A naaŋmɩn-ƴèr-manɛ Oze sɛbɛ 2:13 - A SƐB-SÕW

¹³ Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

A naaŋmɩn-ƴèr-manɛ Oze sɛbɛ 2:13 Iomraidhean Croise

2 Na-mɩnɛ 1:2

Bibir kãw, a Akazɩasɩ na tɩ be a ʋ nãà yir bɔwpɩɛ pʋɔ, a Samaari a, tɩ yi n a tokoro vʋɔrɩ́ lo, sãw zie faa faa. Lɛ n'a ʋ tɩ tõ nɩbɛ, ɛ́ yel bɛ à ŋá: «Nyɩ cen tɩ sowri a Ekiron tẽ-kpɛ̃ɛ ŋmɩn, Baal-Zebub, nyɛ̃, ɩ̃ na lɛb'a ìr a ɩ̃ bàalʋ ŋa pʋɔ bɩɩ.»

2 Na-mɩnɛ 10:28

À ŋá n'a a Yehu tɩ ɩ a Báàl puoru baarɩ a Ɩsɩrayɛl naalʋ-tẽw pʋɔ.

2 Na-mɩnɛ 21:3

Ʋ tɩ lɛb'a mɛ a maalʋ-ziir a ʋ sãà Ezekɩasɩ na tɩ ŋmɛr bɛr a. Ʋ tɩ mɛ n bàwr-maal-kube a ŋmɩn Báàl ƴãw, ɛ́ bà dà-barɩ mɛ̃ a lɛ a Ɩsɩrayɛl tẽw nãà Akab na tɩ dãw ɩ a. Ʋ tɩ puor'ɩ a salom zu bʋ̃-nyɩwrɩ za, ɛ́ maalɩ a.

A Zɔb sɛbɛ 8:13

À ŋá n'a a bɛlɩ dem na yiire a Naaŋmɩn bɛrɛ a yele mɩ̀ ŋmɛ̃. A nɩ-faar tɩɛrʋ na wɛ na.

Sɛb-sõw yielu 106:13

Ɛcɛ bɛ tɩ yiir'ɩ a ʋ tome bɛr fɔ̃wlɛ, bɛ bɛ tɩ gù ʋ maalɩ a lɛ ʋ na tɩɛrɩ a yele bin a baarɩ ɛ.

Sɛb-sõw yielu 106:21

Bɛ tɩ yiir'ɩ a Naaŋmɩn, bɛ faarɛ, bɛr, ʋl na tɩ maalɩ yel-bɛrɛ a Eziptɩ tẽw a,

Sɛb-sõw yielu 78:11

Bɛ tɩ yiir'ɩ a ʋ gãda-tome, nɩ a nɔ-ɓãa-yele ʋ na tɩ maalɩ bɛ nyɛ̃ a.

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Ɩzayi 65:7

a bɛ sãwna san vla vla, lãwnɩ a bɛ sãàkʋm-kore dem. A bɛ sãàkʋm-kore nyɩw nɩ parfɛ̃ a tan zu, ɛ́ ɩ m la a tãli zu. A na ɩ à ŋá a, ɩ̃ na ɩ na bɛ ya a koro za ɩ-ɩrɩ san vla vla. A mãa, a Sore, mãa n'ʋ yere.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 23:2

À ŋá n'a a Sore, a Ɩsɩrayɛl Naaŋmɩn, yere a dʋ̃-cɩ̃ɩnbɛ bɛ ŋa ƴãw: «Nyɩ bɛr'ɩ a ɩ̃ dʋn a bɔrɛ ɛ́ yaarɛ a ziir za. Nyɩ bɛ kaa a zie ɩ. A lɛ pʋɔ a, a mãa, ɩ̃ na kaa nɩ a nyɩ zie, a faa nyɩ na maalɩ a zũú, a Sore n'ʋ yel!

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

A Lãw-mʋɔlɛ 5:14

A nɩ-kore bɛ cãà cere a tuor-taa zie ɩ, a pɔlbili bɛr'ɩ a bɛ yielu.

Ezekɩɛl 16:12

Ɩ̃ tɩ ƴãw nɩ bãw-vilovilo a fʋ nyʋɔrɩ́, ƴãw tokpamɛ a fʋ tobe ƴãw ɛ́ vɔblɩ fʋ nãà-kpawʋɔ na vɩɛl vɩɛl a.

Ezekɩɛl 16:17

Fʋ de nɩ a salm-zɩɛ nɩ a salm-pla pɩ̃ɛmɛ ɩ̃ na tɩ kʋ̀ b a maal'ɩ ŋmɩn-bɛlɛbɛlɛ na ɩ bʋ̃-daar a, ɛ́ tõ pɔw-yɛm tome a zu.

