A naaŋmɩn-ƴèr-manɛ Oze sɛbɛ 4:13 - A SƐB-SÕW

¹³ Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

A naaŋmɩn-ƴèr-manɛ Oze sɛbɛ 4:13 Iomraidhean Croise

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.

2 Na-mɩnɛ 23:7

A Zozɩasɩ mɩ̀ tɩ cãà na ƴãw bɛ ŋmɛr a ziir al na pɩɛlɩ a Sore Ŋmɩn-yir-kpɛ̃ɛ a bɛr, ɛ́ ɩ a dɛ-yɛmɛ nɩ a pɔw-yɛmɛ kpɛb ziir a, a be pɔwbɛ mɩ̀ na mɩ́ tɩ wóbr kparɩ a Asera ƴãwfʋ ƴãw a.

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 57:5

Nyɩ mɩ́ ɩ na a ƴãw cɩrɛ nyɩ a nyɩ maalʋ-ziir tɩɩr pɛr, tɩ-zimpiri za pile. Nyɩ mɩ́ maal'ɩ nɩ bibiir bàwr a fʋɔlɩ pʋɔ, a pìe bɔwrɩ pʋɔ.

Ɩzayi 57:7

Fʋ mɩ́ bin nɩ a fʋ gado tãw za na kɛrɩ a zu. Ɛ́ a be n'a fʋ mɩ́ do kɛ́ fʋ tɩ maalɩ a bàwr.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

Ezekɩɛl 16:16

A maalʋ-ziir fʋ na tɩ yel kɛ́ fʋ cɔbrɩ a vɩɛl a ƴãw a, fʋ de nɩ a fʋ gàn-vɩɛlɩ ɓalɛ ɓalɛ tõ pɔw-yɛm tome a zu. A bɛ tɩ dãw ɩ ɛ, ɛ́ kʋ̃ lɛb ɩ towtow ɛ.

Ezekɩɛl 16:25

A sɔ́r za tib zie a, fʋ mɛ n gboro a fʋ ƴãw, ɛ́ a be a, fʋ sãw nɩ a fʋ vɩɛlʋ bɛr, fʋ de nɩ fʋ tʋɔra kʋ̀ a nɩ-tɔlɩ za, fʋ tõ n pɔw-yɛm tome tɩ dɔwlɩ.

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.

A naaŋmɩn-ƴèr-manɛ Oze sɛbɛ 10:8

Bɛ sãw nɩ a bɛ maalʋ-ziir za bɛr. Alɛ tɩ n'ɩ a Ɩsɩrayɛl yel-bier. Karnyã nɩ gʋʋr na bul'a do a bàwr-maal-kube zu. Lɛ n'a bɛ na yel a tan: «Nyɩ pàw tɩ!», ɛ́ yel a tãli: «Nyɩ lo gùri pàw tɩ!»

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

Amɔsɩ 7:17

À ŋá n'a ʋ yere: “A fʋ pɔw na lɩɛb'ɩ pɔw-yɛm a tẽw pʋɔ. Bɛ na kʋ n a fʋ bidɛbr nɩ a fʋ pɔwyaar. Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie. A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi, ɛ́ bɛ nyɔw a Ɩsɩrayɛl nɩbɛ za cen nɩ tẽ-yũo zãá nɩ a bɛ tẽw.''»