Efɛɛzɩ 5:2 - A SƐB-SÕW

² Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Efɛɛzɩ 5:2 Iomraidhean Croise

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Eziptɩ tẽw yib 29:18

Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a.

Eziptɩ tẽw yib 29:25

Fʋ na lɛb'a de a, a pùorí, a bɛ nuru pʋɔ, nyɩw a bɛr a bàwr-maal-kuur zu, a nyɩw-a-za-bàwr bome zu: ʋ na ɩ n bàwr ɩ̃ na nɔnɛ a zʋ̀ʋ́r nyũu a.

Levitɩ mɩnɛ 1:13

Bɛ na pɛ́w nɩ a púor nɩ a nyagɛ nɩ a gbɛ́ɛ. Lɛ n'a bàwr-maalɛ na de a tur kʋ̀ a Sore, al pùorí ʋ nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:17

Ʋ na mɩ́ nyɔw nɩ a bʋ̃-pɩgɛ a bɩgɛ ƴãw ɛ́ ɓar, ɛ́ ta taw ɓɛl ziir ayi ɛ. Al pùorí, ʋ nyɩw ʋ bɛr a vũu na dɩrɛ a bàwr-maal-kuur zu a pʋɔ. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:9

Bɛ na pɛ́w nɩ a dʋ̃w púor nɩ a nyagɛ nɩ a gbɛ́ɛ, ɛ́ bàwr-maalɛ kãw nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 3:16

A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.» «A Sore so a zi-kãánɩ za.

Amɔsɩ 5:21

Ɩ̃ bɛ nɔnɛ a nyɩ zi-sõw cenu ɛ, ɩ̃ jewre nɩ a cenu á ŋá. A nyɩ ɓã-taar bɛ ɩrɛ mɛ̃ nʋ̃ɔ̀ kãw za ɩ.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Zã 13:34

Ɩ̃ ƴãwnɛ nɩ nɔ-paala kʋ̀rɛ nyɩ: nyɩ nɔnɛ taa. Mɛ̃ a lɛ ɩ̃ na nɔ̃w nyɩ a, a nyɩɩm mɩ̀, nyɩ nɔnɛ taa.

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

Ʋrɔm 8:37

Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

1 Korɛ̃tɩ 16:14

Nyɩ ɩrɛ bom za nɩ nɔ̃wfʋ.

1 Korɛ̃tɩ 5:7

Nyɩ so a dãbɩl-kʋra dɛwr bɛr, tʋ̃ɔ́ ɩ zɔ̃-bu-paala bɛ na bɛ ƴãw dãbɩl a. Bʋ̃ʋ n'ʋ vɛ̃, a Kɩrɩta na ɩ a tɩ Pakɩ pele a, bɛ kʋ ʋ na.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 2:15

Sɩza n'a, a Naaŋmɩn zie a, tɩ ɩ na mɛ̃ parfɛ̃ na nyuur vla a Kɩrɩta de kʋ̀rɛ a Naaŋmɩn a. Tɩ ɩ n a lɛ a bɛlɩ dem na be a faafʋ sɔ́r zu a ƴãw, nɩ a bɛlɩ dem na bɔrɛ a ƴãw.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 1:4

Ʋ bɛ tɩ ír a tẽ-daa sɛr ɛ, ɛ́ de niwn kaa ír tɩ a Kɩrɩta ƴãw, kɛ́ tɩ wa lɩɛbɩ nɩ-son na bɛ tɛr sãwna bɛ yere a, a ʋ nɔ̃wfʋ pʋɔ, a ʋ niŋé.

Efɛɛzɩ 3:17

Ʋ sàw a Kɩrɩta kpɩɛr a nyɩ socie pʋɔ. A nyɩ naaŋmɩn-sàwfʋ zũú, nyɩ tɛ nyɩgɛ ɛ́ kpɛmɛ a nɔ̃wfʋ pʋɔ.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Efɛɛzɩ 4:15

Tɩmɛ nɩ̃ɛ wa yere a yel-mɩŋa nɩ nɔ̃wfʋ a, tɩ na kɛrɛ nɩ a yele za pʋɔ tarɛ a Kɩrɩta na ɩ a zu a.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Efɛɛzɩ 5:15

A na ɩ à ŋá a, nyɩ tɛr maal-ɩb a nyɩ cenu pʋɔ: nyɩ ta cere mɛ̃ dãbole a ɩ, nyɩ cere mɛ̃ yã-bãwnbɛ

Efɛɛzɩ 5:25

Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a.

Wulu-ayi-sob 27:6

Kʋsɛbɛ bɛ na bɛ pɛnɩ a tɛwr'a nyɩ na mɛ n ʋ. Nyɩ na maal'ɩ nyɩw-a-za-bagɛ kʋ̀ a Sore a bàwr-maal-kuur ŋa zu.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Kɔlɔsɩ 3:14

Ɛcɛ baa zuo a za, nyɩ de a nɔ̃w-taa bin a nyɩ sɔgɔ, ʋlɛ n'ʋ mɩ́ kʋ a yele za nʋɔr a vɩɛl bɛ cɛ ɩ.

1 Tesalonikɩ 4:9

A yɛbr nɔ̃wfʋ ƴãw a, a bɛ tɛr kɛ́ bɛ sɛbr nyɩ ɛ, bʋ̃ʋ n'ʋ vɛ̃, nyɩɩm mɩŋa zànɩ nɩ a Naaŋmɩn zie a lɛ nyɩ na na nɔnɛ taa a,

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 8:3

Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Ebre 9:23

A tɩ fɛr'a kɛ́ bɛ mɩ́ tu à à ŋá, a saa-zu yele dasuli á ŋá lɛb vɩɛl. Ɛcɛ a saa-zu yele tɛɛ za bɔbr'ɩ bàwr na vɩɛl zuo a.

Ebre 9:26

Alɛ bɛ ɩ lɛ, a nãá fɛr'a ʋ wõ tuo gb'aa yaga, a lɛn daar a tẽ-daa na tĩ kɛ́ be a. Ɛcɛ, gb'a been daadaa n'a, a daar na wa ta a, ʋ sãá a ƴɛrɛŋa, k'ʋʋ de ʋ mɩŋa maal'ɩ bàwr ír a yel-bier bɛr.

1 Pɩɛr 4:8

Ɛ́ baa zuo a za, nyɩ nɔnɛ taa yaga za, a nɔ̃wfʋ mɩ́ piwl'ɩ yel-bebe na bɛ tɛr vuo a.

1 Zã 3:16

Yel ŋa pʋɔ n'a tɩ bãw ʋlɩ bom nɛ na n'ɩ a nɔ̃wfʋ a: a Yeezu de nɩ a ʋ nyɔ-vʋʋrʋ tɩr a tɩ ƴãw. A na ɩ lɛ a, a tɩɩm mɩ̀, a fɛr'a kɛ́ tɩ mɩ̀ mɩ́ de a tɩ nyɔ-vʋʋrʋ tɩr a tɩ yɛbr ƴãw.

1 Zã 3:23

Ɛ́ a nʋɔr ʋ na ƴãw kʋ̀ tɩ a n'ɩ ŋa: kɛ́ tɩ sàw de a ʋ Bie Yeezu Kɩrɩta, ɛ́ nɔnɛ taa mɛ̃ a lɛ a Kɩrɩta na ƴãw a nʋɔr kʋ̀ tɩ a.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.