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.

Ezekɩɛl 23:35

Alɛ n'a so a mãa Sore Naaŋmɩn yere à ŋá: Fʋ na faa yiiri mɛ̃ bɛr, jɛ m bɛr a, fʋ na tuo nɩ a fʋ pɔw-yɛm vĩ-ɩb.»

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 13:1

A Efarayim na mɩ́ tɩ ƴɛ̀rɛ a, dɛ̃bɩ̃ɛ mɩ́ tɩ nyɔw nɩ a nɩbɛ za. A Ɩsɩrayɛl tẽw pʋɔ a, a ʋ yúor tɩ yi na. Ɛcɛ a Bàál ʋ na wa puore a, ʋ sãw na, ɛ́ a ʋ sãwna ŋa kʋ ʋ na.

A naaŋmɩn-ƴèr-manɛ Oze sɛbɛ 13:6

Fʋ na dɛ wa tarɛ a mʋ̃ɔ 'wɔbrʋ zie a, fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a, fʋ ɩrɛ nɩ pɔ̀l-ɩb, alɛ n'a so fʋ yiiri mɛ̃ bɛr.

A naaŋmɩn-ƴèr-manɛ Oze sɛbɛ 2:5

Alɛ bɛ ɩ lɛ, ɩ̃ na yàa nɩ a ʋ bʋ̃-suuri ɛ́ bɛr ʋ ƴã-gã-kpãkpol, ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a! Ɩ̃ na ɩ na ʋ ŋmɛ̃ taa nɩ a wɛja-kpalɛ, ɩ̃ na ɩ na ʋ lɩɛbɩ tẽsɔw-kõw, ɩ̃ na ɩ na ʋ kpi n kʋ̃ɔ-nyúur.»

A naaŋmɩn-ƴèr-manɛ Oze sɛbɛ 2:7

Sɩza n'a, a bɛ mã kʋɔr'ɩ ʋ tʋɔra, a ʋl na dɔw bɛ a, tone nɩ vĩ tome. Ʋ mɩ́ tɩ yel'a: Ɩ̃ na zɔrɛ na tuur a ɩ̃ sɛnbɛ, a bɛl na kʋ̀rɛ mɛ̃ a dipɛ̃ nɩ a kʋ̃ɔ a, a pi-kɔblʋ pɛnɛ nɩ a lɛ̃ fomie pɛnɛ a, a kãá nɩ a divɛ̃ a.

A naaŋmɩn-ƴèr-manɛ Oze sɛbɛ 4:13

Tan zu n'a bɛ mɩ́ do tɩ maalɩ a bàwr. Tãli zu n'a bɛ nyɩwr a tɩ-suur-zɔ̃-na-nyùur-vla-vla-a. Sɛn, pepilie nɩ terebɛ̃tɩ tɩɩr ɓaarʋ na maalɩ a al ƴãw a pile n'a bɛ mɩ́ be. Lɛ so a nyɩ pɔwyaar na ɩrɛ mɛ̃ pɔw-yɛmɛ a, ɛ́ a nyɩ biir-pɔwbɛ tone pɩ̃ɔ yel-bier tome.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Wulu-ayi-sob 32:18

Yel-mɩŋa za, Ɩsɩrayɛl i, fʋ bɛr'ɩ a fʋ pì-kpɛ̃w, a ʋl na dɔw fʋ a, fʋ yiir'ɩ a Naaŋmɩn na kʋ̀ fʋ a nyɔ-vʋʋrʋ a bɛr!

Wulu-ayi-sob 6:12

nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.

Ƴɛ̀r-dɩrbɛ 3:7

A Ɩsɩrayɛl nɩbɛ tɩ ɩ na a bɛ pɛlɩ a Sore pʋɔ ɩ: bɛ tɩ yiir'ɩ a Sore bɛ Naaŋmɩn bɛr, ɛ́ puore a Báàl mɩnɛ nɩ a Asera mɩnɛ.

1 Samɩɛl 12:9

Ɛcɛ bɛ tɩ yiir'ɩ a Sore bɛ Naaŋmɩn bɛr, lɛ n'a ʋ tɩ bɛr bɛ kʋ̀ a Hasɔɔr sojarɩ nɩ-kpɛ̃ɛ, Sɩsera, nɩ a Filisɩtɛ̃ mɩnɛ nɩ a Mowab nãà, bɛ zɛb'ɩ bɛ.