A Lãw-mʋɔlɛ 1:12 - A SƐB-SÕW

¹² A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

A Lãw-mʋɔlɛ 1:12 Iomraidhean Croise

Sɛb-sõw yielu 88:16

A ɩ̃ bibile daarɩ́ za n'a ɩ̃ ɩ a kpɩɛrʋ nɩr, ɛ́ a ɩ̃ kũu cɛ a kerkerlɛ. A pʋl-vʋ̃ɔ fʋ na ƴãw mɛ̃ a bɛ bɛrɛ mɛ̃ ɩ, ɩ̃ bɛ cãà bãw ŋmɩŋmɩn za n'a ɩ.

Ɩzayi 13:13

Al ƴãw n'a a salom na dam, ɛ́ a tẽsɔw gbiwri a ʋ pɛr zu, a Sore, a kpɛnʋ-za-sob, su-yãyaar ƴãw, a ʋ su-tʋlʋ kpãkpã bibir.

Zeremi 10:19

«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 30:23

A Sore saa-sɛsɛb tarɛ na, a ʋ suur ìr'a. Sɛsɛb na fure lɩɛbɛ nɩ fãw a lo n a nɩ-faar zurú.

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 4:8

A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Zeremi 48:27

Mowab i, lɛb tɩɛrɩ a lɛ fʋ na tɩ ɩrɛ a Ɩsɩrayɛl laar a. Fʋ tɩ ɩ na mɛ̃ fʋ de ʋ na k'ʋ ɩ nyãnyuwe a. Bʋ̃ʋ n'ʋ vɛ̃, fʋ bɛ tʋ̃ɔ́ mɩ́ tɩ ƴɛ̀rɛ a ʋ ƴɛ̀rʋ, ɛ́ ɩrɛ ʋ laar gɔwrɛ nɩ zu ɛ?

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 2:1

'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Matie 24:21

A ʋlɩ daar nɛ a, kpɩɛrʋ kpɛ̃ɛ bɛ na bɛ dãw nyɛ̃ a tẽw íru daar wa tɔ a ƴɛrɛŋa a, na be n be, ɛ́ a pùorí bɛ kʋ̃ lɛb nyɛ̃ a kpɩɛrʋ ŋa tɔ ɩ.