Ɛsɩdɩrasɩ 9:3 - A SƐB-SÕW

³ Ɩ̃ na tɩ wõ a ƴɛ̀r-bie á ŋá a, ɩ̃ tɩ taw nɩ a ɩ̃ kpar-kpɛ̃ɛ nɩ a ɩ̃ kparɩ cɩɛrɩ, ɩ̃ taw nɩ a ɩ̃ zukɔbɛ nɩ a ɩ̃ tɩɛm kɔblʋ a mɩnɛ vɔ̃, ɛ́ dɛ bʋnɩ zɩ̃.

Ɛsɩdɩrasɩ 9:3 Iomraidhean Croise

2 Samɩɛl 1:11

A Daviir tɩ taw nɩ a ʋ bʋ̃-suuri cɩɛrɩ. A bɛlɩ dem za na tɩ be a ʋ zie a mɩ̀ ɩ a lɛ.

2 Na-mɩnɛ 18:37

Al pùorí, a Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a, a sɛ-sɛbrɛ Sevina nɩ a Asafʋ bidɛb, Yoa, na mɩ́ ƴɛ̀rɛ a nãà yúor ƴãw a, tɩ taw nɩ a bɛ kparɩ cɩɛrɩ. Ɛ́ lɛb wa a Ezekɩasɩ zie wa manɩ a lɛ a Asiiri tẽw dem sojarɩ nɩ-kpɛ̃ɛ, na mɩ́ be a nãà zie a, na yel a, kʋ̀ ʋ.

Neemi 1:4

Ɩ̃ na tɩ wõ a yele á ŋá a, ɩ̃ zɩ̃ na kone. Pʋ-sãwna tɩ tɛr mɛ̃ nɩ bibi-yaga, ɩ̃ɩ tɛr a mʋta-tuo. Ɩ̃ tɩ nyɔw nɩ a Naaŋmɩn na be a salom zu a puoru,

Neemi 13:25

Ɩ̃ tɩ yere bɛ na, ɛ́ ŋmɛ ƴãw bɛ. Ɩ̃ mɔ̃ mɩ̀ tɩ pɔb'ɩ a dɛbr bɛ mɩnɛ ɛ́ taw a bɛ zukɔbɛ vɔ̃. Al pùorí, ɩ̃ ƴãw bɛ pɔ n a Naaŋmɩn yúor kɛ́ bɛ kʋ̃ lɛb kʋ̀ a bɛ pɔwyaar nɩ-bʋʋr-yoru nɩbɛ bɛ kul ɛ, ɛ́ mɩ̀ kʋ̃ lɛb de nɩ-bʋʋr-yoru pɔwyaar a bɛ bidɛbr ƴãw bɩɩ a bɛl mɩŋa ƴãw ɛ.

A Zɔb sɛbɛ 1:20

Lɛ n'a a Zɔb tɩ ìr, taw a ʋ kpar-kpɛ̃ɛ cɩɛrɩ ɛ́ fɔr a ʋ zu, ɛ́ gbĩ dume gũu tɩ tɔ tẽw

Sɛb-sõw yielu 119:53

Suur za mɩ́ kʋrɛ mɛ̃ nɩ a nɩ-faar ƴãw, na mɩ́ zawrɩ a fʋ wulu bɛr a.

Sɛb-sõw yielu 143:4

Ɩ̃ bàl'a, a bɛ lɛb tɛr mɛ̃ ɩb za ɩ.

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Ɩzayi 15:2

A nɩbɛ do n a ŋmɩn-yir, a Divon nɩ a maalʋ-ziir kɛ́ bɛ tɩ kõ. A Mowab tẽw dem kone nɩ lãw-mʋɔlɛ Nebo nɩ Medeva. A zuru za fɔr fɔr a, ɛ́ a tɩ̃ɛmɛ za põ.

Zeremi 36:24

A nãà nɩ a ʋ tõ-tõ-bi-bɛrɛ za tɩ wõ n a ƴɛ̀rʋ á ŋá za vla. Ɛcɛ a bɛ tɩ ɩ bɛ dɛ̃bɩ̃ɛ ɩ, ɛ́ bɛ bɛ tɩ wul pʋ-sãwna kãw za ɩ.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Ezekɩɛl 3:15

Ɩ̃ tɩ ta n Tɛl-Avɩvʋ, a nɩ-diw-ceni na tɩ zɩ̃ a Kebaar man nʋɔr a zie. Ɩ̃ tɩ kpɛ n a bɛ pʋɔ bibie ayopõi, gem ɩ̃ za.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Levitɩ mɩnɛ 21:5

«A bàwr-maalbɛ wa tɛr kuor a, bɛ bɛ fɔrɛ a bɛ zu-sɔwlɩsɔw bɛrɛ ɩ, bɛ bɛ pòne a bɛ tɩɛm kõkowe ɛ́ bɛ cɩ̀rɛ a bɛ ƴã-gamɛ ɩ.

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Zozue 7:6

Lɛ n'a a Zozue nɩ a Ɩsɩrayɛl nɩbɛ nɩ-kore tɩ taw a bɛ bʋ̃-suuri cɩɛrɩ, ɛ́ 'wɔ̃w tanɛ ƴãw a bɛ zurú, ɛ́ lo vɔblɩ muru a Sore wõ-taa daga niŋé tɩ ta n zaanʋɔra.