A Lãw-mʋɔlɛ 1:3 - A SƐB-SÕW

³ Vĩ nɩ gbãgba-tuo pʋɔ n'a bɛ diwr a Zuda tẽw nɩbɛ za cere nɩ. Bɛ kpɩɛr'ɩ nɩ-bʋʋr-yoru sɔgɔ, ɛ́ bɛ nyɛrɛ zie na zɩ̃ ɛ. A bɛlɩ dem za na tɩ diwr bɛ a páw bɛ nɩ zie vo-yira na bɛ ka be a.

A Lãw-mʋɔlɛ 1:3 Iomraidhean Croise

2 Na-mɩnɛ 25:11

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a, cen nɩ a Babɩlɔn: a bɛl na de bɛ tʋɔra kʋ̀ a Babɩlɔn tẽw nãà a, nɩ a nɩbɛ na cɛ a.

2 Na-mɩnɛ 25:21

A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

2 Na-mɩnɛ 25:4

a Babɩlɔn tẽw dem tɩ ŋmɛ n a tẽw dacĩ-kpɛ̃ɛ puo. A Zuda tẽw sojarɩ tɩ yi n a tɩ̃ɩsɔw zɔ. A Babɩlɔn tẽw dem na saa tɩ jil a Zerizalɛm a, bɛ tɩ tu n a dɩ̃dɔr na be a dacĩ-bɛrɛ ayi na pɩɛlɩ a nãà zaadɛ̃ a cará yi. A Sedesɩasɩ tɩ de nɩ a sɔ́r na cere a Zurdɛ̃ fʋɔlá a.

2 Na-mɩnɛ 25:5

Ɛcɛ a Babɩlɔn tẽw dem sojarɩ tɩ ta na tu ʋ, tɩ páw ʋ Zeriko tɩ̃talɩ́. A ʋ zɛbr-nɩbɛ za tɩ zɔ na yaarɩ kɛ́ bɛr ʋ.

Zeremi 13:19

A Negɛɛvʋ tẽ-bɛrɛ za pàw na, nɩr za bɛ cãà yuore a pamɛ ɩ. Bɛ diw nɩ a Zuda nɩbɛ za cen nɩ tẽ-yũo, bɛ za kpɛ̃lɛ̃kpɛ̃lɛ̃ nɛbɛ bɛ diw cen nɩ.»

Zeremi 16:16

A Sore yere na: «Ɩ̃ na tõ n zʋm-nyɔwrbɛ yaga bɛ tɩ nyɔw bɛ. Al pùorí ɩ̃ tõ nabawlbɛ yaga bɛ tɩ bawlɩ bɛ a tan zu, a tãli zu tɩ lãwnɩ a pie bɔwrɩ pʋɔ.

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 39:9

Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Zeremi 52:15

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a cen nɩ a Babɩlɔn: nan dem yie a mɩnɛ nɩbɛ nɩ a bɛl na de bɛ tʋɔra kʋ̀ a Babɩlɔn tẽw nãà a, lãwnɩ nuru tõ-tonbɛ na tɩ cɛ a.

Zeremi 52:8

Ɛcɛ a Babɩlɔn tẽw sojarɩ tɩ ta na tu a nãà Sedesɩasɩ, tɩ páw ʋ a Zeriko tɩ̃tal pʋɔ. A ʋ zɛbr-nɩbɛ za tɩ zɔ na yaarɩ ɛ́ bɛr ʋ.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

A Lãw-mʋɔlɛ 4:15

Bɛlɛ wa waar a, a nɩbɛ mɩ́ cɩɩrɛ na: «Nyɩ taw zãá! Bɛ ɩ n nɩ-dɛgɛ! Nyɩ taw zãá! Nyɩ taw zãá! Nyɩ taa tʋɔr bɛ ɩ!» Bɛ zɔrɛ na ɛ́ bɛ bãw ʋlɩ zie nɛ bɛ na na cen a ɩ. Ɛcɛ a nɩ-bʋʋr-yoru yere na: «Bɛ kʋ̃ tʋ̃ɔ́ be a tɩ zie ka ɩ.»

A Lãw-mʋɔlɛ 5:5

A bɛlɩ dem na dɔwrɛ tɩ a bɛ bɛrɛ tɩ ɛ, tɩ bàl'a, ɛ́ pɩ̃ɛnʋ bɛ ka be a tɩ zie ɩ.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.