lɛ na vɩɛl a, a Sore niŋé. A ʋ nyɔ-vʋʋrʋ daar za a, ʋ bɛ tɩ zawrɩ a Sore nɔ-ƴãwna been kãw za ɩ, alɛ bɛ ɩ a Uuri na ɩ Hititɩ a yele pʋɔ a.

1 Na-mɩnɛ 9:4

Ɛ́ a fʋ̃ʋ a, fʋ̃ʋ wa ɩrɛ a ɩ̃ zie mɛ̃ a fʋ sãà Daviir a, fʋ̃ʋ wa tu m nɩ a fʋ pʋɔ za, ɛ́ cere dẽdẽ a, fʋ̃ʋ wa ɩrɛ a lɛ za ɩ̃ na yere kʋ̀rɛ fʋ a, fʋ̃ʋ wa sàwr a wulu nɩ a tub ɩ̃ na kʋ̀ b a,

2 Na-mɩnɛ 20:3

«'Woi! Sore e, ɩ̃ zɛlɛ fʋ na, bãwnɩ a a ɩ̃ ɩb za a fʋ zie na tɩ tori a. Ɩ̃ tɩ ɩ n a lɛ na vɩɛl a fʋ zie a, kʋralɛ!» A Ezekɩasɩ tɩ kõ na cir mʋta-kʋ̃ɔ yaga.

2 Bibie za yel-manɩ 17:4

Ɛcɛ ʋ tɩ ƴãw nɩ fãw bɔbr a Sore, a ʋ sãà Naaŋmɩn, ɛ́ tuur a ʋ nɛ-ƴãwnɩ, ɛ́ bɛ cɔwrɛ a lɛ a saa-pɛrɩ́-gʋba-lowr naalʋ-tẽw nɩbɛ na tɩ ɩrɛ a ɩ.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

A Zɔb sɛbɛ 1:8

A Sore tɩ yel ʋ na: «Mɛ̃ fʋ taa nyɛ̃ a ɩ̃ tõ-tõ-bie Zɔb! Ʋ bɛ tɛr ʋ tɔ a tẽw zu ɛ. Nɩr na bɛ tɛr sãwna, ɛ́ tuur yel-mɩŋa a n'ʋ, ʋ ƴãwnɛ mɛ̃ na ɛ́ bɛ pɩɛlɛ ɩ-faa ɩ.»

A Zɔb sɛbɛ 9:2

Sɩza n'a, ɩ̃ bãw na kɛ́ à ŋá n'a a ɩ. Ŋmɩŋmɩn za n'a nɩsaal na tɛr yel-mɩŋa a Naaŋmɩn niŋé?

Sɛb-sõw yielu 119:6

Lɛ n'a vĩ kʋ̃ ɩrɛ mɛ̃, mãa wa jɛlɛ a fʋ nɛ-ƴãwnɩ za a ɩ.

Luka 1:7

Ɛcɛ bɛ bɛ tɩ tɛr bie ɛ, a Elizabɛr na tɩ ɩ pɔw-ãan a ƴãw, ɛ́ bɛ za ayi mɩ̀ lɛb tɩ kor baar'a.

Luka 16:15

A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Nɩ-toni 2:25

Daviir tɩ yel'ɩ a ʋ ƴãw kɛ́: “Ɩ̃ tɩ nyɛ̃ nɩ a Sore ʋ be a ɩ̃ niŋé kʋralɛ, ʋ be n a ɩ̃ lõbowrí k'ɩ̃ɩ taa lore ɩ.

Nɩ-toni 23:1

A Pol tɩ jɩ́r'ɩ a Zifʋ mɩnɛ ƴɛ̀rʋ-dɩb-lãw nɩbɛ gbẽgbẽ ɛ́ yel: «Yɛbr i, tɩɛr-vla n'ʋ ɩ̃ tõ n a Naaŋmɩn tome wa tɔ a dɩ̃a.»

Nɩ-toni 24:16

A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»

Nɩ-toni 8:21

A fʋ tɩɛrʋ na bɛ tori a Naaŋmɩn zie a, fʋ bɛ tɛr sɔ́r na páw bom za a yele á ŋá na ɩrɛ a ka a pʋɔ ɩ.

Ʋrɔm 8:4

A Naaŋmɩn ɩ n à à ŋá k'aa mɩnʋ a Wulu na bɔbr kɛ́ tɩ tɛr a, tʋ̃ɔ́ paalɩ tɩ, tɩɩm na bɛ tuur a tɩ nɩsaalʋ ɛ́ tuur a Vʋʋrʋ Sõw a.

1 Korɛ̃tɩ 11:2

Ɩ̃ mʋʋrɛ nyɩ na nyɩ na tɛr a ɩ̃ tɩɛrʋ a yele za pʋɔ a, ɛ́ maal tuur a wulu ɩ̃ na lʋɔrɩ kʋ̀ nyɩ a.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Wulu-ayi-sob 5:33

A sɔ́r a Sore nyɩ Naaŋmɩn na wul nyɩ a, nyɩ cere a ʋ zu kʋralɛ. Lɛ n'a nyɩ na vʋʋrɛ, ɛ́ a nyɩ nyɔ-vʋʋrʋ wõwme ɛ́ nʋmɛ a tẽw nyɩ na na de so a pʋɔ.

Filib 2:15

lɛ n'a nyɩ kʋ̃ tɛr sãwna bɛ yere ɩ, ɛ́ vɩɛl ɩ Naaŋmɩn bibiir na bɛ tɛr faalʋ a, vʋʋrɛ nɩ a tẽ-daa zu nɩbɛ sɔgɔ na fa ɛ́ sãw bɛ za a, nyɩwrɛ a bɛ sɔgɔ mɛ̃ ŋmar-bie salom zu a,

Kɔlɔsɩ 1:22

ƴɛrɛŋa a, a kũu a ʋ Bie nɩsaal ƴã-gan na kpi a zũú n'a a Naaŋmɩn ɩ nyɩɩm nɩ ʋl lɛb kpɛ taa, k'ʋʋ tʋ̃ɔ́ ɩ nyɩ àr a ʋ niŋé ɩ nɩ-son na bɛ tɛr dɛwr kãw za, ɛ́ bɛ tɛr sãwna nɩr yere a.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

1 Zã 2:29

Nyɩ na bãwnɩ a k'aa Kɩrɩta ɩ n nɩ-mɩŋa a, nyɩ sàw kɛ́ sob nɛ za mɩ̀ na tuur a mɩnʋ sɔ́r a, ɩ n Naaŋmɩn bʋ̃-dɔwra.

1 Zã 2:3

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

1 Zã 3:7

Ɩ̃ bibiir i, nyɩ ta sàw nɩr za tuli nyɩ ɛ. Sob nɛ na tuur a yel-mɩŋa a ɩ n nɩ-mɩŋa mɛ̃ a Kɩrɩta na ɩ nɩ-mɩŋa a.