A Lãw-mʋɔlɛ 2:2 - A SƐB-SÕW

² A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

A Lãw-mʋɔlɛ 2:2 Iomraidhean Croise

A Zɔb sɛbɛ 2:3

A Sore lɛb sowr'ʋ: «Mɛ̃ fʋ taa nyɛ̃ a ɩ̃ tõ-tõ-bie Zɔb? Ʋ bɛ tɛr ʋ tɔ a tẽw zu ɛ. Nɩr na bɛ tɛr sãwna ɛ́ tuur yel-mɩŋa a n'ʋ, ʋ ƴãwnɛ mɛ̃ na, ɛ́ bɛ pɩɛlɛ ɩ-faa ɩ. Ʋ cãà na tu a ʋ yel-mɩnʋ. Zawla lɛ n'a fʋ dɔ ƴãw k'ɩ̃ɩ kʋ ʋ.»

Sɛb-sõw yielu 21:9

Nãà a, fʋ na páw nɩ a fʋ dɔ̃ dem za, fʋ bɛ bɔbr a bɛlɩ dem na hɩ̃ɛn fʋ a guur ɛ.

Sɛb-sõw yielu 74:7

Bɛ nyɩw nɩ a fʋ zi-sõw bɛr, bɛ da n a fʋ kpɛb zie lɔb ɛ́ dɛw ʋ bɛr.

Ɩzayi 22:5

Bʋ̃ʋ n'ʋ vɛ̃, a dɩ̃a bibir a, a Sore ɩ na a ɩ zɔ-ŋmɛ-taa, nɩbɛ bɛ na zɛb tʋ̃ɔ́ a nɩ pʋl-vʋ̃ɔ.» A yel-nyɛra fʋɔla pʋɔ a, dacĩ-kpɛ̃ɛ 'law na lo, cɛlsɩ ŋmɩɛr'a dúor a tan lowr.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Ɩzayi 25:12

A fʋ dacine ziir al bɛ na cɔbrɩ a kpɛmɛ a zɛbr ƴãw bɛ tɛr tab a, Mowab i, a Sore lɔb a na, ʋ da a na lɔb, ʋ ɩ na a siw gã tẽw, a uuru pʋɔ.

Ɩzayi 26:5

Bʋ̃ʋ n'ʋ vɛ̃, ʋ bili nɩ a bɛlɩ dem na kpɩɛr a zi-kɛrɩ zu a bɛr bɛ siw tɩ lo. Ʋ dáa nɩ a tẽ-kpɛ̃ɛ na bɛ tɛr tab a lɔb, ʋ dáa ʋ na lɔb a tẽw, ɛ́ ɩ k'ʋ tɔ a tanɛ.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Zeremi 13:14

Ɩ̃ na mɩ́ nyɔw nɩ ŋa va n ŋa, va bɛ kar kar, a sãà mɩnɛ lãwnɩ a bibiir, a Sore n'ʋ yel. Ɩ̃ bɛ cɩ́ɛr nɩr bɛrɛ ɩ. Nɩbaal-zɔba kãw za kʋ̃ piw mɛ̃ sɔ́r ɩ̃ bɛ sãw bɛ bɛr ɛ.»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

A Lãw-mʋɔlɛ 2:21

A pɔlbili nɩ a dɛb-nyamɛ lo na gã gã a sɛ́ɛ zu. A zɛbr-sɔ-kpɛ̃ɛ kʋ n a ɩ̃ pɔwsɩrali nɩ a ɩ̃ pɔlbili. A fʋ suur bibir a, fʋ kʋ bɛ na, fʋ ŋmaarɩ bɛ nɩ a kɔkɛɛ bɛ zɔ n nɩbaalʋ ɛ.

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

A Lãw-mʋɔlɛ 3:43

A fʋ suur na tɩ pili pàw fʋ a zũú a, fʋ ta na tu tɩ ɛ́ kʋ tɩ faa faa bɛ zɔ n nɩbaalʋ ɛ.

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

Ezekɩɛl 7:4

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraalɛ. Lɛ n'a nyɩ na sàw k'ɩ̃ɩ ɩ n a Sore.

Ezekɩɛl 7:9

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraa lɛ. Lɛ n'a nyɩ na sàw k'ɩ̃ɩ ɩ n a Sore na dɔwrɛ nyɩ a.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Ezekɩɛl 9:10

A na ɩ à ŋá a, mãa a, ɩ̃ kʋ̃ tɛr mimi-baalʋ a bɛ ƴãw ɛ, ɩ̃ kʋ̃ zɔ nɩbaalʋ ɛ. Ɩ̃ na ɩ n a faa bɛ na maalɩ a, a lɛb lo a bɛ zu.»

Mise 5:14

A ɩ̃ su-yãyaar na ìr'a, ɩ̃ na yáa nɩ a san a nɩ-bʋʋrɛ bɛl na bɛ sàw a ɩ̃ nʋɔr a zu.»

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.

Matie 18:33

A mɩ̀ bɛ tɩ fɛr kɛ́ fʋ zɔ a fʋ tɔ sob nɩbaalʋ mɛ̃ a lɛ ɩ̃ na zɔ a fʋ nɩbaalʋ a ɩ?”

2 Korɛ̃tɩ 10:4

A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

Wulu-ayi-sob 28:52

Bɛ na wa jil'a koli nyɩ, a tẽw a Sore nyɩ Naaŋmɩn na na kʋ̀ nyɩ a tẽ-bɛrɛ za pʋɔ. Bɛ na zɛb'ɩ nyɩ na ɛ́ gù a dacĩ-bɛrɛ al pùor nyɩ na be manɛ kɛ́ bom bɛ ɩrɛ nyɩ a tɩ lo.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.