A Lãw-mʋɔlɛ 2:9 - A SƐB-SÕW

⁹ A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

A Lãw-mʋɔlɛ 2:9 Iomraidhean Croise

2 Na-mɩnɛ 25:7

Bɛ tɩ kʋ n a Sedesɩasɩ bidɛbr a ʋ mimirí. Al pùorí a Nabikodonozɔɔr ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn.

2 Bibie za yel-manɩ 15:3

A daar bɛ gbʋ́r ɛ, a Ɩsɩrayɛl nɩbɛ na bɛ tɛr a Naaŋmɩn-sɩza a ɩ, bɛ tɛr bàwr-maalbɛ bɛ na wul bɛ ɩ, bɛ tɛr a Wulu ɛ.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Sɛb-sõw yielu 74:9

Tɩ bɛ mɩ́ cãà nyɛ̃ a bãwfʋ na wul kɛ́ fʋ be n ka a ɩ, ƴɛ̀r-manbɛ bɛ cãà be ɩ, ɛ́ nɩr za a tɩ pʋɔ bɛ bãw debor'a a na cɛlɩ tɩ ta a ɩ.

Ɩzayi 24:12

A tẽ-kpɛ̃ɛ cɛ nɩ deboru tɛwr, a dɩ̃dɔr dacine ŋmɛr'a, ʋ sãw.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 23:16

À ŋá n'a a Sore, a kpɛnʋ-za-sob yere: «Nyɩ ta bɛrɛ wone a naaŋmɩn-ƴɛ̀r-manbɛ bɛ ŋa ƴɛ̀rʋ ɛ, bɛ bɛlɛ nyɩ na. A yele bɛ na yere kʋ̀rɛ nyɩ a ɩ n a bɛl mɩŋa pʋ-tɩɛrʋ, a bɛ yi a mãa zie ɩ.

Zeremi 39:2

A Sedesɩasɩ naalʋ-dɩb yome pie nɩ been sob, a cuwr piwaɩ sob daar a, a Babɩlɔn tẽw dem tɩ ŋmɛ n a tẽ-kpɛ̃ɛ dacin puo.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Zeremi 52:14

A Babɩlɔn tẽw sojarɩ, na tɩ bɩɛlɛ a nãà gùrbɛ nɩ-kpɛ̃ɛ a, tɩ da n a dacĩ-bɛrɛ na viiri koli a Zerizalɛm a lɔb.

A Lãw-mʋɔlɛ 1:3

Vĩ nɩ gbãgba-tuo pʋɔ n'a bɛ diwr a Zuda tẽw nɩbɛ za cere nɩ. Bɛ kpɩɛr'ɩ nɩ-bʋʋr-yoru sɔgɔ, ɛ́ bɛ nyɛrɛ zie na zɩ̃ ɛ. A bɛlɩ dem za na tɩ diwr bɛ a páw bɛ nɩ zie vo-yira na bɛ ka be a.

A Lãw-mʋɔlɛ 4:15

Bɛlɛ wa waar a, a nɩbɛ mɩ́ cɩɩrɛ na: «Nyɩ taw zãá! Bɛ ɩ n nɩ-dɛgɛ! Nyɩ taw zãá! Nyɩ taw zãá! Nyɩ taa tʋɔr bɛ ɩ!» Bɛ zɔrɛ na ɛ́ bɛ bãw ʋlɩ zie nɛ bɛ na na cen a ɩ. Ɛcɛ a nɩ-bʋʋr-yoru yere na: «Bɛ kʋ̃ tʋ̃ɔ́ be a tɩ zie ka ɩ.»

A Lãw-mʋɔlɛ 4:20

A sob nɛ na tɩ so kɛ̀ tɩ vʋʋrɛ a, a nɩr nɛ a Sore na tɩ ƴãw bɛ cir a kãá ƴãw a zũú a lo n a bɛ bɛrɩ pʋɔ. A ʋl ƴɛ̀rʋ n'a tɩ mɩ́ tɩ ƴɛ̀r à ŋá: «A ʋ gub zũú a, tɩ na vʋʋrɛ nɩ a nɩ-bʋʋr-yoru sɔgɔ.»

Ezekɩɛl 12:13

A mãa Sore, ɩ̃ na ƴãw ʋ nɩ bɛra, nyɔw ʋ. Ɩ̃ na tɛr ʋ na cen nɩ a Babɩlɔn tẽw, ɛcɛ ʋ kʋ̃ nyɛ̃ a tẽ-kpɛ̃ɛ ŋa ɩ. A be n'a ʋ na tɩ kpi.

Ezekɩɛl 17:20

Ɩ̃ na ƴãw ʋ nɩ bɛra nyɔw ʋ. Ɩ̃ na tɛr ʋ na cen nɩ a Babɩlɔn tẽw tɩ dɩ n ʋ ƴɛ̀rʋ ƴãw ʋ dɔwrʋ, ʋ na bɛ tu m ɛ́ lɛb pùor a zũú.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

A naaŋmɩn-ƴèr-manɛ Oze sɛbɛ 11:6

Zɛbr na be n a bɛ ten pʋɔ, zɛbr na sãw nɩ a bome al na gù bɛ a bɛr, ɛ́ sãw bom za bɛr, a lɛ bɛ na tɩɛrɩ a na bɛ vɩɛl a ƴãw.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Amɔsɩ 1:5

A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr, a nãà ʋl na be a faalʋ bà-fʋɔla pʋɔ a, ɩ̃ na ír ʋ na, ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a. Lɛ n'a bɛ na diw a Aram tẽw dem cen nɩ Kɩ́ɩ̀r tẽw.» A Sore n'ʋ yel.

Wulu-ayi-sob 28:36

A Sore na ɩ na, nyɩɩm nɩ a nyɩ nãà nyɩ na na kaa ír a, nyɩ cen nɩ-bʋʋrɛ pʋɔ nyɩɩm nɩ a nyɩ sãàkʋm-kore na bɛ bãw a, ɛ́ nyɩ na tɩ puore nɩ ŋmɩn-yoru a be: dàar nɩ kʋsɛbɛ dasuli.

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

1 Samɩɛl 28:6

Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.