A Lãw-mʋɔlɛ 1:1 - A SƐB-SÕW

¹ 'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

A Lãw-mʋɔlɛ 1:1 Iomraidhean Croise

2 Na-mɩnɛ 23:33

A Faarawɔ̃ Neko tɩ ƴãw ʋ nɩ bamɛ cen nɩ Irivɩla, Hamatɩ tẽw, k'ʋʋ ta cãà dɩrɛ a naalʋ a Zerizalɛm ɛ. A Neko mɩ̀ tɩ ŋmãa nɩ salm-pla kilo túr-ata (3 000) nɩ salm-zɩɛ kilo lɩzɛr'ɩ pie san kʋ̀ a Zuda tẽw.

2 Na-mɩnɛ 23:35

A tɩ fɛr'ɩ a Yoyakim ʋ ƴãw zuru-yar a ʋ naalʋ-tẽw pʋɔ, k'ʋʋ tʋ̃ɔ́ ya a salm-pla nɩ a salm-zɩɛ a Faarawɔ̃ na yel a. Ŋa za na wa ya a ʋ zu-yar a, a Yoyakim de nɩ a salm-pla nɩ a salm-zɩɛ kʋ̀ a Neko.

2 Bibie za yel-manɩ 9:26

Ʋ tɩ so nɩ a na-mɩnɛ za, yi n a Efaratɩ man-kpɛ̃ɛ tɩ sãá nɩ a Filisɩtɛ̃ mɩnɛ tẽw ɛ́ tɩ tɔ a Eziptɩ tẽw.

Ɛsɩdɩrasɩ 4:20

Na-mɩnɛ na kpɛmɛ a tɩ dãw na be a Zerizalɛm so a Efaratɩ gãwn vuo za na be a mʋ̃tɔ̃w-kpɛb-lowr a, a nɩbɛ tɩ yarɛ nɩ yar-bʋʋrɛ bʋʋrɛ nɩ zuru-yar nɩ sɔr-yar kʋ̀rɛ bɛ.

Neemi 5:4

Bɛ mɩnɛ tɩ cãà na yere: «A nãà samɛ yab ƴãw a, a fɛr'a kɛ́ tɩ pɛ̃w libir ƴãw a tɩ póru nɩ a tɩ divɛ̃ tɩɩr póru ƴãw.

Neemi 9:37

A tẽw ŋa bʋ̃-vɩɛlɩ yaga yaga a, a na-mɩnɛ bɛl fʋ na bɛr bɛ so tɩ a tɩ yel-bebe zũú a, bɛlɛ so a. Bɛ ɩrɛ nɩ tɩɩm nɩ a tɩ dʋn lɛ za bɛ na bɔbr a. Kpɩɛrʋ na ta kpɩɛrʋ a pʋɔ n'a tɩ be!»

Sɛb-sõw yielu 122:4

A fʋ zie ka n'a a Ɩsɩrayɛl dɔwlʋ, a Sore dɔwlʋ nɩbɛ dúor waar, kɛ́ bɛ wa puor'ʋ yãanɩ, mɛ̃ a lɛ a na ɩrɛ a Ɩsɩrayɛl tẽw a.

Ɩzayi 14:12

Ŋmɩŋmɩn za n'a fʋ yi a salom zu lo, fʋ̃ʋ, zi-vɩɛ-ŋmar-bir-nyɩwra? Ŋmɩŋmɩn za n'a bɛ lɔb fʋ bɛr a tẽw zu, fʋ̃ʋ na mɩ́ tɩ tʋ̃ɔ́ a nɩ-bʋʋrɛ a?

Ɩzayi 22:2

Bʋ̃ʋ n'ʋ so fʋ ɩ tẽ-kpɛ̃ɛ na ɩ gɔmɛ tɛwr a, tẽ-kpɛ̃ɛ na damnɛ a, tẽ-kpɛ̃ɛ na cɩlɛ ʋ za a? Zɛbr zie bɛ n'a a fʋ nɩbɛ kpi ɛ, zɛbr zie bɛ n'a bɛ kʋ bɛ ɩ.

Ɩzayi 3:26

Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Ɩzayi 49:21

Lɛ n'a fʋ na sowre fʋ tʋɔra: «Ãa n'ʋ kʋ̀ m a bibiir bɛ ŋa za? Ɩ̃ bɛ tɩ tɛr bibiir ɛ, ɛ́ kʋ̃ʋ tʋ̃ɔ́ bɛ dɔw ɛ. Bɛ tɩ diw mɛ̃ nɩ a ɩ̃ tẽw pʋɔ cen nɩ, bɛ tɩ zawrɩ mɛ̃ na bɛr. A bɛ ŋa a, ãa n'ʋ guoli bɛ? Ɩ̃ tɩ be n be ɩ̃ yõ, ɛ́ a bɛl a, nyɩnɛ n'a bɛ tɩ be?»

Ɩzayi 50:5

A Sore Naaŋmɩn yuo mɛ̃ nɩ a tobe, ɛ́ mãa a, ɩ̃ bɛ nàw kpaar ɛ, ɩ̃ bɛ tɩ̃wnɩ yi pùor ɛ.

Ɩzayi 52:2

Mɩr a uuru na pàw fʋ a bɛr. Ìr lɛb de a fʋ àrʋ zie, fʋ̃ʋ Zerizalɛm bɛ na pàw a! Ír a mie bɛr a fʋ kɔkɔrɩ́, fʋ̃ʋ Sɩyɔ̃ tẽw na be gaso pʋɔ a!

