A Lãw-mʋɔlɛ 4:5 - A SƐB-SÕW

⁵ A bɛlɩ dem na tɩ dɩrɛ a bʋ̃-dɩ-kãánɩ a kpiir'ɩ a sɛ́ɛ pʋɔ. A bɛlɩ dem na tɩ baa a tɛra pʋɔ a jɛlɛ nɩ a sagɛ nɩ a bɛ nuru.

A Lãw-mʋɔlɛ 4:5 Iomraidhean Croise

2 Samɩɛl 1:24

Ɩsɩrayɛl pɔwbɛ ɛ, nyɩ kone a Sawul! Ʋ mɩ́ tɩ su nyɩ nɩ kpar-vɩɛlɩ vɩɛlɩ, a daarʋ na bɛ gbʋ́r a, ʋ mɩ́ tɩ ƴãw nɩ salm-zɩɛ pɩ̃ɛmɛ a nyɩ kpar-wowr.

2 Na-mɩnɛ 18:27

Ɛcɛ a sojarɩ nɩ-kpɛ̃ɛ, na mɩ́ be a nãà zie a, tɩ sɔw bɛ na: «Nyɩ tɩɛrɛ k'aa nyɩ nɩ-kpɛ̃ɛ nɩ a nyɩɩm tɛwr so a ɩ̃ nɩ-kpɛ̃ɛ ƴɛ̀rʋ bɩɩ? A nɩbɛ bɛ ŋa za na be a dacin zu, ɛ́ kʋ̃ yaa kɛ́ dɩrɛ a bɛ bine, nyúur'ɩ a bɛ dʋ́rʋ, mɛ̃ a nyɩɩm a, bɛlɛ mɩ̀ so a ƴɛ̀rʋ!»

A Zɔb sɛbɛ 24:8

A saa pɔb bɛ nɩ a tan pʋɔ bɛ ɓãá mib. Bɛ na bɛ tɛr kpɛb zie a, bɛ taw na lanɩ pìir.

Zʋkpaɩ 31:21

Ʋ bɛ zɔrɛ ƴawr a ʋ yir dem ƴãw ɛ, bʋ̃ʋ n'ʋ vɛ̃, bɛ za mɩ́ su na dɔwlɩ taa.

A Lãw-mʋɔlɛ 1:11

A ʋ nɩbɛ za kone na, bɛ bɔbr'ɩ bʋ̃-dɩrɩ. Bɛ de nɩ a bɛ bʋ̃-vɩɛlɩ bɛ na tɩ tɛr a tɛw nɩ bʋ̃-dɩrɩ, kɛ́ bɛ tʋ̃ɔ́ dɩ lɛb páw fãw. A Zerizalɛm yere na: «Sore e, nyɛ̃ a lɛ bɛ na yàalɛ mɛ̃ a.»

Luka 15:16

A bie tɩ tɩɛrɛ na k'ʋʋ nãá nɩ̃ɛ mɩ́ páw a tɩ-wɔmɛ al a dobaar na mɩ́ 'wɔbr a, 'wɔb paal a nyagɛ, ɛ́ nɩr za bɛ mɩ́ tɩ kʋ̀ ʋ ɛ.

Luka 16:19

«Nɩr kãw tɩ be n be kpɛ naalʋ yaga. Ʋ tɩ suur'ɩ fɔbr-vɩɛlɩ vɩɛlɩ, a dàarʋ na kpɛmɛ a, ɛ́ dɩrɛ cuw bʋ̃-dɩ-kãánɩ bibi-vɩɛrɩ za.

Luka 7:25

Bʋ̃ʋ n'ʋ nyɩ cen tɩ nyɛ̃ mɔ̃? Nɩr na su dɛpaal-bome a n'ʋ ʋ? Ɛcɛ a dɛpaal-kpar-suurbɛ nɩ a nʋ̃ɔ̀-wonbɛ a, na-mɩnɛ yie pʋɔ n'a bɛ mɩ́ kpɩɛr.

1 Timote 5:6

Ɛcɛ a ʋl na tɩɛrɛ a nʋ̃ɔ̀ wob tɛwr a, ʋlɛ saa cãà vʋʋrɛ a, ʋʋ kpi na.