Ebre 1:2 - A SƐB-SÕW

² Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Ebre 1:2 Iomraidhean Croise

Yele-za-pɛr-tib 49:1

A Zakɔb tɩ bʋɔl'ɩ a ʋ bidɛbr wa yel bɛ: «Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.

Ɩzayi 2:2

Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ za na darɛ taa cere a ʋ zu.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Zeremi 48:47

Ɛcɛ, a Sore yere na: «Bibir kãw a, ɩ̃ na lɛb'a maalɩ a Mowab tẽw ƴãw.» A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Mise 4:1

«Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ na darɛ taa cere a ʋ zu.

Sɔr-nɛ́ɛ 24:14

Ƴɛrɛŋa a, ɩ̃ lɛbr'a kule a ɩ̃ nɩ-bʋʋrɛ zie. Ɛcɛ wa, ɩ̃ bɔbr'a k'ɩ̃ɩ yel a ʋlɩ bom nɛ a Ɩsɩrayɛl nɩbɛ na na ɩ a fʋ nɩ-bʋʋrɛ a nɩdaar a kʋ̀ b!»

Matie 13:39

a dɔ̃ sob na bʋ̀r a narsɩ a n'ɩ a Gɛgɛra, a bʋ̃-dieri deb n'ɩ a tẽw baarʋ daar, ɛ́ a bʋ̃-dieri dierbɛ n'ɩ a malkɩ mɩnɛ.

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Matie 21:38

Ɛcɛ a divɛ̃ tɩɩr po-kʋ́ɔrbɛ na wa nyɛ̃ a bie a, bɛ yel'a kʋ̀ taa: “A gbã-dɩrɛ n'ʋ. Nyɩ wa tɩ nyɔw ʋ kʋ ɛ́ so a gbã-dɩ-bome!”

Matie 26:63

Ɛcɛ a Yeezu tɩ ɩ n gbili. A bàwr-maal-kara tɩ yel ʋ na: «Ɩ̃ zɛlɛ fʋ na, a Naaŋmɩn na vʋʋrɛ a yúor ƴãw, kɛ́ fʋ pɔ yel kʋ̀ tɩ: fʋ̃ʋ n'ɩ a Nɩ-kabra a, a Naaŋmɩn Bie e?»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

Markɩ 1:1

À ŋá n'a a Yeezu Kɩrɩta, a Naaŋmɩn Bie, Yel-nʋ̃ɔ̀ tĩ.

Markɩ 12:6

A ʋ bi-nɔna yõ n'ʋ pãa tɩ cɛ ʋ. Ʋ pãa baa tõ ʋ a bɛ zie ɛ́ tɩɛrɛ yere nɩ: “Bɛ na ƴãwnɛ nɩ a ɩ̃ bie.”

Markɩ 12:7

Ɛcɛ a po-kaarbɛ bɛ ŋa tɩ yel'a kʋ̀ taa: “A gbã-dɩrɛ n'ɩ à ŋà! Nyɩ wa tɩ kʋ ʋ, ɛ́ tɩ na so nɩ a púo.”

Zã 1:10

A Ƴɛ̀rʋ tɩ be n a tẽ-daa zu, ɛ́ ʋlɛ n'ʋ ír a tẽ-daa, ɛ́ a tẽ-daa bɛ wa bãw ʋ ɛ.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 1:3

Ʋlɛ n'ʋ so kɛ̀ bom za be, ɛ́ ʋl ƴãw bɛ tɩ n'a a, bom za kʋ̃ʋ tɩ be ɩ.

Zã 13:3

ɛ́ a Yeezu mɩ̀ tɩ bãw kɛ́ a ʋ Sãà de nɩ bom za ƴãw a ʋ nuru pʋɔ a, k'ʋʋ yi n a Naaŋmɩn zie wa ɛ́ lɛb cere a Naaŋmɩn zie a,

Zã 13:32

[Ɛ́ a Naaŋmɩn yúor-vɩɛlʋ-danʋ wa sãá a ʋ zie a], a Naaŋmɩn na kʋ̀ ʋ nɩ a ʋl mɩŋa yúor-vɩɛlʋ-danʋ, ʋʋ kʋ̃ yaa kɛ́ kʋ̀ ʋ ɛ.

