Ebre 5:12 - A SƐB-SÕW

¹² A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

Ebre 5:12 Iomraidhean Croise

2 Samɩɛl 16:23

A lɛn daar a, a yã za a Ahitofɛl na tɩ mɩ́ wul a, a mɩ́ tɩ ɩ na mɛ̃ Naaŋmɩn tɔr za n'ʋ ƴɛ̀rɛ a. A Daviir nɩ a Abɩsalɔm tɩ tuur'ɩ a yã za ʋ na wule bɛ a.

Ɛsɩdɩrasɩ 7:10

Bʋ̃ʋ n'ʋ vɛ̃, a Ɛsɩdɩrasɩ tɩ zanɛ nɩ a Sore wulu nɩ a ʋ pʋɔ za, ɛ́ tuur ʋ, ɛ́ zanɛ nɩ a Ɩsɩrayɛl nɩbɛ a wulu ŋa nɛ-ƴãwnɩ nɩ a ʋ tub a na fɛr kɛ́ bɛ tuur a.

Sɛb-sõw yielu 34:11

A nũ-kpɛn dem bãw nɩ a nã́w nɩ a kɔ̃, ɛcɛ bom za tuo bɛ kpɩɛr a bɛlɩ dem na bɔbr a Sore a ɩ.

Ɩzayi 28:13

Alɛ so a Sore ƴɛ̀rʋ a bɛ zie mɩ̀ na ɩ: “B-a-ba-ba, b-o-bo-bo, g-a-ga-ga, g-o-go-go.” Lɛ n'a bɛ na mɩ́ cere tɩ 'law lo, wɛl sɩɩr. Bɛ na kpɛ n bɛrɩ pʋɔ bɛ nyɔw bɛ.

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Matie 17:17

A Yeezu tɩ de nɩ a ƴɛ̀rʋ yel: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na be a nyɩ zie tɩ ta? Debor'a ɩ̃ na wõ n nyɩ a tuo tɩ ta? Nyɩ tɛr a bie wa kʋ̀ m.»

Markɩ 9:19

A Yeezu tɩ de nɩ a ƴɛ̀rʋ yel: «Alɛ! Nyɩɩm dɩ̃a nɩbɛ na bɛ sàw de Naaŋmɩn a! Debor daar'a ɩ̃ na be a nyɩ sɔgɔ tɩ ta? Nyɩ bɔbr'a k'ɩ̃ɩ cãà wone nɩ nyɩ a tuo ɛ́ gù debor? Nyɩ tɛr a bie wa kʋ̀ m!»

Nɩ-toni 7:38

A wɛja-kpalɛ pʋɔ lãw daar a, a Moyiir'ʋ tɩ be a tɩ sãàkʋm-kore nɩ a malkɩ cará, ɛ́ a malkɩ ƴɛ̀rɛ nɩ ʋ a Sinayi tãw zu. Ʋlɛ n'ʋ de a nyɔ-vʋʋrʋ ƴɛ̀r-bie wa kʋ̀ tɩ.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.

1 Korɛ̃tɩ 14:19

Ɛcɛ a lãw nɩbɛ sɔgɔ, ɩ̃ mɩ́ nyɛ̃ na ƴɛ̀r-bie anũu na tɛr wob a nɩbɛ zie, ɩ̃ na na ƴɛ̀r wul'ɩ bɛ a, a sa ƴɛ̀r-bie tùr-pie (10 000) ɩ̃ na na ƴɛ̀r'ɩ ƴɛ̀rʋ nɩr na bɛ wone a.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

Galasi 4:3

Lɛ n'a a mɩ̀ ŋmɛ̃ a tɩ zie. A lɛn daar tɩ na tɩ cãà ɩ mɛ̃ bibiir a, tɩ tɩ ɩ n a tẽ-daa bʋ̃-balɛ gbãgbaar.

Filib 3:1

Ƴɛrɛŋa a, yɛbr ɩ, nyɩ cɩlɛ nyɩ na lãw nɩ a Sore a. A bɛ kpɩɛr mɛ̃ ɩ̃ na sɛbr a alɩ bʋ̃-been nɛ kʋ̀rɛ nyɩ a ɩ, a na ɩ na nyɩ lɛb kpɛmɛ.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Ebre 10:32

Nyɩ lɛb tɩɛrɩ a lɛ a na tɩ ŋmɛ̃ nyɩ a pɛr-tib daar a: nyɩ na tɩ nyɛrɛ a cãà wa báarɛ a, nyɩ wõ n tuo yaga, nyɩ mɔ̃ nɩ mɔb na kpɛmɛ a.

Ebre 5:11

A yel ŋa ƴãw a, tɩ tɛr'ɩ yel-yaga na yel, ɛ́ a pɛ́ɛ íru kpɛmɛ, a nyɩ na kpɛ vanana a wob ƴãw a zũú.

Ebre 5:13

Sob nɛ za na cãà bɔbr bʋ̀rʋ a, bi-pɩɩla n'ʋ, ʋ bɛ bãw a mɩnʋ ƴɛ̀rʋ yele ɩ.

Ebre 6:1

A na ɩ lɛ a, nyɩ ɩ tɩ bɛr a Kɩrɩta yele al bɛ na mɩ́ tĩ zànɩ a, ɛ́ tu wulu na sɛwnɩ nɩ-bɛrɛ a pùor, tɩ bɛ lɛb dier a wulu pɛr-sʋ̃ɔfʋ yele ɩ: a lɩɛbɩ-a-ɩb bɛr a ɩ-faar na waar'ɩ kũu a, nɩ a naaŋmɩn-sàw-deb,

1 Pɩɛr 2:2

Nyɩ bɔbr a Naaŋmɩn ƴɛ̀rʋ bʋ̀r-kʋ̃ɔ tɛwr mɛ̃ bi-pɩɩlɛ a, k'ʋʋ tʋ̃ɔ́ mɩ́ ɩ nyɩ kɛrɛ tɩ páw a faafʋ.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.