A naaŋmɩn-ƴèr-manɛ Oze sɛbɛ 11:11 - A SƐB-SÕW

¹¹ Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 11:11 Iomraidhean Croise

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 60:8

Tẽbowle n'ɩ a nɩbɛ bɛ ŋa na mɩ́ ƴáw mɛ̃ zũzuwr a, mɛ̃ naŋmamɛ na ƴáwr cere a kpɛb zie a?

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Ezekɩɛl 34:27

A tɩɩr na mɩ́ wɔ̃ n wɔmɛ, a tẽsɔw na mɩ́ tɩr'ɩ a ʋ bʋ̃-dieri. Ŋa za na mɩ́ vʋʋrɛ nɩ nɩ ƴã-ɓaarʋ a tẽw pʋɔ. Ɩ̃ na kár'ɩ bom za na dine a ɩ̃ nɩ-bʋʋrɛ nɩbɛ a bɛr. Ɩ̃ na faa bɛ nɩ a bɛlɩ dem na ƴãwnɛ bɛ a gbãgbaalʋ pʋɔ a nuru pʋɔ. A lɛn daar a, bɛ na bãw na kɛ́ mãa n'ɩ a Sore.

Ezekɩɛl 34:28

A sãanbɛ kʋ̃ lɛb fa bɛ ɩ, a wɛ-dʋn kʋ̃ lɛb 'wɔb bɛ ɩ. Bɛ na vʋʋrɛ nɩ nɩ ƴã-ɓaarʋ, ɛ́ nɩr za kʋ̃ lɛb ɩ bɛ bɛ maw ɛ.

Ezekɩɛl 37:21

Al pùorí, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, ɩ̃ na ír nyɩ nɩ a nɩ-bʋʋrɛ bɛl sɔgɔ nyɩ na cen a. Ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

A naaŋmɩn-ƴèr-manɛ Oze sɛbɛ 7:11

A Efarayim ŋmɛ̃ na mɛ̃ naŋmam na bɛ tɛr yã bɛ mɩ́ bɛlɩ nyɔw mɔlɛ lɛ a: ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ, ɛ́ mɩ́ zɔ cen Asiiri tẽw.

Abɩdɩasɩ 1:17

Lɛ n'a a nɩbɛ na cɩ̃ɛ a na nyɛ̃ sɔwlʋ zie a Sɩyɔ̃ tãw na na lɛb lɩɛbɩ tã-sõw a zu. A Zakɔb bʋʋrɛ na lɛb'a de a bɛ tẽw, a bɛlɩ dem na tɩ faa ʋ a zie.

Zakari 10:10

Ɩ̃ na tɛr bɛ nɩ a Eziptɩ tẽw lɛb wa n, ɩ̃ na tɛr bɛ nɩ a Asiiri tẽw lɛb wa ɓã bɛ taa, ɩ̃ mɩ̀ na tɛr bɛ na cen nɩ Galaadɩ tẽw nɩ Libã tẽw, ɛcɛ a be mɩ̀ a, a vuo kʋ̃ saalɩ bɛ ɩ.

Zakari 8:7

Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»