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

Zã 16:15

A ɩ̃ Sãà bʋ̃-sora za ɩ n a ɩ̃ dem, alɛ n'a so ɩ̃ yel: “Mãa zie n'a a Vʋʋrʋ na mɩ́ de a yele wa yel kʋ̀ nyɩ.”»

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Zã 3:16

Naaŋmɩn sɩrɩ na nɔ̃w a tẽ-daa yaga za, tɩ de a ʋ Bie, ʋ Bi-been kʋ̀ ʋ, kɛ́ nɩr za na sàw de ʋ a, ta kpi ɛ, ɛ́ páw a nyɔ-vʋʋrʋ na be kʋralɛ a.

Zã 3:25

Lɛ n'a a Zã po-tuurbɛ bɛ mɩnɛ nɩ Zifʋ nɩr kãw tɩ ŋmɩɛr nɔkpɛn a dɛwr-so-bɛrʋ yele ƴãw.

Zã 5:26

Mɛ̃ a lɛ a Sãà na tɛr a nyɔ-vʋʋrʋ a ʋ pʋɔ a, lɛ n'a ʋ mɩ̀ kʋ̀ a Bie ʋ mɩ̀ tɛr a nyɔ-vʋʋrʋ a ʋ pʋɔ.

Zã 5:27

A Sãà kʋ̀ n a Bie a ƴɛ̀rʋ-maalʋ fãw, ʋ na ɩ a Nɩsaal Bie a zũú.

Zã 9:29

Naaŋmɩn ƴɛ̀r'ɩ a Moyiir zie tɩ bãwnɩ, ɛcɛ a sob ŋa ʋl a, tɩ bɛ bãw ʋ yib zie ɩ!»

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Nɩ-toni 2:17

“À ŋá n'a a Naaŋmɩn ƴɛ̀rɛ: a bibi-pɛ-baarɩ wa vɩɛ a, ɩ̃ na ƴãw nɩ a ɩ̃ Vʋʋrʋ nɩsaal za. A nyɩ bidɛbr nɩ a nyɩ pɔwyaar na lɩɛb'ɩ naaŋmɩn-ƴɛ̀r-manbɛ, a nyɩ pɔlbili na nyɛrɛ nɩ bʋ̃-nyɛrɩ, zánʋ na waar'ɩ a nyɩ dɛb-nyamɛ,

Ʋrɔm 1:4

ɛcɛ a Vʋʋrʋ Sõw lowr a, bɛ tɩ wul'a nɩ kpɛnʋ a sãá ʋ na ɩ Naaŋmɩn Bie a, a ʋ kũu-pʋɔ-lɛb-yibu zũú.

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

1 Korɛ̃tɩ 2:7

Ɛcɛ a yã-bãwfʋ ʋl tɩɩm na yere a, ʋ ɩ n Naaŋmɩn yã-bãwfʋ tɩ na kʋ̃ tʋ̃ɔ́ bãw tɔ, ʋʋ sɔwlɩ gã a. A yã-bãwfʋ ʋl a Naaŋmɩn na tɩ dãw bãwnɩ tɩ cɔbrɩ a tɩ yúor-vɩɛlʋ-danʋ ƴãw, ɛ́ a dɩta-pɛ-yome za bɛ be sɛr a.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Galasi 4:4

Ɛcɛ a daar ʋl a Naaŋmɩn na ƴãw a na wa ta a, ʋ tõ n a ʋ Bie, pɔw dɔw ʋ, ɛ́ a Naaŋmɩn wulu sàwfʋ fɛrɛ ʋ,

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Efɛɛzɩ 3:9

ɛ́ ɩ a ɩ cãà a nɩsaalbɛ za zie, a lɛ a Naaŋmɩn na mɩ́ ɩ a ʋ yel-sɔwla tu a ʋ tub a. Ʋl na ɩ bome za Íre a, ʋ ɩ n a ʋ yel-sɔwla ŋa gã koro za a ʋl mɩŋa pʋɔ.

Wulu-ayi-sob 18:15

Ʋ na tõ n naaŋmɩn-ƴɛ̀r-manɛ a nyɩ zie, ʋ ŋmɛ̃ mɛ̃ a mãa a. A nyɩ bʋʋrɛ pʋɔ n'a ʋ na yi, ʋlɛ n'ʋ nyɩ na bɛrɛ wone.

