Ebre 7:3 - A SƐB-SÕW

³ Ʋ bɛ tɛr sãà ɩ, bɛ tɛr mã ɩ, bɛ tɛr sãàkʋm-kʋra kãw za ɩ. Bɛ mɩ̀ bɛ por a ʋ dɔwfʋ nɩ a ʋ kũu yúor zie za ɩ. Ʋ ŋmɛ̃ na taa nɩ a Naaŋmɩn Bie: ʋ ɩ n bàwr-maalɛ kʋralɛ.

Ebre 7:3 Iomraidhean Croise

Eziptɩ tẽw yib 6:18

A Kehatɩ bidɛbr'ɩ bɛ ŋa: Amɩram, Yisehaar, Ebrɔ̃ nɩ Uzɩɛl. A Kehatɩ tɩ vʋʋr'ɩ yome lɩz'a ayʋɔb nɩ pie nɩ ata (133).

Sɔr-nɛ́ɛ 1:18

ɛ́ bʋɔlɩ a lãw nɩbɛ za ɓã taa, a cuwr ayi sob bibi-dãw-niwn sob. A Ɩsɩrayɛl nɩbɛ bɛl za na tɩ tɛr yome lɩzɛr'ɩ dɔwlɛ a tɩ ƴãw na bɛ sɛb a bɛ yée, dɔwlʋ dɔwlʋ nɩ yie yie.

Matie 4:3

Lɛ n'a a bɛlbɛlɛ tɩ taw ta yel ʋ: «Fʋ̃ʋ wa ɩ a Naaŋmɩn Bie a, fʋ̃ʋ ƴãw a kʋsɛbɛ á ŋá lɩɛbɩ bʋ̃-dɩrɩ.»

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 7:1

A Mɛlkɩsedɛkɩ ŋa na tɩ ɩ Salɛm tẽw nãà ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a tɩ tuor'ɩ a Abraham ɛ́ maalɩ ʋ, a lɛn daar a Abraham na tɩ zɛb tʋ̃ɔ́ a na-mɩnɛ ɛ́ lɛb waar a.

Ebre 7:17

Bʋ̃ʋ n'ʋ vɛ̃, a Sɛb-sõw dɩ n a ʋ dãsɩɛ à ŋá: «Fʋ ɩ n bàwr-maalɛ kʋralɛ a Mɛlkɩsedɛkɩ pal pʋɔ.»

Ebre 7:2

A Abraham tɩ kʋ̀ ʋ nɩ a bome ʋ na zɛb de a ziir pie sob. A dãw-niwn sob a, a Mɛlkɩsedɛkɩ yúor pɛr'ɩ: «Mɩnʋ nãà», ɛ́ lɛb waar, ʋ ɩ Salɛm nãà, a pɛr lɛ kɛ́: «Ƴã-ɓaarʋ nãà».

Ebre 7:6

A Mɛlkɩsedɛkɩ nɩ a bɛl bɛ tɩ lãw sãàkʋm ɛ, ɛcɛ ʋ tɩ de a Abraham bome ziir pie sob, ɛ́ maalɩ a sob nɛ a Naaŋmɩn na tɩ ƴãw a nɛ́ɛ kʋ̀ a.