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Zeremi 31:7

À ŋá n'a a Sore yere: «Nyɩ lɔbr nʋ̃ɔ̀ cɛlsɩ a Ɩsɩrayɛl ƴãw, nyɩ cɩɩrɛ nɩ nyɩ pʋɔ za a nɩ-bʋʋr-yoru niw-diere ƴãw! Nyɩ ɩ bɛ wone a nyɩ danʋ, ɛ́ nyɩ yere: “Sore e, faa a fʋ nɩbɛ, a Ɩsɩrayɛl nɩbɛ bɛl na cɛ a!”

Zeremi 40:9

A Ahikam bidɛb, Gedalɩasɩ na ɩ a Safan yãw a, tɩ pɔ na yel a zɛbr-nɩbɛ nɩ-bɛrɛ nɩ a zɛbr-nɩbɛ zie à ŋá: «Nyɩ ta zɔrɛ dɛ̃bɩ̃ɛ ɩ, nyɩ sàw a Babɩlɔn tẽw dem nɩ-kpɛ̃ɛnʋ. Nyɩ kpɩɛr a tẽw pʋɔ, ɛ́ tone a Babɩlɔn tẽw nãà tome, ɛ́ a na vɩɛl'ɩ a nyɩ zie.

Zeremi 42:2

a naaŋmɩn-ƴɛ̀r-manɛ Zeremi, ɛ́ yel ʋ à ŋá: «Yãayãa, sàw a tɩ zɛlʋ! Puori a Sore fʋ Naaŋmɩn kʋ̀ a tɩɩm na cãà vʋʋrɛ a. Bʋ̃ʋ n'ʋ vɛ̃, tɩ tɩ yãwmɛ na, ɛcɛ tɩ bɛ lɛb cãà yãwmɛ ɩ, mɛ̃ a lɛ fʋ na nyɛ̃ a.

Zeremi 44:2

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nyɩ nyɛ̃ nɩ a kpɩɛrʋ al za ɩ̃ na ɩ a páw a Zerizalɛm nɩ a Zuda tẽ-bɛrɛ a. A dɩ̃a a, a lɩɛb'ɩ deboru, nɩr bɛ lɛb cãà kpɩɛr a pʋɔ ɩ.

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 50:23

Ŋmɩŋmɩn za n'a? A Babɩlɔn tẽw tɩ ɩ n a 'hama na tɩ ŋmɩɛr a tẽ-daa za ŋmɛrɛ a. Ɛcɛ, ʋlɛ n'ʋ ŋmɛr, ŋmɛr yaarɩ. Ŋmɩŋmɩn za n'a? A nɩ-bʋʋrɛ sɔgɔ a, a Babɩlɔn tẽw lɩɛb'ɩ wɛja-kpalɛ na ɩrɛ nɩbaalʋ a!

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

A Lãw-mʋɔlɛ 1:19

Ɩ̃ tɩ bʋɔl'ɩ a bɛlɩ dem na nɔnɛ mɛ̃ a, ɛcɛ, bɛ tɩ bɛ̀lɩ mɛ̃ na. A ɩ̃ bàwr-maalbɛ nɩ a ɩ̃ yã-wulbɛ tɩ kpi n a tẽ-kpɛ̃ɛ pʋɔ, a lɛn daar bɛ na tɩ bɔbr a bʋ̃-dɩrɩ, kɛ́ bɛ dɩ lɛb páw fãw a.

A Lãw-mʋɔlɛ 2:1

'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

A Lãw-mʋɔlɛ 2:10

A Sɩyɔ̃ tẽ-kpɛ̃ɛ nɩ-kore zɩ̃ n gbili gbili a tẽw. Bɛ 'wɔ̃w nɩ tanɛ ƴãw a zurú, bɛ su n vʋɔrɩ kparɩ. A Zerizalɛm pɔwsɩrali su n zuru.

A Lãw-mʋɔlɛ 4:1

'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son yàar'a pàw a ziir za!

A Lãw-mʋɔlɛ 5:16

Tɩ bɛ cãà tɛr yúor ɛ. Nyɛ̃ baw-bio na páw tɩ a, bʋ̃ʋ n'ʋ vɛ̃, tɩ maal'ɩ yel-bier!

Ezekɩɛl 26:16

A kʋ̃ɔ-kpɛ̃ɛ nʋɔr nɩbɛ na-mɩnɛ na siw nɩ a bɛ naalʋ-dà-kɔwr zu, bɛ na yaa nɩ a bɛ bʋ̃-suur-vɩɛlɩ vɩɛlɩ nɩ a bɛ kpar-mawrɩ bɛr. Bɛ na ɩ n dɛ̃bɩ̃ɛ tɛwr, ɛ́ bɛ na zɩ̃ n tẽsɔw. Bɛ kʋ̃ bɛr a mawfʋ ɛ, ɛ́ pʋl-vʋ̃ɔ na tɛr bɛ nɩ yaga za a fʋ zũú.

Ezekɩɛl 26:2

«A fʋ̃ʋ nɩsaal bie, bɛrɛ wone! A bɛlɩ dem na kpɩɛr a Tɩ́ɩ̀r tẽw a ɩrɛ nɩ a Zerizalɛm laar. Bɛ yere na: “Ha, háa! Bɛ sãw ʋ na bɛr, a tẽ-kpɛ̃ɛ ʋl pʋɔ a nɩ-bʋʋrɛ za na tɩ tuur tɔlɛ a! Tɩɩm n'a cɛ na kpɛ a naalʋ. Bʋ̃ʋ n'ʋ vɛ̃, a Zerizalɛm ɩ n debuo!”

Ezekɩɛl 5:5

À ŋá n'a a mãa Sore Naaŋmɩn yel: Nyɛ̃ lɛ a na na ŋmɛ̃ a Zerizalɛm a. Ɩ̃ tɩ ƴãw ʋ nɩ a nɩ-bʋʋr-yoru sɔgɔ, tẽ-sãanbɛ tɩ viir'a koli ʋ.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”