Wulu-ayi-sob 31:29

Bʋ̃ʋ n'ʋ vɛ̃, ɩ̃ bãwnɩ a na k'aa ɩ̃ kũu pùorí a, a Ɩsɩrayɛl nɩbɛ na sãw nɩ bɛ za, bɛ na bɛr'ɩ a sɔ́r ɩ̃ na wul bɛ a. A kpɩɛrʋ na páw bɛ nɩ nɩdaar, a yel-faa bɛ na na maalɩ a Sore zie, ɩ a ɩb ƴãw k'ʋ nyɛ̃ suur a.»

Wulu-ayi-sob 4:30

À á ŋá za ɩ̃ na yere kʋ̀rɛ nyɩ wa ta nyɩ a pùorí kɛ̀ nyɩ be kpɩɛrʋ pʋɔ a, nyɩ na lɛb'a wa a Sore nyɩ Naaŋmɩn zie, ɛ́ nyɩ na wone nɩ a ʋ ƴɛ̀rʋ.

Ebre 1:5

Bʋ̃ʋ n'ʋ vɛ̃, malkɩ buor'ʋ a Naaŋmɩn dãw yel: «Ɩ̃ bie nɛ b, ɩ̃ dɔw fʋ nɩ a dɩ̃a?» Lɛ nɩ kɛ́: «Ɩ̃ na ɩ n sãà a ʋ zie, ʋʋ ɩ bie a ɩ̃ zie?»

Ebre 1:8

Ɛcɛ a ʋ Bie ƴãw a, à ŋá n'a ʋ yel: «Naaŋmɩn i, dɩ̃a nɩ bio a, a fʋ naalʋ-dà-kɔw ba na, fʋ kaarɛ nɩ a fʋ naalʋ-tẽw zie nɩ mɩnʋ.

Ebre 11:3

A sàw-deb zũú n'a tɩ bãw k'aa ʋ ƴɛ̀rʋ n'a Naaŋmɩn cɔbrɩ nɩ a zie. A ɩ a lɛ a bom fʋ na mɩ́ nyɛ̃ a yi bom fʋ na bɛ mɩ́ nyɛ̃ a pʋɔ.

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 5:8

Nɩ a Naaŋmɩn Bie za ʋ na ɩ a, ʋ zànɩ nɩ a nʋɔr-sàwfʋ a tuo ʋ na wõ a pʋɔ.

Ebre 7:28

A Naaŋmɩn wulu mɩ́ ƴãw nɩ nɩbɛ na tɛr bãbàalʋ a bɛ ɩ a bàwr-maal-karɩ. Ɛcɛ a pɔb a Naaŋmɩn na ƴɛ̀r pɔ n a Wulu pùorí a ɩ na a ʋ Bie na páw vɩɛlʋ za a nʋɔr kʋ̀ a, ʋ ɩ bàwr-maal-kara na be kʋralɛ a.

Ebre 7:3

Ʋ bɛ tɛr sãà ɩ, bɛ tɛr mã ɩ, bɛ tɛr sãàkʋm-kʋra kãw za ɩ. Bɛ mɩ̀ bɛ por a ʋ dɔwfʋ nɩ a ʋ kũu yúor zie za ɩ. Ʋ ŋmɛ̃ na taa nɩ a Naaŋmɩn Bie: ʋ ɩ n bàwr-maalɛ kʋralɛ.

Ebre 9:26

Alɛ bɛ ɩ lɛ, a nãá fɛr'a ʋ wõ tuo gb'aa yaga, a lɛn daar a tẽ-daa na tĩ kɛ́ be a. Ɛcɛ, gb'a been daadaa n'a, a daar na wa ta a, ʋ sãá a ƴɛrɛŋa, k'ʋʋ de ʋ mɩŋa maal'ɩ bàwr ír a yel-bier bɛr.

1 Pɩɛr 1:20

Ʋlɛ n'ʋ a Naaŋmɩn tɩ dãw bãwnɩ, ʋ na bɛ tɩ ír a tẽ-daa sɛr a, ɛ́ pãa wa wul ʋ sãá a nyɩɩm ƴãw, a vuo ŋa pʋɔ na ɩ a vo-pɛ-baara a.

2 Pɩɛr 3:3

Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:18

Bɛ tɩ yere nɩ à ŋá kʋ́rɛ nyɩ: «A yele za baarʋ daar a, nɩbɛ na ɩrɛ nyɩ na laar ɛ́ tuur a bɛ ɩ-faar vʋla.»