Efɛɛzɩ 1:3 - A SƐB-SÕW

³ A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

Efɛɛzɩ 1:3 Iomraidhean Croise

Yele-za-pɛr-tib 14:20

A Naaŋmɩn-na-do-saa-bɛ-pɩɛl-a tɛr'ɩ danʋ, ʋl na ƴãw a fʋ dɔ̃ dem a fʋ nuru pʋɔ a!» A Abram tɩ põ nɩ a bome za ʋ na zɛb fa a ziir pie, ír zi-been kʋ̀ ʋ.

Yele-za-pɛr-tib 22:18

Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw.»

1 Bibie za yel-manɩ 29:20

Al pùorí, a Daviir tɩ yel'ɩ a lãw nɩbɛ za: «Nyɩ puore a Sore nyɩ Naaŋmɩn yãanɩ.» Lɛ n'a bɛ za tɩ puori a Sore, a bɛ sãàkʋm-kore Naaŋmɩn yãanɩ. Bɛ tɩ gbĩ n dume ɛ́ gũu tɩ tɔ tẽw a Sore niŋé nɩ a nãà niŋé.

1 Bibie za yel-manɩ 4:10

A Yaebɛsɩ tɩ puor'ɩ à ŋá: «Ɩsɩrayɛl Naaŋmɩn i, sàw kʋ̀ m a fʋ maalʋ. Ɩ a ɩ̃ bʋ̃-tɛrɩ yãwmɛ dɔwlɩ, piw mɛ̃ tɛr nɩ a fʋ nũu, ɛ́ ɩ a baw-bio nɩ a kpɩɛrʋ zãá nɩ mɛ̃!» A Naaŋmɩn tɩ ɩ n a lɛ ʋ na zɛlɩ a.

2 Bibie za yel-manɩ 31:8

A Ezekɩasɩ nɩ a nɩ-bɛrɛ tɩ wa na wa nyɛ̃ a bome na gbõ taa a, ɛ́ puori a Sore nɩ a ʋ nɩ-bʋʋrɛ Ɩsɩrayɛl yãanɩ.

Neemi 9:5

Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

Sɛb-sõw yielu 134:3

A Sore na be a ʋ yir pʋɔ a Sɩyɔ̃ tẽw a, ʋ maalɩ nyɩ, ʋl na ír a salom nɩ a tẽw a!

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Ɩzayi 61:9

A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

Luka 2:28

a Sɩmɩ̃ɔ tɩ de nɩ a Yeezu na tɩ cãà ɩ bibile a ƴãw a ʋ nuru pʋɔ, ɛ́ puori a Naaŋmɩn yãanɩ yel:

Zã 14:20

A ʋlɩ bibir nɛ a, nyɩ na bãw na k'ɩ̃ɩ lãw nɩ nɩ a ɩ̃ Sãà, kɛ́ nyɩ lãw nɩ mɛ̃ na, ɩ̃ɩ mɩ̀ lãw nɩ nyɩ.

Zã 17:21

ɛ́ bɛ za ɩ been, mɛ̃ a lɛ fʋ̃ʋ ɩ̃ Sãà, fʋ na lãw nɩ mɛ̃ ɩ̃ɩ mɩ̀ lãw nɩ fʋ a. A bɛl mɩ̀, bɛ lãw nɩ tɩ, a tẽ-daa tʋ̃ɔ́ sàw kɛ́ fʋ tõ m'a.

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Ʋrɔm 12:5

lɛ mɩ̀ n'a tɩ yãwmɛ ɛ́ lãw nɩ a Kɩrɩta ɩ ƴã-gã-been, ɛ́ tɩ za lãw nɩ taa mɛ̃ ƴã-gã-been ɓɛrmɛ a.

Ʋrɔm 15:6

Lɛ n'a nyɩ na lãw tɛr tɩɛr-been nɩ nɔ-been danɛ nɩ a Naaŋmɩn, tɩ Sore Yeezu Kɩrɩta Sãà.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 12:12

Mɛ̃ a lɛ a ƴã-gan na ɩ been ɛ́ tɛr ɓɛrmɛ yaga, ɛ́ a ɓɛrmɛ na saa yãwmɛ, ɓã taa ɩ ƴã-gan been yõ a, lɛ n'a a mɩ̀ ŋmɛ̃ a Kɩrɩta zie.

2 Korɛ̃tɩ 1:3

A Naaŋmɩn, tɩ Sore Yeezu Kɩrɩta Sãà, su-ɓaarʋ Sãà nɩ mɔwlʋ za Naaŋmɩn tɛr'ɩ puoru!

2 Korɛ̃tɩ 11:31

A Naaŋmɩn tɩ Sore Yeezu Sãà, na tɛr ƴãwfʋ yome yome za a, bãwnɩ a na k'ɩ̃ɩ bɛ ŋmarɛ ziri ɛ.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:9

A Abraham tɩ sàw na de ɛ́ páw a maalʋ. Lɛ mɩ̀ n'a a bɛlɩ dem na sàw de a, mɩ́ páw a maalʋ mɛ̃ a Abraham.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Efɛɛzɩ 1:17

A tɩ Sore Yeezu Kɩrɩta Naaŋmɩn, ʋl na ɩ Sãà so yúor-vɩɛlʋ-danʋ za a, ʋ kʋ̀ nyɩ yã-bãwfʋ nɩ yel-sɔwlɩ bãwfʋ yã, kɛ̀ nyɩ tʋ̃ɔ́ bãw ʋ sɩza.

Efɛɛzɩ 1:20

a lɛn daar ʋ na ɩ a Kɩrɩta lɛb yi a kũuni pʋɔ, ʋʋ ƴãw ʋ zɩ̃ a ʋ dʋrʋ lowr a tẽ-vla pʋɔ,

Efɛɛzɩ 2:6

A Yeezu Kɩrɩta tɩ na lãw nɩ a, ʋl pʋɔ n'a a Naaŋmɩn ɩ tɩ lɛb yi a kũu pʋɔ lãw nɩ ʋ, ʋʋ ɩ tɩ lãwnɩ ʋ zɩ̃ a tẽ-vla pʋɔ.

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Ebre 8:5

Ɛcɛ a bɛ bàwr-maal-ton ɩ n a saa-zu yele ŋmɛ̃-taalʋ, a saa-zu yele dasule, mɛ̃ a lɛ a Moyiir na tɩ bɔbr a pɛn-sɛw maalʋ a Naaŋmɩn yel kʋ̀ ʋ a. Ʋ tɩ yel ʋ na: «Nyɛ̃, fʋ na maal'ɩ a yele za a ŋmɛ̃ taa nɩ a al ɩ̃ na wul fʋ a tãw zu a.»

Ebre 9:23

A tɩ fɛr'a kɛ́ bɛ mɩ́ tu à à ŋá, a saa-zu yele dasuli á ŋá lɛb vɩɛl. Ɛcɛ a saa-zu yele tɛɛ za bɔbr'ɩ bàwr na vɩɛl zuo a.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.