1 A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.
A Asiiri tẽw nãà, Pul, tɩ kpɛ na so a Ɩsɩrayɛl tẽw. Lɛ n'a a Menahɛm tɩ kʋ̀ ʋ salm-pla tɔn lɩzɛr'ɩ pie, k'aa Pul sõw ʋ, ʋ zɩɩlɩ a ʋ naalʋ ʋ kpɛmɛ.
Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.
A divɛ̃ tɩɛ sɛl'ɩ vla, ɛcɛ ʋ kʋ̃ tʋ̃ɔ́ baa ɩ. A saa-pɛrɩ́ sɛsɛb wa fu a ʋ zu a, ʋ na ko n ʋ za kpɛ̃lɛ̃kpɛ̃lɛ̃. Ʋ na ko n a tẽsɔw ʋl zu ʋ na tɩ sɛw k'ʋʋ bul a!”»
Ɛcɛ ɩ̃ kʋ̃ bɛr a ɩ̃ suur ìr ɛ, ɩ̃ kʋ̃ lɛb wa wa sãw a Efarayim bɛr ɛ, bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ, a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»
«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»
A Efarayim nyɛ̃ nɩ a ʋ bàalʋ, ɛ́ a Zuda nyɛ̃ a ʋ gbõtor. Efarayim cen nɩ a Asuur zie, ʋ tõ n nɩbɛ a na-kpɛ̃ɛ zie. Ɛcɛ, a nãà ŋa kʋ̃ tʋ̃ɔ́ sanɩ nyɩ ɛ, ʋ kʋ̃ tʋ̃ɔ́ ɩ a nyɩ gbõtor ɓãá ɩ, Efarayim yir dem i!
A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.
Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.